Хабарҳо
Баргузории чорабинии идона ба муносибати Рӯзи Президент ва ифтитоҳи агрегати аввали НБО "Роғун" /АКСҲО/ - 17.11.2018 15:53
Раҳпаймоии идона ба муносибати ифтитоҳи чархаи аввалини НБО "Роғун" /АКСҲО/ - 17.11.2018 15:38
Ба муносибати Рӯзи Президент ва ифтитоҳи агрегати якуми Неругоҳи барқи обии «Роғун» дар тамоми шаҳру ноҳияҳо чорабиниҳои идона баргузор гардид - 17.11.2018 14:18
Суханронии Пешвои миллат Эмомалӣ Раҳмон дар маросими оғози кори агрегати якуми нерӯгоҳи барқи обии «Роғун» - 17.11.2018 13:38
ИТП ТЭТ аъзолари ќамоќхонадаги исён сабабчиларидир - 17.11.2018 11:19
Tajikistan. The instigators of the prison riot members are terrorist-extremist organization, the Islamic Revival Party - 17.11.2018 11:14
Тоҷикистон. Ташаббускорони ошӯби зиндон аъзои ТТЭ ҲНИ мебошанд (Бознашр аз сомонаи «Центразия.ру» аз 16.11.2018с.) - 16.11.2018 22:09
МАШЪАЛАФРЎЗИ МИНТАҚА ЧАШМИ ҲАСУДОНРО КЎР МЕКУНАД - 16.11.2018 22:08
ОЛУС ҲАМАРО КАҶМАКАҶАК МЕБИНАД - 16.11.2018 21:38
Табрикот ба мардуми кишвар ва таъзия ба ТТЭ ҲНИ - 16.11.2018 21:20

Таҷлили Рӯзи милитсияи тоҷик дар шаҳри Хуҷанд

( 0 Овоз )

8 ноябр ба муносибати Рӯзи милитсияи тоҷик дар шаҳри Хуҷанд чорабинии тантанавӣ баргузор гардид. Ҷамъомади идона дар толори Кохи фарҳанги «Суғдиён» ҷараён гирифт ва роҳбарияти шаҳр кормандони милитсияро бо иди касбиашон табрик гуфт.

Зикр гардид, ки мақомоти милитсияи тоҷик бахусус дар давраи аввали соҳибистиқлолии кишвар, бо вуҷуди мушкилоту монеаҳои зиёд якҷо бо дигар мақомоту сохтори низомӣ аз ўҳдаи иҷрои масъулияти басо муҳиму душвор - барқарор кардани сохти конститутсионии давлат, тартиботи ҳуқуқӣ ва волоияти қонун сарбаландона баромадаанд. Кормандони мақомоти корҳои дохилӣ дар шаҳри Хуҷанд низ дар барқарорсозии сохти конститутсионӣ ва мустаҳкам намудани пояҳои давлатдории тоҷикон ҳиссаи арзандаи худро гузошта, 26 нафари онҳо ҷони азизи худро нисор намудаанд, ки номи онҳо дар таърихи милитсияи тоҷик бо ҳарфҳои заррин сабт гардидаанд.

Иттилоъ дода шуд, ки кормандони мақомоти корҳои дохилӣ дар душвортарин шароит барои ягонагии кишвари азизи худ каҳрамониву мардонагӣ нишон дода, тавонистанд, ки сулҳу оромиро дар кишвар пойдор созанд. Изҳори боварӣ карда шуд, ки кормандони милитсия аз хизматчиёни қаторӣ то афсарони баландрутба минбаъд низ барои ҳифзи тартибот, таъмини зиндагии осоиштаи мардум, пуштибонии сулҳу субот ва таҳкими волоияти қонун дар ҷомеа нерўи ҷисмонӣ, маҳорати касбӣ ва донишу малакаи худро дареғ намедоранд ва ба халқу Ватани азизамон беғаразона ва бо дасту дили пок ва содиқонаву софдилона хизмат менамоянд.

Сипас, аз тарафи роҳбарияти шаҳри Хуҷанд ба як қатор кормандони фаъоли мақомоти корҳои дохилаи шаҳр Сипоснома ва туҳфаҳои хотиравӣ тақдим карда шуд. Аз тарафи роҳбарияти ШВКД дар шаҳри Хуҷанд низ ба як қатор кормандони фаъол Ифтихорнома супорида шуд.

Барномаи фарҳангӣ ва сурудҳои баландмазмуни ватандӯстона табъи ҳозиринро болида намуд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Таҷлили Рӯзи милитсияи тоҷик дар шаҳри Хуҷанд