Хабарҳо
Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати иди Фитр - 23.05.2020 20:28
Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати Рӯзи ҷавонон - 22.05.2020 09:25
Паёми табрикии Раиси вилоят ба муносибати Иди саиди Фитр - 22.05.2020 09:57
Боздиди Раиси вилоят аз фаъолияти фермаи чорводории хоҷагии ба номи Абдураҳим Ҷумаев ва рафти корҳои саҳрои дар ноҳияи Бобоҷон Ғафуров - 23.05.2020 18:03
Раиси вилоят оилаҳои аз бемории сироятӣ фавтидаро аёдат намуда изҳори ҳамдардӣ кард - 23.05.2020 17:40
Раҷаббой Аҳмадзода ба аёдати ҷавонони имконияташон маҳдуд рафт - 23.05.2020 17:34
Ярмарка-фурӯши маҳсулоти кишоварзӣ ва ниёзи аввал баргузор гардид - 23.05.2020 17:26
Cитоди вилоятии назди Раиси вилоят бо иштироки муовини сарвазири Ҷумҳурии Тоҷикистон Ширин Исматуллозода оид ба вазъи эпидемологӣ ва пешгирии паҳншавии бемории COVID-19 - 23.05.2020 16:09
Ҳамроҳ Тоҳироваи 100 сола: “То саҳар дуо мекунам, то ин ки короновирус аз сарзамини мо нест шавад” - 22.05.2020 19:21
Хуҷанд: Аёдати ҷавонони маъюбу камбизоат дар остонаи Рӯзи ҷавонон - 22.05.2020 16:49

Шиносоии Раиси вилоят бо ҷараёни сохтмони бинои нави Маркази бемориҳои дил ва ҷарроҳии дилу рагҳои вилояти Суғд

( 0 Овоз )

Имрӯз Раиси вилояти Суғд Раҷаббой Аҳмадзода дар маркази вилоят - шаҳри Хуҷанд бо ҷараёни сохтмони бинои нави Муассисаи давлатии Маркази бемориҳои дил ва ҷарроҳии дилу рагҳои вилояти Суғд шинос шуд.

Ёдовар бояд шуд, ки сохтмони бинои нави табобатӣ дар партави дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон моҳи августи соли 2018 оғоз ёфта буд.

Мувофиқи лоиҳа бинои нави табобатӣ аз таҳхона ва чор ошёна иборат аст ва фармоишгари иншоот Идораи сохтмони асосии вилоят мебошад. Корҳои сохтмониро бунёдкорони ҶДММ «Евростройсервис» ба анҷом мерасонанд.

Зимни шиносоӣ Раиси вилоят ба масъулин ҷиҳати бештар намудани шумораи сохтмончиён ва бо сифати баланд ба анҷом расонидани сохтмон дастуру супоришҳо дод.

Ҳангоми боздид аз Муассисаи давлатии Маркази бемориҳои дил ва ҷарроҳии дилу рагҳои вилояти Суғд Раиси вилоят аз зарурати таҷдиди хиёбони Раҳмон Набиев ва ба гулгашт табдил додани соҳили дарёи Сир, аз ҳудуди пули “Ҷашнӣ” то мавзеи Маҷмааи таърихию фарҳангии “Қалъаи Хуҷанд” ёдовар шуд. Дар ин замина ба масъулини Идораи сохтмони асосии вилоят, сармеъмори вилоят ва дигар шахсони масъул оид ба омода намудани лоиҳаи навсозии хиёбон супоришҳои мушахас дода шуд.

Сипас, Раиси вилоят вазъи кунунии Муассисаи давлатии Маркази солимгардонӣ ва барқарорсозии саломатӣ барои маъюбон ва иштирокчиёни Ҷанги Бузурги Ватаниро мавриди таваҷҷуҳ қарор дод. Дар аснои боздид таъкид карда шуд, ки дар марказ боз як бинои нав сохта шуда, шароити табобату истироҳат дар ин муассиса беҳтар гардонида хоҳад шуд. Ба масъулин дастур дода шуд, ки лоиҳаи бинои навро бо назардошти талаботи замони муосир омода ва пешниҳод намоянд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Шиносоии Раиси вилоят бо ҷараёни сохтмони бинои нави Маркази бемориҳои дил ва ҷарроҳии дилу рагҳои вилояти Суғд