Хабарҳо
Боздиди Пешвои миллат Эмомалӣ Раҳмон аз Муассисаи давлатии «Боғи миллии Ваҳдат» дар ноҳияи Бобоҷон Ғафурови вилояти Суғд - 22.08.2019 19:38
Оғози корҳои таҷдиду барқарорсозии Неругоҳи барқи обии «Қайроққум» - 23.08.2019 09:02
Пешвои миллат Эмомалӣ Раҳмон Нишони давлатии Ҷумҳурии Тоҷикистонро дар шаҳри Гулистон ифтитоҳ намуданд - 23.08.2019 09:17
Президенти мамлакат Эмомалӣ Раҳмон Муассисаи таҳсилоти томактабии хусусии «Файзбахш»-ро дар ноҳияи Ҷаббор Расулов мавриди истифода қарор доданд - 23.08.2019 09:20
Пешвои миллат Эмомалӣ Раҳмон ба 100 нафар ятими кулл дар ноҳияи Ҷаббор Расулов туҳфаҳои идона тақдим намуданд - 23.08.2019 09:23
Пешвои миллат Эмомалӣ Раҳмон ба 100 нафар ятими кулли вилояти Суғд тӯҳфаҳо тақдим намуданд - 23.08.2019 12:29
Пешвои миллат Эмомалӣ Раҳмон корхонаи коркарди равғани растании ҶДММ «ЗирвЭко»-ро мавриди истифода қарор доданд - 23.08.2019 12:28
Сарвари давлат Эмомалӣ Раҳмон корхонаи коркарди санги хоро ва мармари ҶДММ «Хорои Хуҷанд»-ро мавриди истифода қарор доданд - 23.08.2019 12:26
Президенти мамлакат Эмомалӣ Раҳмон бинои шиносномадиҳии Раёсати Вазорати корҳои дохилии Ҷумҳурии Тоҷикистон дар вилояти Суғдро ифтитоҳ намуданд - 23.08.2019 12:25
Ифтитоҳи бинои нави Шуъбаи бозрасии давлатии автомобилии Раёсати Вазорати корҳои дохилии Ҷумҳурии Тоҷикистон дар вилояти Суғд - 23.08.2019 12:23

Имсол дар Хуҷанд се шиногоҳ ба сокинону сайёҳон хизмат мерасонад

( 0 Овоз )
  • Пешина
  • 1 of 7
  • Минбаъда

Имсол дар маркази вилоят – шаҳри Хуҷанд се шиногоҳ ба сокинону меҳмонон ва сайёҳони дохиливу хориҷӣ хизмат мерасонад. Дар ин бора зимни шиносоии Раиси вилояти Суғд Раҷаббой Аҳмадзода бо вазъи кунунии шиногоҳҳои соҳили Сирдарё иттилоъ дода шуд.

Нимаи аввали рӯзи 17 май Раиси вилоят Раҷаббой Аҳмадзода нахуст бо вазъи шиногоҳи назди варзишгоҳи “Лочин” шинос гардида, аз ҳолати ногувори ин шиногоҳ, ки солҳо инҷониб истифода нашудааст, изҳори нигаронӣ намуд.

Раҷаббой Аҳмадзода иброз дошт, ки бо мақсади муаррифии зарфиятҳои соҳаи сайёҳӣ ва ҷалби бештари сайёҳону гардишгарон бо дастгирии мақомоти иҷроияи ҳокимияти давлатии вилоят шиногоҳи мазкур барқарор карда шуда, ба истифодаи сокинон вогузор хоҳад шуд.

Дар ин замина ба роҳбарияти шаҳр ва масъулини соҳаи сохтмон дастур дода шуд, ки барои пурра омода намудани шиногоҳи назди варзишгоҳи “Лочин” ва бо тарҳи муосир ороиш додани он тадбирҳои зарурӣ андешанд.

Гуфта шуд, ки дар ин минтақа сохтмони тарабхонаи брендии “Форел” низ идома дорад ва бешак ин мавзеъ ба яке аз маконҳои зебову дӯстдоштании сокинону сайёҳон табдил хоҳад ёфт.

Сипас, Раиси вилоят бо вазъи кунунии шиногоҳи соҳили рости дарёи Сир, воқеъ дар кӯчаи Сирдарёи шаҳри Хуҷанд аз наздик ошно шуд. Шиногоҳи ин мавзеъ, ки дар замони собиқ Иттиҳод Шӯравӣ фаъол буда, беш аз 20 сол инҷониб бинобар номутобиқатӣ ва хатарнок буданаш дар истифодаи умум қарор надошт, соли гузашта бо ибтикори роҳбарияти вилоят аз нав фаъол гардида буд.

Ҳангоми шиносоӣ Раиси вилоят ба роҳбарияти шаҳр ҷиҳати нав намудани реги шиногоҳ, бунёди майдончаҳои варзишӣ барои бозии волейбол ва футбол, омодасозии ҳуҷраҳои либосивазкунӣ ва дигар лавозимоти зарурӣ дастуру супоришҳо дод.

Дар идомаи боздид Раиси вилоят ҳамзамон ҷараёни корҳои сохтмониро дар маҷмааи истироҳатию фароғатӣ ва шиногоҳи соҳили чапи дарёи Сир мавриди таваҷҷуҳ қарор дод. Маҷмааи истироҳатию фароғатӣ дар наздикии чойхонаи Сирдарё, воқеъ дар хиёбони ба номи Раҳмон Набиев бунёд гардида, аз шиногоҳи нав, майдончаҳои варзишӣ барои бозии футболу волейбол, теннис, нуқтаҳои хизматрасонӣ ва дигар инфрасохтори зарурӣ иборат аст.

Дар аснои шиносоӣ Раиси вилоят барои бо сифати баланд ба иҷро расонидани корҳо ва то мавсими нав омода сохтани маҷмаа ба роҳбарияти шаҳр тавсияҳо дод. Таъкид карда шуд, ки то 1 июни соли равон бояд ҳар се шиногоҳи соҳили дарёи Сир пурра омода гардида, мавриди истифода қарор дода шавад.

Хадамоти матбуоти
Раиси вилояти Суғд









Шарҳ додан


Защитный код
Нав кардан

ШУМО ДАР: Навиди Суғд Имсол дар Хуҷанд се шиногоҳ ба сокинону сайёҳон хизмат мерасонад