Хабарҳо
Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати иди Фитр - 23.05.2020 20:28
Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати Рӯзи ҷавонон - 22.05.2020 09:25
Паёми табрикии Раиси вилоят ба муносибати Иди саиди Фитр - 22.05.2020 09:57
Боздиди Раиси вилоят аз фаъолияти фермаи чорводории хоҷагии ба номи Абдураҳим Ҷумаев ва рафти корҳои саҳрои дар ноҳияи Бобоҷон Ғафуров - 23.05.2020 18:03
Раиси вилоят оилаҳои аз бемории сироятӣ фавтидаро аёдат намуда изҳори ҳамдардӣ кард - 23.05.2020 17:40
Раҷаббой Аҳмадзода ба аёдати ҷавонони имконияташон маҳдуд рафт - 23.05.2020 17:34
Ярмарка-фурӯши маҳсулоти кишоварзӣ ва ниёзи аввал баргузор гардид - 23.05.2020 17:26
Cитоди вилоятии назди Раиси вилоят бо иштироки муовини сарвазири Ҷумҳурии Тоҷикистон Ширин Исматуллозода оид ба вазъи эпидемологӣ ва пешгирии паҳншавии бемории COVID-19 - 23.05.2020 16:09
Ҳамроҳ Тоҳироваи 100 сола: “То саҳар дуо мекунам, то ин ки короновирус аз сарзамини мо нест шавад” - 22.05.2020 19:21
Хуҷанд: Аёдати ҷавонони маъюбу камбизоат дар остонаи Рӯзи ҷавонон - 22.05.2020 16:49

Иштироки намояндагони шаҳри Исфара дар чорабиниҳои идонаи ноҳияи Бешариқи Ӯзбекистон

( 0 Овоз )

Рӯзи 27 август бо мақсади иштирок дар чорабиниҳои идона бахшида ба Рӯзи Истиқлолияти давлатии Ҷумҳурии Ӯзбекистон намояндагони шаҳри Исфара бо роҳбарии раиси шаҳри Исфара Саломзода Сиҷоуддин озими ноҳияи Бешариқ шуданд.

Тавре аз мақомоти иҷроияи ҳокимияти давлатии шаҳри Исфара хабар доданд, намояндагони шаҳри Исфараро дар гузаргоҳи сарҳадии "Равот" роҳбарияти ноҳияи Бешариқ ва фаъолону сокинони минтақаҳои наздисарҳадӣ гарму самимӣ истиқбол намуданд. Намояндагони шаҳри Исфара дар якҷоягӣ бо мизбонон дар чорабиниҳои идона, ки дар базмгоҳи асосӣ - варзишгоҳи марказии ноҳия сурат гирифт, иштирок намуданд.

Раиси шаҳри Исфара Саломзода Сиҷоуддин бо баробари ба мардуми ноҳияи Бешариқ расонидани табрикотии саршори таманниётҳои нектарини сокинони шаҳри Исфара, аз дастовардҳои даврони соҳибихтиёрии милливу давлатӣ, зиндагии осудаву ороми шаҳрвандон ва пешрафти устувори иқтисодии Тоҷикистону Узбекистон ёдовар шуд.

Ӯ аз ҷумла, таъкид дошт, ки мулоқоту музокироти сатҳи олии миёни Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳури Ӯзбекистон Шавкат Мирзиёев дар таърихи муносибатҳои мардумони тоҷику ӯзбек марҳилаи навро боз намуд.

Таъкид карда шуд, ки халқҳои мо, новобаста аз мушкилоти зиёд ва рӯйдодҳои таърих, ҳамеша барои ҳифзи анъанаҳои неки дӯстӣ ва бародарӣ талош меварзиданд ва беҳтарини онҳоро то имрӯз нигоҳ доштаанд.

Дар идома меҳмонони исфарагӣ барномаи ҷолиби консертиро бо иштироки беҳтарин ҳунармандони ӯзбекистонӣ тамошо карданд. Ҳунарпешаи халқии Тоҷикистон Исроилҷон Файзидинов бошад бо таронаҳои худ мардуми меҳнатқарини ҳамсоякишварро бо ҷашнашон муборакбод гуфт.

Инчунин зимни сафар ҳайати намояндагони шаҳри Исфара аз якчанд корхонаву муассисаҳои таълимӣ, мавзеҳои таърихиву осорхонаи ноҳияи Бешариқ дидан намуда, бо соҳибкорони ҳамсоякишвар бобати тақвияти ҳамкориҳо суҳбатҳои самимӣ анҷом доданд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Иштироки намояндагони шаҳри Исфара дар чорабиниҳои идонаи ноҳияи Бешариқи Ӯзбекистон