Хабарҳо
Президенти мамлакат Эмомалӣ Раҳмон бо истифодаи мақсадноки замини наздиҳавлигӣ дар деҳоти Деҳмойи ноҳияи Ҷаббор Расулов шинос шуданд - 02.07.2020 11:06
Суханронии Пешвои миллат Эмомалӣ Раҳмон дар мулоқот бо роҳбарон ва фаъолони вилояти Суғд - 03.07.2020 11:59
Пешвои миллат Эмомалӣ Раҳмон бо роҳбарон ва фаъолони вилояти Суғд мулоқот намуданд - 03.07.2020 13:05
Пешвои миллат Эмомалӣ Раҳмон дар шаҳри Истаравшан ду хати нави технологияи истеҳсолиро дар ҶСП «Оби Зулол» мавриди истифода қарор доданд - 01.07.2020 10:16
Сарвари давлат Эмомалӣ Раҳмон дар ноҳияи Деваштич Беморхонаи ноҳиявии №5-ро ифтитоҳ намуданд - 01.07.2020 10:19
Президенти мамлакат аз майдони парвариши картошка дар хоҷагии деҳқонии «Шердил»-и ноҳияи Деваштич дидан карданд - 01.07.2020 10:22
Пешвои миллат Эмомалӣ Раҳмон дар шаҳри Хуҷанд бо фаъолияти ҶДММ «Сирдарё» шинос шуданд - 02.07.2020 07:56
Сарвари давлат Эмомалӣ Раҳмон дар шаҳри Хуҷанд Маркази савдою хизматрасониро ифтитоҳ ва ба ятимон туҳфаҳо тақдим карданд - 02.07.2020 07:57
Президенти мамлакат Эмомалӣ Раҳмон марҳилаи аввали «Хати обрасонӣ аз чашмаи Деҳмойи ноҳияи Ҷаббор Расулов ба шаҳри Хуҷанд»-ро ба истифода доданд - 02.07.2020 07:58
Пешвои миллат Эмомалӣ Раҳмон дар шаҳри Хуҷанд корхонаи дӯзандагии ҶДММ «Суғдиён»-ро ифтитоҳ намуданд - 02.07.2020 08:52

Хуҷанд. Мумфаршкунии кӯчаи ба номи Абулқосим Фирдавсии маҳаллаи Ҷаббор Расулов оғоз ёфт

( 0 Овоз )

Рӯзи шанбеи 6 июл бо иштироки Раиси вилояти Суғд Раҷаббой Аҳмадзода дар шаҳри Хуҷанд ба мумфаршкунии роҳи кӯчаи ба номи Абулқосим Фирдавсии маҳаллаи Ҷаббор Расулов ҳусни оғоз бахшида шуд.

Раиси вилоят Раҷаббой Аҳмадзода зимни суҳбат бо сокинони маҳал иброз дошт, ки  бо дастур ва раҳнамоиҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати сазовор пешвоз гирифтани 30 -солагии Истиқлолияти давлатии Ҷумҳурии Тоҷикистон дар қаламрави вилоят бунёди беш аз 6500 иншооти таъиноташ гуногун ба нақша гирифта шуда, дар садҳо иншоот корҳои сохтмонӣ ҷараён дорад.

Иттилоъ дода шуд, ки аз оғози маъракаи мумфаршкунӣ як қатор кӯчаҳои шаҳри Хуҷанд, аз ҷумла кӯчаҳои ба номи Мақсудҷон Танбурӣ, Ҳаким Карим, академикон Зариф ва Солеҳ Раҷабовҳо, Саиднофеъ Саидвалиев, Абӯлаӣ ибни Сино, Чайковский, Озодӣ, Мунзифа Ғаффорова, Деҳқон, дохили маҳаллаи Баҳор, микроноҳияи 12-ум ва ғайраҳо мумфарш карда шуданд.

Дар идомаи корҳои ободонӣ роҳи кӯчаи ба номи Абулқосим Фирдавсӣ, ки аз буриши кӯчаи Исмоили Сомонӣ то кӯчаи Гагарин мерасад, наздик 2 километр буда, паҳноии он то 12 метр мебошад. Пудратчии корҳо ҶДММ “Тоҷроуд” буда, тибқи нақша дар муҳлати даҳ рӯз корҳои мумфаршкунӣ ба анҷом хоҳанд расид.

Ҷоиз ба зикр аст, ки кӯчаи Абулқосим Фирдавсии маҳаллаи Ҷаббор Расулови шаҳри Хуҷанд дар замони Истиқлолияти давлатии Ҷумҳурии Тоҷикистон бори аввал мумфарш карда мешавад.

Солҳои охир муроҷиати мардум бахусус дар шабакаҳои иҷтимоӣ доир ба харобии кӯчаи номбурда бештар ба назар мерасид. Ҳамакнун баъди гузаронидани хатти об ва ташноб тариқи кӯчаи мазкур он мумфарш гардида истодааст.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Хуҷанд. Мумфаршкунии кӯчаи ба номи Абулқосим Фирдавсии маҳаллаи Ҷаббор Расулов оғоз ёфт