Хабарҳо
Таҷлили Иди Меҳргон дар вилояти Суғд - 14.10.2019 17:53
Пешвои миллат Эмомалӣ Раҳмон бо кормандони соҳаи саноат мулоқот намуданд - 14.10.2019 16:41
Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати ҷашни Меҳргон - 13.10.2019 09:42
Иштироки Пешвои миллат Эмомалӣ Раҳмон дар Ҷаласаи Шӯрои сарони давлатҳои аъзои Иттиҳоди Давлатҳои Мустақил - 12.10.2019 08:36
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Қирғизистон Сооронбой Жээнбеков мулоқот намуданд - 11.10.2019 14:29
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Ӯзбекистон Шавкат Мирзиёев мулоқот намуданд - 11.10.2019 14:28
Президенти Ҷумҳурии Тоҷикистон Эмомалӣ Раҳмон бо Президенти Туркманистон Гурбонгулӣ Бердимуҳаммадов мулоқот намуданд - 11.10.2019 14:26
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Молдова Игор Додон мулоқот намуданд - 11.10.2019 14:25
Сафари кории Пешвои миллат Эмомалӣ Раҳмон ба Туркманистон - 11.10.2019 14:21
Рамзи ҷашни 5500-солагии шаҳри Саразми бостонӣ тасдиқ гардид - 11.10.2019 16:09

Ҷаласаи ҷамъбасти семоҳаи Раёсати кор бо занон ва оила

( 0 Овоз )

Чанде қабл масъулини Раёсати кор бо занон ва оилаи Мақомоти иҷроияи ҳокимияти давлатии вилоят дар Маркази фарҳанги шаҳри Хуҷанд бо баргузории ҷамъомад аз фаъолияти семоҳаи раёсат натиҷагирӣ намуданд.

Ҷаласаи ҷамъбастӣ бо иштироки мудирони шуъба ва бахшҳои кор бо занон ва оила, раисони Шӯрои занони ҷамоатҳои шаҳраку деҳот, маҳаллаҳои шаҳру ноҳияҳои вилоят, раисони Шӯрои занону духтарони муассисаҳои таҳсилоти олӣ ва миёнаи касбӣ ва дигар шахсони дахлдор доир гардид.

Тавре зикр карда шуд, ба тасвиб расидани Фармони Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон «Дар бораи баланд бардоштани мақоми зан дар ҷомеа», инчунин қабули Стратегия ва Барномаҳои давлатӣ марҳилаи тозаеро дар ҳаёти сиёсии мамлакат ва бештар намудани ҷалби занон ба ҳаёти ҷамъиятӣ боз намуд.

Имрўз аз 1 миллиону 315,4 нафар занону духтарони вилоят 6733 нафарашонро занони роҳбарикунанда ва 1267 нафарашонро хизматчиёни давлатӣ ташкил медиҳанд.

Аз ҳисоби занони вилоят 1 нафар узви Маҷлиси миллии Маҷлиси Олии Ҷумҳурии Тоҷикистон, 4 нафар занон вакилони Маҷлиси намояндагони Маҷлиси Олии Ҷумҳурии Тоҷикистон, 18 нафар вакилони Маҷлиси халқи вилояти Суғд, 99 нафар ба Маҷлиси вакилони халқи шаҳру ноҳияҳои вилоят ва 543 нафар вакилони халқи ҷамоатҳо интихоб гардиданд, ки нисбат ба солҳои пешин зиёд мебошад.

Дар вилоят 6 нафар занон дорои унвони баланди Қаҳрамони меҳнати сотсиалистӣ, 236 қаҳрамонмодар, 561 нафар сазовори ордену медалҳо, 153 барандагони унвону ҷоизаҳои давлатӣ, 51 дорандаи “Медали шоиста”, 13 нафар докторони илм, 279 нафар номзадони илм, 139 нафар варзишгарони номдор мебошанд.

Дар ҷаласа оид ба рафти татбиқи қарори Ҳукумати Ҷумҳурии Тоҷикистон «Дар бораи Консепсияи рушди оила дар Ҷумҳурии Тоҷикистон», Барномаи давлатии «Стратегияи миллии фаъолгардонии нақши занон дар Ҷумҳурии Тоҷикистон  барои солҳои 2015-2020», Барномаи давлатӣ оид ба пешгирии зўроварӣ дар оила дар Ҷумҳурии Тоҷикистон барои солҳои 2014-2023», Барномаи давлатии «Тарбия, интихоб ва ҷобаҷогузории кадрҳои роҳбарикунандаи Ҷумҳурии Тоҷикистон аз ҳисоби занону духтарони лаёқатманд барои солҳои 2017-2022 ва дигар санадҳо маълумот дода шуда, ҷиҳати тақвияти кори шуъбаву бахшҳои кор бо занон ва оилаи шаҳру ноҳияҳо супоришҳо дода шуд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Ҷаласаи ҷамъбасти семоҳаи Раёсати кор бо занон ва оила