Хабарҳо
Боздиди Пешвои миллат Эмомалӣ Раҳмон аз Муассисаи давлатии «Боғи миллии Ваҳдат» дар ноҳияи Бобоҷон Ғафурови вилояти Суғд - 22.08.2019 19:38
Оғози корҳои таҷдиду барқарорсозии Неругоҳи барқи обии «Қайроққум» - 23.08.2019 09:02
Пешвои миллат Эмомалӣ Раҳмон Нишони давлатии Ҷумҳурии Тоҷикистонро дар шаҳри Гулистон ифтитоҳ намуданд - 23.08.2019 09:17
Президенти мамлакат Эмомалӣ Раҳмон Муассисаи таҳсилоти томактабии хусусии «Файзбахш»-ро дар ноҳияи Ҷаббор Расулов мавриди истифода қарор доданд - 23.08.2019 09:20
Пешвои миллат Эмомалӣ Раҳмон ба 100 нафар ятими кулл дар ноҳияи Ҷаббор Расулов туҳфаҳои идона тақдим намуданд - 23.08.2019 09:23
Пешвои миллат Эмомалӣ Раҳмон ба 100 нафар ятими кулли вилояти Суғд тӯҳфаҳо тақдим намуданд - 23.08.2019 12:29
Пешвои миллат Эмомалӣ Раҳмон корхонаи коркарди равғани растании ҶДММ «ЗирвЭко»-ро мавриди истифода қарор доданд - 23.08.2019 12:28
Сарвари давлат Эмомалӣ Раҳмон корхонаи коркарди санги хоро ва мармари ҶДММ «Хорои Хуҷанд»-ро мавриди истифода қарор доданд - 23.08.2019 12:26
Президенти мамлакат Эмомалӣ Раҳмон бинои шиносномадиҳии Раёсати Вазорати корҳои дохилии Ҷумҳурии Тоҷикистон дар вилояти Суғдро ифтитоҳ намуданд - 23.08.2019 12:25
Ифтитоҳи бинои нави Шуъбаи бозрасии давлатии автомобилии Раёсати Вазорати корҳои дохилии Ҷумҳурии Тоҷикистон дар вилояти Суғд - 23.08.2019 12:23

Оғози мумфаршкунии роҳи Хуҷанд – Палос ва кӯчаи ба номи Саид Валиеви шаҳри Хуҷанд

( 0 Овоз )
  • Пешина
  • 1 of 6
  • Минбаъда

29 - уми майи соли равон Раиси вилояти Суғд Раҷаббой Аҳмадзода дар доираи корҳои ободониву созандагӣ ба истиқболи 30 – солагии Истиқлолияти давлатии Ҷумҳурии Тоҷикистон ба корҳои сохтмонӣ ва мумфаршкунии роҳи Хуҷанд – Палоси ноҳияи Бобоҷон Ғафуров ҳусни оғоз бахшид.

Мавриди зикр аст, ки масофаи умумии роҳи мумфаршшаванда 12,3 километр ва паҳноияш 7 метр буда, аз мавзеи «Ором» - и шаҳри Хуҷанд то Боғи миллии «Ваҳдат» - ро фаро хоҳад гирифт.

Ба ин мақсад аз ҳисоби буҷети Мақомоти иҷроияи ҳокимияти давлатии вилоят беш аз 10 миллиону 500 ҳазор сомонӣ маблағ ҷудо гардидааст ва он аз ҷониби ширкати роҳсозии «Тоҷроҳ» амалӣ мегардад.

Ҳамзамон, кӯчаи мазкур, ки аз шаҳраки Палос ва маҳаллаи Обшорон мегузарад, то гардиши роҳи Ҷамоати деҳоти Исмоили ноҳияи Бобоҷон Ғафуров чароғон карда мешавад.

- Ин иқдом дар партави дастуру ҳидоятҳои созандаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон амалӣ гардида, ба ободӣ ва беҳтар шудани сатҳу сифати зиндагии мардум мусоидат мекунад, - изҳор дошт Раиси вилоят Раҷаббой Аҳмадзода дар мулоқот бо сокинони ин минтақа.

Раиси вилоят ба масъулин ва роҳсозон дастур дод, ки ба сифати корҳои сохтмонӣ, чароғонкунӣ ва мумфаршкунии роҳ эътибори зарурӣ диҳанд.

Дар ин рӯз ҳамзамон мумфаршкунии кӯчаи ба номи Саид Валиеви шаҳри Хуҷанд низ оғоз гардид. Пудратчии корҳои сохтмонӣ Идораи сохтмони асосии вилоят буда, роҳи мазкурро ҶДММ «Тоҷроҳ» мумфарш менамояд. Ба ин мақсад аз буҷети Мақомоти иҷроияи ҳокимияти давлатии вилоят 3,6 миллион сомонӣ ҷудо шуда, масофаи умумии роҳ 2,8 километр ва паҳноии он 10 – 11 метрро дарбар мегирад.

Раиси вилоят Раҷаббой Аҳмадзода бо сокинони ин минтақа, ки асосан маҳаллаи Навбаҳор ва Чашмаи Арзанаро дарбар мегирад, мулоқот намуда, сокинонро ба ободкорӣ ва боз ҳам зеботар намудани маҳалли зист даъват намуд.

Раҷаббой Аҳмадзода аз раванди корҳои созандагӣ ба Истиқболи ҷашни бузурги миллӣ 30 – солагии Истиқлолияти давлатии Ҷумҳурии Тоҷикистон дар вилоят ёдовар шуда, аз ҷумла изҳор дошт, ки ба ин муносибат дар вилоят беш аз 6500 иншоти мухталифи иҷтимоиву иқтисодӣ бунёд мегарданд. То ин дам дар шаҳру ноҳияҳои вилоят беш аз 2400 иншоот бунёд ва мавриди баҳрабардорӣ қарор гирифтааст.

Ёдовар бояд шуд, ки соли равон бо дастгирии Мақомоти иҷроияи ҳокимияти давлатии вилоят дар ҳамаи шаҳру ноҳияҳои вилоят, дар маҷмӯъ ба масофаи беш аз 100 километр роҳҳои мошингард мумфарш хоҳад шуд. Ҳамчунин, бо маблағгузории мақомоти иҷроияи ҳокимияти давлатии шаҳру ноҳияҳо, соҳибкорон ва ашхоси саховатманд роҳи деҳаву ҷамоатҳо ва маҳаллаҳо низ мумфарш ва таъмиру тармим мегардад.

Хадамоти матбуоти
Раиси вилояти Суғд







Шарҳ додан


Защитный код
Нав кардан

ШУМО ДАР: Навиди Суғд Оғози мумфаршкунии роҳи Хуҷанд – Палос ва кӯчаи ба номи Саид Валиеви шаҳри Хуҷанд