Хабарҳо
Пешвои миллат дар як қатор вазорату идораҳо таъиноти кадрӣ ба амал оварданд - 24.01.2020 16:03
Хуҷанд. Дар мусобиқаи шаҳрӣ оид ба футбол 30 даста миёни ҳам қувваозмоӣ намуданд - 24.01.2020 15:58
Имсол тантанаҳои наврӯзӣ дар маркази вилояти Суғд – шаҳри Хуҷанд баргузор мегардад - 24.01.2020 16:01
Дар Донишгоҳи давлатии Хуҷанд бахшида ба 30-солагии Истиқлолияти давлатӣ Спартакидаи варзишӣ оғоз гардид - 24.01.2020 15:56
Президенти мамлакат Эмомалӣ Раҳмон рамзи «Солҳои рушди деҳот, сайёҳӣ ва ҳунарҳои мардумӣ» эълон гардидани солҳои 2019-2021-ро тасдиқ намуданд - 23.01.2020 16:35
Пешвои миллат Эмомалӣ Раҳмон рамзи «30-солагии Истиқлолияти давлатии Ҷумҳурии Тоҷикистон»-ро тасдиқ намуданд - 23.01.2020 15:54
Нишасти 179-уми маҳфили “Ганҷи сухан” ба 5500-солагии Саразми бостонӣ ва 700 - солагии Камоли Хуҷандӣ бахшида шуд - 22.01.2020 10:33
Мусобиқаи кушоди ҷумҳуриявӣ оид ба волейбол ҷамъбаст гардид - 22.01.2020 08:40
Фармонҳои Президенти Ҷумҳурии Тоҷикистон - 21.01.2020 16:00
Зиндагии шоиста - ҳадафи асосӣ - 21.01.2020 11:00

Пешвои миллат Эмомалӣ Раҳмон Нишони давлатии Ҷумҳурии Тоҷикистонро дар шаҳри Гулистон ифтитоҳ намуданд

( 0 Овоз )
Ифтитоҳи Нишони давлатии Ҷумҳурии Тоҷикистон дар шаҳри Гулистон  23.08.2019
Ифтитоҳи Нишони давлатии Ҷумҳурии Тоҷикистон дар шаҳри Гулистон  23.08.2019
Ифтитоҳи Нишони давлатии Ҷумҳурии Тоҷикистон дар шаҳри Гулистон  23.08.2019
Ифтитоҳи Нишони давлатии Ҷумҳурии Тоҷикистон дар шаҳри Гулистон  23.08.2019
Ифтитоҳи Нишони давлатии Ҷумҳурии Тоҷикистон дар шаҳри Гулистон  23.08.2019
Ифтитоҳи Нишони давлатии Ҷумҳурии Тоҷикистон дар шаҳри Гулистон  23.08.2019
Ифтитоҳи Нишони давлатии Ҷумҳурии Тоҷикистон дар шаҳри Гулистон  23.08.2019
  • Пешина
  • 1 of 8
  • Минбаъда

Имрӯз ҳамчунин Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар идомаи сафари корӣ дар шаҳри Гулистони вилояти Суғд Нишони давлатии Ҷумҳурии Тоҷикистонро мавриди истифода қарор доданд.

Иншооти мазкур дар масоҳати 0,5 гектар бунёд ёфта, сохтмони он давоми камтар аз се моҳ бо ҷалби мутахассисони ватанӣ ба анҷом расонида шудааст.

Баландии сутунпояи Нишони давлатӣ аз сатҳи сақф 17 метрро дар бар гирифта, бо истифода аз масолеҳи аълосифат бунёд гардидааст.

Давраи Нишони давлатӣ 2,5 метрро ташкил дода, дар маҷмӯъ баландии он бо сутунпояаш ба 19,5 метр баробар мебошад.

Майдони Нишони давлатӣ дар доираи тадбирҳои созандагӣ ба истиқболи 30-солагии Истиқлолияти давлатии Ҷумҳурии Тоҷикистон хеле ободу зебо гардонида шуда, роҳравҳои атрофи он дар масоҳати зиёда аз 2000 метри мураббаъ сафолакпӯш гардидаанд.

Ҳамчунин иншоот бо зиёда аз 100 ҳазор дона гулу буттаҳои мавсимӣ сабзу хуррам гардонида шуда, бо фароҳамсозии шароити зарурӣ ин майдон ба як макони диданӣ табдил ёфтааст ва барои истироҳату фароғати сокинону меҳмонони ин шаҳри саноатию сайёҳӣ басо мувофиқ мебошад.

Майдони Нишони давлатии Ҷумҳурии Тоҷикистонро дар шаҳри Гулистон шабонгоҳ қариби 70 адад чароғакҳои поядор ва сутунпояи Нишонро 10 адад чароғак хеле назаррабо мегардонанд.

Зинапояҳои назди Нишони давлатӣ дар масоҳати 600 метри мураббаъ бо истифода аз сангҳои ороишии ватанӣ зиннат ёфтаанд. Дар ин ҷо ҳамчунин фаввораҳои зебо бунёд гардидаанд, ки тарҳи он муосир ва ҷолиби диққат мебошад.

Дар майдони Нишони давлатӣ қариб 100 бех ниҳоли ҳамешасабз шинонида шуда, дар он барои истироҳату фароғати сокинону меҳмонон 3 айвонча низ мавҷуд аст.

Иншоот дар назди бинои Мақомоти иҷроияи маҳаллии ҳокимияти давлатии шаҳри Гулистон дар шафати роҳи мошингард бунёд карда шуда, 320 метр девор ва 200 метр панҷараҳои иҳотавии бинои мазкур навсозӣ гардидаанд.

Пешвои миллат муҳтарам Эмомалӣ Раҳмон зимни шиносоӣ ба сифати корҳои анҷомёфта дар майдони Нишони давлатӣ баҳои баланд дода, ба масъулин ҷиҳати нигоҳубини хуби иншоот ва сабзу хуррамии атрофи он дастуру ҳидоятҳо доданд.

Майдони навбунёди Нишони давлатии Ҷумҳурии Тоҷикистон дар шаҳри Гулистон ҷавобгӯ ба меъёрҳои муосир буда, ба макони асосии тамошо ва саёҳату фароғати сокинону меҳмонон табдил ёфтааст.

Ёдовар мешавем, ки дар солҳои соҳибистиқлолии мамлакат бунёди рамзҳои давлатӣ, аз ҷумла Нишони давлатии Ҷумҳурии Тоҷикистон дар маркази шаҳру ноҳияҳои мамлакат дар доираи дастуру ҳидоятҳои созандаи Президенти мамлакат муҳтарам Эмомалӣ Раҳмон бо мақсади гиромидошти муқаддости миллӣ амалӣ гардидааст.

Дар ин бора аз Хадамоти матбуоти Президенти Ҷумҳурии Тоҷикистон хабар доданд.

Хадамоти матбуоти
Раиси вилояти Суғд


Шарҳ додан


Защитный код
Нав кардан

ШУМО ДАР: Навиди Суғд Пешвои миллат Эмомалӣ Раҳмон Нишони давлатии Ҷумҳурии Тоҷикистонро дар шаҳри Гулистон ифтитоҳ намуданд