Хабарҳо
Президенти мамлакат Эмомалӣ Раҳмон бо истифодаи мақсадноки замини наздиҳавлигӣ дар деҳоти Деҳмойи ноҳияи Ҷаббор Расулов шинос шуданд - 02.07.2020 11:06
Суханронии Пешвои миллат Эмомалӣ Раҳмон дар мулоқот бо роҳбарон ва фаъолони вилояти Суғд - 03.07.2020 11:59
Пешвои миллат Эмомалӣ Раҳмон бо роҳбарон ва фаъолони вилояти Суғд мулоқот намуданд - 03.07.2020 13:05
Пешвои миллат Эмомалӣ Раҳмон дар шаҳри Истаравшан ду хати нави технологияи истеҳсолиро дар ҶСП «Оби Зулол» мавриди истифода қарор доданд - 01.07.2020 10:16
Сарвари давлат Эмомалӣ Раҳмон дар ноҳияи Деваштич Беморхонаи ноҳиявии №5-ро ифтитоҳ намуданд - 01.07.2020 10:19
Президенти мамлакат аз майдони парвариши картошка дар хоҷагии деҳқонии «Шердил»-и ноҳияи Деваштич дидан карданд - 01.07.2020 10:22
Пешвои миллат Эмомалӣ Раҳмон дар шаҳри Хуҷанд бо фаъолияти ҶДММ «Сирдарё» шинос шуданд - 02.07.2020 07:56
Сарвари давлат Эмомалӣ Раҳмон дар шаҳри Хуҷанд Маркази савдою хизматрасониро ифтитоҳ ва ба ятимон туҳфаҳо тақдим карданд - 02.07.2020 07:57
Президенти мамлакат Эмомалӣ Раҳмон марҳилаи аввали «Хати обрасонӣ аз чашмаи Деҳмойи ноҳияи Ҷаббор Расулов ба шаҳри Хуҷанд»-ро ба истифода доданд - 02.07.2020 07:58
Пешвои миллат Эмомалӣ Раҳмон дар шаҳри Хуҷанд корхонаи дӯзандагии ҶДММ «Суғдиён»-ро ифтитоҳ намуданд - 02.07.2020 08:52

Паёми табрикии Раиси вилоят Раҷаббой Аҳмадзода бахшида ба Рӯзи Ваҳдати миллӣ

( 0 Овоз )

Ҳамдиёрони азиз!

Фарорасии санаи ҳумоюни таърихи миллат - Рӯзи Ваҳдати миллиро ба кулли ҳамватанони азиз самимона табрик гуфта, бахту иқболи накӯ, рӯзгори орому осуда, хотири ҷамъ ва осмони софу беғубор таманно мекунам.

Санаи 27 июни соли 1997 ба имзо расидани Созишномаи умумии истиқрори сулҳ ва ризоияти миллӣ ҳамчун дастоварди бузурги мардуми Тоҷикистон дар ҳаёти иҷтимоиву иқтисодӣ ва сиёсию фарҳангии мардуми кишвар марҳилаи навро оғоз бахшид.

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вобаста ба арзиш ва аҳамияти сулҳу оромӣ ва ваҳдати миллӣ таъкид намудаанд: «Ваҳдати миллии тоҷикон ганҷи бебаҳоест, ки бо ранҷу машаққати зиёд ва гузашта аз он, дар натиҷаи ҷонбозию қурбониҳои ҳазорон нафар фарзандони фидоии миллат ба даст омадааст. Аз ин рӯ, мо вазифадорем, ки барои татбиқи ғояҳои ваҳдати миллӣ ва пойдории он талош карда, бо мақсади эҳёву пойдории арзишҳои миллӣ ва тавсеаи тафаккури давлатдории миллиамон, ки асоси пешрафти Тоҷикистони азиз мебошад, сарҷамъона кору фаъолият намоем».

Боиси ифтихор аст, ки имрӯз кишвари азизамон Тоҷикистони соҳибистиқлол дар роҳи рушди босубот қадамҳои устувор мегузорад. Фармони Президенти Ҷумҳурии Тоҷикистон муҳтарам Эмомалӣ Раҳмон вобаста ба сазовор истиқбол гирифтани 30-солагии Истиқлолияти давлатии Ҷумҳурии Тоҷикистон, эълон гардидани солҳои 2019 - 2021 «Солҳои рушди деҳот, сайёҳӣ ва ҳунарҳои мардумӣ» ва ҳамчун ҳадафи чоруми миллӣ пазируфта шудани саноатикунонии мамлакат дар тамоми шаҳру ноҳияҳои вилоят барои густариши корҳои созандагию ободонӣ ва шукуфоӣ мусоидат менамояд.

Мақомоти иҷроияи ҳокимияти давлатии вилоят ҷиҳати татбиқи нақшаю ниятҳои ояндасози Ҳукумати ҷумҳурӣ ба сохтмон, таъмиру тармим ва азнавсозии муассисаҳои таълимӣ, қасрҳои  фарҳангӣ, китобхона,  иншооти  соҳаи  варзиш  ва нигоҳдории тандурустӣ, бунёди роҳу пулҳо, мавзеъҳои истироҳатӣ ва ба вуҷуд овардани тамоми шароити ба зиндагии муосир мувофиқ дар ҳамаи ҷамоат, шаҳраку деҳоти шаҳру ноҳияҳои вилоят иқдом гирифта, барои бо дастовардҳои сазовори меҳнатӣ пешвоз гирифтани санаҳои таърихӣ талош меварзад.

Боварӣ дорам, ки сокинони сарбаланди вилоят дар ҳифзи ваҳдати миллӣ, ҳамчун самараи даврони соҳибистиқлолӣ, тарбияи ҷавонони ватандӯст ва амалӣ гардидани ҳадафҳои созандаи бо сулҳу ваҳдати миллӣ ҳамрадиф нақши равшани хешро дар шукуфоии минбаъдаи Ватани азизамон хоҳанд гузошт.

Бо ҳамин ниятҳои нек, бори дигар тамоми сокинони вилоятро бо Рӯзи Ваҳдати миллӣ муборакбод мегӯям.

Бигзор, ливои сулҳу ваҳдат, файзу баракат ва суботу оромӣ дар кишварамон ҳамеша парафшон бошад.

Шарҳ додан


Защитный код
Нав кардан

ШУМО ДАР: Навиди Суғд Паёми табрикии Раиси вилоят Раҷаббой Аҳмадзода бахшида ба Рӯзи Ваҳдати миллӣ