Хабарҳо
Нишасти 174-умини маҳфили “Ганҷи сухан” дар Ҷамоати деҳоти Ворух сурат гирифт - 19.07.2019 12:55
Пешвои миллат Эмомалӣ Раҳмон дар сатҳи роҳбарикунандаи сохторҳои низомӣ ва ҳифзи ҳукуқу тартибот тағйироти кадрӣ ба амал оварданд - 19.07.2019 12:51
Суғд: Бо харҷи беш аз 10 млн. сомонӣ 42 иншооти варзишӣ сохта ба истифода дода шуд - 19.07.2019 11:27
Дар нимсолаи якуми соли ҷорӣ бунёду азнавсозии беш аз 90 иншооти соҳаи тандурустӣ ба итмом расонида шуд - 19.07.2019 11:04
Ҷалби 176,8 млн. доллар сармоягузориҳо ба иқтисодиёти вилояти Суғд - 19.07.2019 11:03
Донишгоҳи давлатии ҳуқуқ, бизнес ва сиёсати Тоҷикистон соҳиби шаҳодатномаи барномаи аккредитатсияи байналмилалӣ гардид - 19.07.2019 10:18
Ҷадвали нишастҳои матбуотӣ барои кормандони ВАО - 18.07.2019 14:53
Дар шаҳри Конибодом 11 майдончаи варзишӣ бунёд ва мавриди истифода қарор дода шуд - 18.07.2019 10:40
Дар нимсолаи якуми соли 2019 шумораи аъзои ҲХДТ дар вилоят 6834 нафар афзудааст - 18.07.2019 09:31
Таваҷҷуҳ ба рушди ҳунарҳои мардумӣ. Дар Суғд озмуни кулолгарӣ, чӯбтарошӣ ва сабадбофӣ гузаронида мешавад - 18.07.2019 08:53

Суғд: Дар семоҳаи аввали соли равон ба маблағи 2,7 миллиард сомонӣ маҳсулоти саноатӣ истеҳсол шуд

( 0 Овоз )

Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  дар Паёми навбатии хеш саноатикунонии босуръати кишварро ҳадафи чоруми миллӣ эълон намуданд.

Дар партави дастуру супоришҳои Сарвари давлат ва ҷиҳати расидан ба ин ҳадаф дар вилояти Суғд нақшаи чорабиниҳои мушаххас тасдиқ гардидаву иҷро гардида истодааст. Воқеан ҳам аҳамияти соҳаи саноат дар ҳалли масъалаҳои иқтисодиву иҷтимоӣ ва таъсиси ҷойҳои корӣ, баланд бардоштани сатҳи зиндагии мардум ва рушди иқтисодиёти мамлакат назаррас мебошад. Маҳз бо назардошти ҳамин омилҳо барои рушди соҳа дар вилояти Суғд тадбирҳои зарурӣ амалӣ ва ҳамасола корхонаҳои нав бунёд мегарданд.

Аз ҷумла, тибқи нақша дар вилоят соли равон бунёди 100 корхонаи нав дар назар гирифта шуда, давоми семоҳаи аввали соли равон 26 корхонаву коргоҳи нав бо 377 ҷойи нави корӣ мавриди истифода қарор гирифт. Корхонаҳои навтаъсис, асосан, корхонаҳои  соҳаи саноати истеҳсоли масолеҳи сохтмон, хўрокворӣ ва сабукро дарбар гирифта, барои таъмини бозори дохилӣ бо маҳсулоти истеҳсоли ватанӣ ва воридотивазкунанда мусоидат хоҳанд кард.

Дар ин давра ҳамзамон ба маблағи 2 миллиарду 735,4 млн. сомонӣ маҳсулоти саноатӣ истеҳсол карда шуд. Ҳаҷми истеҳсоли маҳсулоти саноатӣ нисбат ба ҳамин давраи соли 2018 бо назардошти индекси нархҳои истеҳсолкунандагони маҳсулоти саноатӣ 116,4 фоизро ташкил кард.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Суғд: Дар семоҳаи аввали соли равон ба маблағи 2,7 миллиард сомонӣ маҳсулоти саноатӣ истеҳсол шуд