Хабарҳо
Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати иди Фитр - 23.05.2020 20:28
Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати Рӯзи ҷавонон - 22.05.2020 09:25
Паёми табрикии Раиси вилоят ба муносибати Иди саиди Фитр - 22.05.2020 09:57
Боздиди Раиси вилоят аз фаъолияти фермаи чорводории хоҷагии ба номи Абдураҳим Ҷумаев ва рафти корҳои саҳрои дар ноҳияи Бобоҷон Ғафуров - 23.05.2020 18:03
Раиси вилоят оилаҳои аз бемории сироятӣ фавтидаро аёдат намуда изҳори ҳамдардӣ кард - 23.05.2020 17:40
Раҷаббой Аҳмадзода ба аёдати ҷавонони имконияташон маҳдуд рафт - 23.05.2020 17:34
Ярмарка-фурӯши маҳсулоти кишоварзӣ ва ниёзи аввал баргузор гардид - 23.05.2020 17:26
Cитоди вилоятии назди Раиси вилоят бо иштироки муовини сарвазири Ҷумҳурии Тоҷикистон Ширин Исматуллозода оид ба вазъи эпидемологӣ ва пешгирии паҳншавии бемории COVID-19 - 23.05.2020 16:09
Ҳамроҳ Тоҳироваи 100 сола: “То саҳар дуо мекунам, то ин ки короновирус аз сарзамини мо нест шавад” - 22.05.2020 19:21
Хуҷанд: Аёдати ҷавонони маъюбу камбизоат дар остонаи Рӯзи ҷавонон - 22.05.2020 16:49

Боздиди кории Раиси вилоят аз ноҳияи Бобоҷон Ғафуров

( 0 Овоз )

Рӯзи 26 май Раиси вилояти Суғд Раҷаббой Аҳмадзода бо мақсади шиносоӣ бо ҷараёни корҳои саҳроӣ ба ноҳияи Бобоҷон Ғафуров сафари корӣ анҷом дод.

Дар ин рӯз Раиси вилоят сараввал ба ҶСК ба номи Абдураҳим Ҷумъаеви ноҳия ташриф оварда, раванди корҳои агротехникӣ ва нашъунамои пахтаро мушоҳида намуд. Чуноне иттилоъ дода шуд, имсол кишоварзони ҶСК ба номи Абдураҳим Ҷумъаев 1618 гектар пахта, 146 гектар гандум, 106 гектар пиёз, 307 гектар шолӣ, 40 гектар картошка, инчунин помидору сабзӣ ва полезиҳо кишт кардаанд.

Раиси вилоят дар суҳбат бо кишоварзон зикр кард, ки ба даст овардани ҳосили фаровон аз риояи қоидаҳои агротехникӣ вобаста буда, деҳқононро зарур аст, ки ба парваришу нигоҳубини зироатҳо таваҷҷуҳи хоса зоҳир намоянд.

Дар идомаи сафар Раиси вилоят бо вазъи пойгоҳи обкашии “Хоҷабоқирғон-1” шинос гардид. Пойгоҳи мазкур 24 агрегат дошта, нуҳ агрегати он омодаи кор аст. Тавассути ин пойгоҳи обкашӣ 14 000 гектар заминҳои ноҳия обёрӣ карда мешавад. Дар аснои шиносоӣ Раиси вилоят бо масъулин дастур дод, ки барои ба кор андохтани тамоми агрегатҳои пойгоҳи обкашӣ то ҷашни 30-солагии Истиқлолияти давлатии Ҷумҳурии Тоҷикистон чораҷӯӣ намоянд. Зеро бидуни сероб намудани заминҳо ва таъмини кишоварзон бо оби полезӣ наметавон ҳосили дилхоҳ ба даст овард.

Сипас, Раиси вилоят дар Ҷамоати деҳоти Зарзамин бо рафти ҷамъоварии помидор шинос гардида, бо деҳқонони пуртаҷрибаи ҷамоат суҳбат орост. Тавре зимни суҳбат иттилоъ дода шуд, дар ҷамоати мазкур дар 200 гектар помидор парвариш карда мешавад ва ҳосили пухтарасида дар бозорҳои вилоят харидорони сершумори худро дорад.

Дар поёни сафари корӣ Раиси вилоят ҳамзамон ҷараёни ҷамъоварии пилларо мавриди таваҷҷуҳ қарор дода, ба пиллапарварони беҳтарини ҷамоат туҳфаҳои хотиравӣ тақдим кард.

Хадамоти матбуоти
Раиси вилояти Суғд










Шарҳ додан


Защитный код
Нав кардан

ШУМО ДАР: Навиди Суғд Боздиди кории Раиси вилоят аз ноҳияи Бобоҷон Ғафуров