Хабарҳо
Раиси вилоят роҳбарияти корхонаи мошинбарории “Белл”-ро ба ҳузур пазируфт - 22.04.2019 16:18
Шиносоии Раиси вилоят бо рафти корҳои саҳроӣ дар ноҳияи Бобоҷон Ғафуров - 22.04.2019 15:31
Машқҳои мукаммали зернизоми Низоми ягонаи давлатӣ оид ба пешгирӣ ва рафъи оқибатҳои ҳолатҳои фавқулода ҷамъбаст шуд - 22.04.2019 14:33
Ғолибони Фестивали вилоятииҳунарҳои мардумӣ таҳти унвони «Ҳунар беҳтар аз зар бувад» муайян шуданд ​ - 22.04.2019 13:45
Фестивали вилоятии ҳунарҳои мардумӣ таҳти унвони «Ҳунар беҳтар аз зар бувад» /АКСҲО/ - 22.04.2019 13:20
Президенти Ҷумҳурии Тоҷикистон Эмомалӣ Раҳмон бо хабарнигорони расонаҳои иттилоотии Ҷумҳурии Мардумии Чин мусоҳиба анҷом доданд - 22.04.2019 13:06
Пешвои миллат Эмомалӣ Раҳмон Амфитеатри Боғи фарҳангу фароғатии ба номи Абулқосим Фирдавсиро ифтитоҳ намуданд - 22.04.2019 13:03
Президенти Тоҷикистон Эмомалӣ Раҳмон ба корҳои навсозии «Комбинати орди Душанбе» оғоз бахшиданд - 22.04.2019 12:11
Пешвои миллат Эмомалӣ Раҳмон дар ноҳияи Исмоили Сомонии пойтахт Муассисаи таҳсилоти миёнаи умумии рақами 6-ро ифтитоҳ намуданд - 22.04.2019 11:58
Баргузории машқи мукаммали зернизоми Низоми ягонаи давлатӣ оид ба пешгирӣ ва рафъи оқибатҳои ҳолатҳои фавқулодда - 19.04.2019 17:05

Аҳли фарҳанги вилоят Рӯзи театри тоҷикро бо шаҳомати хоса таҷлил намуданд

( 0 Овоз )

7 ноябр дар Театри давлатии мазҳакаи мусиқии ба номи Камоли Хуҷандии маркази вилоят Рӯзи театри тоҷик бо шукӯҳу шаҳомати хоса таҷлил гардид.

Чорабинии идонаро сардори Раёсати фарҳанги вилоят Ориф Набиев ифтитоҳ намуда, кулли ҳунармандон, санъаткорон, ҳунарпешагони театрҳоро аз номи тамошобинон ва мухлисони санъати театр бо ин санаи ҳумоюнӣ шодбош гуфт. Қайд карда шуд, ки аз рӯи анъана ва назардошти табиати хоси санъати миллии тоҷик театр дар шаҳри Хуҷанд ҳамчун театри драма, мазҳака ва сарчашмаи тарғибу ташвиқи савту навои классикиву халқӣ, ки он ҳамрадифи каломи саҳнавӣ-мусиқӣ низ мақому мавқеи бузург дошт, арзи ҳастӣ намуд. Дар даврони шӯравӣ Рӯзи театр бо қарори ЮНЕСКО санаи 27-уми май ҷашн гирифта мешуд. Дар даврони Истиқлолият бошад, маҳз бо дастур ва амри Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон санаи 7-уми ноябр ҳамчун Рӯзи театр 17 сол инҷониб дар кишвар ботантана ҷашн гирифта мешавад. Зикр кардан бамаврид аст, ки бори нахуст 7-уми ноябри соли 1929 Театри академикии ба номи Абулқосим Лоҳутӣ дари худро ба рӯи тамошобинон боз намуд. Шурӯъ аз он санаи таърихӣ ҳунармандони театр  бо намоишномаҳои пурмазмуни худ ҳаёти иҷтимоиву маданӣ, сиёсиву иқтисодии тамоми соҳаҳои хоҷагии халқро манзури тамошобинон мегардонанд.

Ориф Набиев ҳамчунин дар бораи фаъолияти ташкилкунандагон ва ҷонфидоёни театр аз солҳои аввали ташкилёбӣ сухан карда, дар бораи муваффақиятҳои эҷодии ҳунармандони саҳна Ойдиной Усмонова, Мӯътабар Иброҳимова, Неъматҷон Дӯстматов, Маҳмудҷон Воҳидов, Ҳошим Гадо ва дигарон, ки барои нашъунамои санъати миллӣ самимона кӯшиш мекарданд, ибрози ақида намуд.  Маҳз меҳнати бурдборонаи ин нафарон буд, ки дар театр муҳити созгори эҷодӣ ба вуҷуд омад ва ҳама бо ҷӯшу хурӯш ба кор камари ҳиммат бастанд, намоишномаҳои шавқовару ҷолиб рӯи саҳна омаданд.  Беш аз 80 сол инҷониб ҳунарпешагони театрҳои кишвар барои тарбияи зебоипарастӣ, ахлоқи ҳамида, баланд бардоштани маънавиёти мардум пайваста заҳмат мекашанд.

Дар ин рӯз ҳунармандони Театри давлатии мусиқии ба номи Маҳмудҷон Воҳидови ноҳияи Ашт бо намоиши порча аз асари саҳнавии «Гулпарӣ», ҳунарпешагони Театри драмаи мусиқии шаҳри Бӯстон бо порча аз намоишномаи «Во всём виновата любовҳ», ҳунарпешагони Театри давлатии лӯхтаки шаҳри Бӯстон бо суитаи рақсӣ, ҳунарпешагони Театри давлатии мусиқӣ-драмавии ӯзбекии ба номи Шукур Бурҳонови ноҳияи Спитамен бо порча аз намоишномаи «Армон», ҳунармандони Театри  драмаи мусиқии ба номи Тӯҳфа Фозиловаи шаҳри Конибодом бо порча аз намоишномаи «Оҳ муҳаббат», ҳамчунин ҳунарпешагони ҷавони Театри тамошобини навраси ба номи Одилҷон Назарови шаҳри Хуҷанд ва Театри давлатии мазҳакаи мусиқии ба номи Камоли Хуҷандии шаҳри Хуҷанд бо намоишномаи «Табиби паррон» хотири тамошобинонро болидарӯҳ гардонданд.

Рӯзи Театри тоҷик бо сурудҳои пурмазмуну дилошӯби сарояндагони маҳбуб хотирмон анҷом ёфт.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Аҳли фарҳанги вилоят Рӯзи театри тоҷикро бо шаҳомати хоса таҷлил намуданд