Хабарҳо
Президенти мамлакат Эмомалӣ Раҳмон бо истифодаи мақсадноки замини наздиҳавлигӣ дар деҳоти Деҳмойи ноҳияи Ҷаббор Расулов шинос шуданд - 02.07.2020 11:06
Суханронии Пешвои миллат Эмомалӣ Раҳмон дар мулоқот бо роҳбарон ва фаъолони вилояти Суғд - 03.07.2020 11:59
Пешвои миллат Эмомалӣ Раҳмон бо роҳбарон ва фаъолони вилояти Суғд мулоқот намуданд - 03.07.2020 13:05
Пешвои миллат Эмомалӣ Раҳмон дар шаҳри Истаравшан ду хати нави технологияи истеҳсолиро дар ҶСП «Оби Зулол» мавриди истифода қарор доданд - 01.07.2020 10:16
Сарвари давлат Эмомалӣ Раҳмон дар ноҳияи Деваштич Беморхонаи ноҳиявии №5-ро ифтитоҳ намуданд - 01.07.2020 10:19
Президенти мамлакат аз майдони парвариши картошка дар хоҷагии деҳқонии «Шердил»-и ноҳияи Деваштич дидан карданд - 01.07.2020 10:22
Пешвои миллат Эмомалӣ Раҳмон дар шаҳри Хуҷанд бо фаъолияти ҶДММ «Сирдарё» шинос шуданд - 02.07.2020 07:56
Сарвари давлат Эмомалӣ Раҳмон дар шаҳри Хуҷанд Маркази савдою хизматрасониро ифтитоҳ ва ба ятимон туҳфаҳо тақдим карданд - 02.07.2020 07:57
Президенти мамлакат Эмомалӣ Раҳмон марҳилаи аввали «Хати обрасонӣ аз чашмаи Деҳмойи ноҳияи Ҷаббор Расулов ба шаҳри Хуҷанд»-ро ба истифода доданд - 02.07.2020 07:58
Пешвои миллат Эмомалӣ Раҳмон дар шаҳри Хуҷанд корхонаи дӯзандагии ҶДММ «Суғдиён»-ро ифтитоҳ намуданд - 02.07.2020 08:52

Баргузории конференсияи ҷумҳуриявии «Бузургии модарон дар Ваҳдат аст!»

( 1 Овоз )

Бо ибтикори Кумитаи кор бо занон ва оилаи назди Ҳукумати Ҷумҳурии Тоҷикистон ва Мақомоти иҷроияи ҳокимияти давлатии вилоят бахшида ба Рӯзи Ваҳдати миллӣ имрӯз дар Кохи Рӯдакии маркази вилоят таҳти унвони «Бузургии модарон дар Ваҳдат аст!» конференсияи ҷумҳуриявӣ баргузор гардид.

Дар конфронс намояндагони Кумитаи кор бо занон ва оилаи назди Ҳукумати Ҷумҳурии Тоҷикистон, арбобони намоёни ҷамъиятию сиёсӣ, роҳбарони воҳидҳои сохторӣ, фаъолзанон, адибону ҳунармандон ва намояндагони расонаҳои хабарӣ ширкат варзиданд.

Конфронсро муовини Раиси вилоят Назира Ғаффорӣ ҳусни оғоз бахшид. Ӯ қайд кард, ки тӯли се рӯз аст, ки бо дастуру ҳидоятҳои Асосгузори сулҳу ваҳдати миллӣ – Пешвои миллат, Президенти мамлакат муҳтарам Эмомалӣ Раҳмон Корвони “Модарони ваҳдатсаро” дар шаҳру навоҳии вилояти Суғд қарор дорад. Таъкид гардид, ки Ваҳдати миллӣ ганҷи бебаҳоест, ки тавассути ҷонбозиҳои ҳазорҳо нафар фидоиёни сулҳхоҳу сулҳпарвар ба даст омадааст. Назира Ғаффорӣ ҳамзамон меҳмонони конфронсро ба вилояти Суғд хайрамақдам гуфт.

- Соли чорум аст, ки чорабинии Корвони “Модарони ваҳдатсаро” бо ташаббуси Кумитаи кор бо занон ва оилаи назди Ҳукумати Ҷумҳурии Тоҷикистон ва дигар ташкилотҳои бонуфуз доир мегардад, - қайд кард муовини якуми Раиси Кумитаи кор бо занон ва оилаи назди Ҳукумати Ҷумҳурии Тоҷикистон Марҳабо Олимӣ. Дар ин рӯзҳои фараҳбахш доир гардидани чорабинии мазкур бори дигар собит месозад, ки бо ҳам омадани занону бонувон баҳри ободӣ, таҳкурсии мустаҳкам барои ояндаи боз ҳам дурахшони сарзамини биҳиштосо мебошад.

Сипас, муовини Раиси Ҳизби Халқи Демократии Тоҷикистон, доктори илмҳои филологӣ Раъно Бобоҷониён кулли иштирокдорони конфронсро бахшида ба ҷашни бузурги таърихӣ – Рӯзи Ваҳдат, ки рӯи тавҳид, бо ҳам омадани модарони сулҳхоҳу дӯстпарвар аст, муборакбод намуд.

Дар конфронс ҳамчунин муовини Раиси Кумитаи иҷроияи Ҳаракати Ваҳдати миллӣ ва эҳёи Тоҷикистон Рудобаи Мукаррам, арбоби намоёни ҷамъиятю сиёсӣ, иштирокчии Иҷлосияи тақдирсоз, собиқ муовини Раиси Маҷлиси намояндагони Маҷлиси Олии Ҷумҳурии Тоҷикистон Гулафзо Савриддинова, ​ Шоири халқии Тоҷикистон, узви Маҷлиси миллии Маҷлиси Олии Ҷумҳурии Тоҷикистон Меҳринисо Бобобекова, Шоири халқии Тоҷикистон Аҳтамзода Шаҳрия, Шоири халқии Тоҷикистон Фарзона, ​ раиси шаҳри Бӯстон Раъно Ҳошимзода, ​ собиқадори меҳнат, ҳунарманди шинохта Мукаррама Қаюмова, ​ сардори Раёсати кор бо занон ва оилаи Мақомоти иҷроияи ҳокимияти давлатии вилоят Нигора Ғаффорзода ва донишҷӯи Донишгоҳи давлатии Хуҷанд ба номи академик Бобоҷон Ғафуров Шаҳноза Қурбонзода суханрониҳои пурмуҳтаво намуданд.

Хадамоти матбуоти

Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Баргузории конференсияи ҷумҳуриявии «Бузургии модарон дар Ваҳдат аст!»