Хабарҳо
Президенти мамлакат Эмомалӣ Раҳмон бо истифодаи мақсадноки замини наздиҳавлигӣ дар деҳоти Деҳмойи ноҳияи Ҷаббор Расулов шинос шуданд - 02.07.2020 11:06
Суханронии Пешвои миллат Эмомалӣ Раҳмон дар мулоқот бо роҳбарон ва фаъолони вилояти Суғд - 03.07.2020 11:59
Пешвои миллат Эмомалӣ Раҳмон бо роҳбарон ва фаъолони вилояти Суғд мулоқот намуданд - 03.07.2020 13:05
Пешвои миллат Эмомалӣ Раҳмон дар шаҳри Истаравшан ду хати нави технологияи истеҳсолиро дар ҶСП «Оби Зулол» мавриди истифода қарор доданд - 01.07.2020 10:16
Сарвари давлат Эмомалӣ Раҳмон дар ноҳияи Деваштич Беморхонаи ноҳиявии №5-ро ифтитоҳ намуданд - 01.07.2020 10:19
Президенти мамлакат аз майдони парвариши картошка дар хоҷагии деҳқонии «Шердил»-и ноҳияи Деваштич дидан карданд - 01.07.2020 10:22
Пешвои миллат Эмомалӣ Раҳмон дар шаҳри Хуҷанд бо фаъолияти ҶДММ «Сирдарё» шинос шуданд - 02.07.2020 07:56
Сарвари давлат Эмомалӣ Раҳмон дар шаҳри Хуҷанд Маркази савдою хизматрасониро ифтитоҳ ва ба ятимон туҳфаҳо тақдим карданд - 02.07.2020 07:57
Президенти мамлакат Эмомалӣ Раҳмон марҳилаи аввали «Хати обрасонӣ аз чашмаи Деҳмойи ноҳияи Ҷаббор Расулов ба шаҳри Хуҷанд»-ро ба истифода доданд - 02.07.2020 07:58
Пешвои миллат Эмомалӣ Раҳмон дар шаҳри Хуҷанд корхонаи дӯзандагии ҶДММ «Суғдиён»-ро ифтитоҳ намуданд - 02.07.2020 08:52

Азхудкунии заминҳои бекорхобида ба беҳтар шудани шароити зиндагии садҳо хонавода мусоидат менамояд

( 0 Овоз )

Рӯзи ҷумъаи 5 июл Раиси вилояти Суғд Раҷаббой Аҳмадзода ҷиҳати шиносоӣ бо вазъи зиндагии мардум ва рафти корҳои ободониву созандагӣ ба ноҳияи Куҳистони Мастчоҳ сафари корӣ анҷом дод.

Дар оғози сафар Раиси вилоят дар мавзеи “Дашти Фалахмон”-и ноҳия бо нашъунамои зироатҳо ва лоиҳаи обёрии заминҳои мавзеъ шинос гардид. Тавре иттилоъ дода шуд, дар ноҳияи Куҳистони Мастчоҳ бо дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон заминҳои бекорхобида азхуд карда шуда, барои сокинони минтақа ҷойҳои нави корӣ таъсис дода мешавад.

Маҳз дар партави дастуру ҳидоятҳои Сарвари давлат бо маблағгузории Мақомоти иҷроияи ҳокимияти давлатии вилоят дар мавзеи “Дашти Фалахмон” ба масофаи 5 километр қубур хобонида шуда, беш аз 250 гектар замин обёрӣ карда шуд. Дар заминҳои азхудшуда сокинони деҳаҳои Мадрушкат, Лангар ва Хайробод кишти картошкаро ба роҳ мондаанд ва чуноне мушоҳида гардид нашъунамои картошка хеле хуб аст.

Раиси вилоят дар суҳбат бо роҳбарият ва кишоварзони ноҳия таъкид кард, ки дар шароити куҳсор бояд ҳар як ваҷаб замин самаранок истифода бурда шавад.  Зикр карда шуд, ки дар сурати истифодаи самараноки заминҳои “Дашти Фалахмон” метавон беш аз 100 000 тонна картошка истеҳсол намуд. Ҳамчунин ташкили ҳавзҳои моҳипарварӣ ва сардхонаҳо барои нигоҳдории маҳсулоти хоҷагии қишлоқ дар ин мавзеъ муҳим арзёбӣ карда шуд.

Ёдовар бояд шуд, ки ноҳияи Куҳистони Мастчоҳ аз ҷумлаи навоҳии кишоварзӣ ба шумор рафта, деҳқонони соҳибтаҷрибаи ин минтақа дар парвариш ва кишти картошка таҷрибаи хуб доранд. Афзун намудани майдони кишти картошка аз ҳисоби заминҳои бекорхобида мувофиқи мақсад буда, ба беҳтар шудани шароити зиндагии садҳо хонавода мусоидат менамояд. Айни замон дар ин заминҳо деҳқонон бо дасту дили гарм меҳнат намуда истодаанд.

Хадамоти матбуоти
Раиси вилояти Суғд

 






Шарҳ додан


Защитный код
Нав кардан

ШУМО ДАР: Навиди Суғд Азхудкунии заминҳои бекорхобида ба беҳтар шудани шароити зиндагии садҳо хонавода мусоидат менамояд