Хабарҳо
Дар Хуҷанд ярмарка - фурӯши маҳсулоти кишоварзӣ ва маводи озуқаворӣ доир шуд - 23.10.2021 13:40
Боздиди Раиси вилоят Раҷаббой Аҳмадзода аз шаҳри Бӯстон - 22.10.2021 14:17
Ба ғолибони бистрўзаи дуюми мавсими пахтачинӣ туҳфаҳо супорида шуд - 21.10.2021 14:52
Мулоқоти Раиси вилоят бо роҳбарони Ҷамъияти дорои масъулияти маҳдуди “Баракат-Исфара” - 21.10.2021 14:51
Имзои беш аз 100 шартномаи нави ҳамкорӣ миёни соҳибкорони Тоҷикистон, Ӯзбекистон ва Федератсияи Россия - 21.10.2021 13:35
Мулоқоти Раиси вилоят бо намояндаи тиҷоратии Федератсияи Россия дар Тоҷикистон Евгений Коренков - 20.10.2021 13:57
Маросими кушодашавии ҳафтумин Ярмаркаи байналмилалии савдо "Суғд-2021" - 20.10.2021 14:06
STATEMENT Following the Meeting of the Special Services of Iran, Kazakhstan, China, Pakistan, Russia, Tajikistan and Uzbekistan - 20.10.2021 13:58
Дар Гулистон вохӯрии гурӯҳҳои кории ҳайатҳои ҳукуматии Тоҷикистон ва Узбекистон баргузор шуд - 19.10.2021 16:06
СУҒД: Дар Форуми "Имкониятҳои тиҷорату сармоягузорӣ ва дурнамои рушди минтақаҳо" беш аз 400 нафар соҳибкорону сармоягузорони дохиливу хориҷӣ иштирок намуданд - 19.10.2021 15:35

Навиди Суғд


Имзои беш аз 100 шартномаи нави ҳамкорӣ миёни соҳибкорони Тоҷикистон, Ӯзбекистон ва Федератсияи Россия

( 0 Овоз )

Дар доираи баргузории Форуми "Имкониятҳои тиҷорату сармоягузорӣ ва дурнамои рушди минтақаҳо" ва  Ярмаркаи байналмилалии савдо “Суғд-2021”, ки рӯзҳои 19 ва 20 октябри соли ҷорӣ дар маркази вилоят доир шуд, беш аз 100 шартномаи ҳамкорӣ ба имзо расид. Дар ин бора муовини Раиси вилояти Суғд Анвар Яъқубӣ ба хабарнигорон иттилоъ дод.

Вай ҳамзамон афзуд, ки Ярмаркаи байналмилалии савдо “Суғд-2021” бори ҳафтум аст, ки дар партави дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва бо мақсади муаррифии имкониятҳои иқтисодиву саноатӣ ва кишоварзиву сайёҳии вилояти Суғд, рушди робитаҳои тиҷоративу иқтисодӣ, ҷалби сармоя ба иқтисодиёти вилоят ва таҳкими муносибатҳо гузаронида шуда, соли гузашта бо сабаби пандемияи коронасирус доир нашуд.

Дар ярмаркаи имсола теъдоди зиёди соҳибкорону моликони корхонаву ширкатҳои Федератсияи Россия ва Ҷумҳурии Ӯзбекистон ширкат варзида, бо шарикони тоҷики худ дурнамои ҳамкориҳоро баррасӣ карданд.

Тӯли дӯ рӯзи гузашта миёни соҳибкорони тоҷику рус ва тоҷику ӯзбек мулоқоту гуфтушунидҳо барои таҳкими робитаҳо роҳандозӣ гардида, беш аз 100 шарномаҳои нави ҳамкорӣ ба имзо расонида шуд.

Хадамоти матбуоти
Раиси вилояти Суғд

STATEMENT Following the Meeting of the Special Services of Iran, Kazakhstan, China, Pakistan, Russia, Tajikistan and Uzbekistan

( 0 Овоз )

On October 20, Dushanbe hosted a Meeting of the special services of Iran, Kazakhstan, China, Pakistan, Russia, Tajikistan and Uzbekistan.

Муфассал...

Дар Гулистон вохӯрии гурӯҳҳои кории ҳайатҳои ҳукуматии Тоҷикистон ва Узбекистон баргузор шуд

( 0 Овоз )

12-19 октябр дар шаҳри Гулистони вилояти Суғд вохӯрии навбатии гурӯҳҳои  кории ҳайатҳои ҳукуматии Ҷумҳурии Тоҷикистон ва Ҷумҳурии Узбекистон дар Комиссияи муштараки демаркатсионӣ баргузор гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.

Дар ҷараёни музокирот корҳои аломатгузорӣ дар хати сарҳади давлатии Тоҷикистон ва Узбекистон  баррасӣ гардиданд.

Зимни вохӯрӣ ҳуҷҷатгузории техникии демаркатсияи сарҳади давлатии Тоҷикистон ва Узбекистон тасдиқ карда шуд.

Дар доираи вохӯрӣ сафари муштараки саҳроӣ ба минтақаҳои алоҳидаи сарҳади давлатии Тоҷикистон ва Узбекистон сурат гирифт.

Вохӯрии навбатии гурӯҳи корӣ моҳи ноябри имсол дар Ҷумҳурии Узбекистон ба нақша гирифта шудааст.

Вохӯрӣ дар фазои дӯстӣ ва ҳамдигарфаҳмӣ баргузор шуд.

Пас аз анҷоми вохӯрӣ Протокол ба имзо расид.

 

Суғд: Дар нуҳ моҳ ба маблағи 414,7 млн. доллар маҳсулот содирот шуд

( 0 Овоз )

Ҳаҷми гардиши савдои хориҷии вилояти Суғд дар моҳҳои январ-сентябри соли 2021 ба 1 млрд. 607,2 млн. доллари ИМА расонида шуда,  суръати афзоиш нисбат ба ҳамин давраи соли  2020-ум 134,8 фоиз таъмин гардид.

Ҳаҷми воридот 1 млрд. 192,5 млн. доллари ИМА-ро ташкил дода, нисбат ба ҳамин давраи соли қаблӣ 239,4 млн. доллар ё 25,1 фоиз афзудааст.

Содироти маҳсулот аз вилоят дар ин давра 414,7 млн. долларро ташкил намуд, ки нисбат ба ҳамин давраи соли сипаришуда 175,9 млн. доллар ё 73,5 фоиз зиёд  мебошад.

Содироти маъдан ва консентрат нисбат ба нишондиҳандаи ҳамин давраи соли қаблӣ ба маблағи 123,3 млн. доллар афзоиш ёфта, ҳамагӣ 187 ҳазору 217 тонна маъдан ва консентрат ба маблағи 236,7 млн. доллари ИМА содирот шудааст. Ҳиссаи маъдан ва консентрат дар ҳаҷми умумии содирот 57,7 фоизро ташкил намуда, нисбат ба ҳамин давраи соли қаблӣ 10,2 банди фоизӣ боло рафтааст.

Нисбат ба ҳамин давраи соли қаблӣ ҳаҷми содироти семент ба намуди аслӣ ба миқдори 15 ҳазору 280 тонна афзоиш ёфта, ҳамагӣ 487 ҳазору 186 тонна семент ба маблаѓи 18 млн. доллари ИМА содирот шудааст.

Дар натиҷаи татбиқи ҳадафмандонаи саноатикунонии босуръати кишвар дар вилоят нишондиҳандаҳои истеҳсолии соҳаи саноати нассоҷӣ беҳтар гардидааст, ки зиёдшавии ҳаҷми содироти калобаи пахтагин ва либосворӣ аз он дарак медиҳад. Дар 9 моҳи соли ҷорӣ ба маблағи 14,6 млн. доллари ИМА 903 тонна либосворӣ ба бозори хориҷӣ бароварда шуда, афзоиш нисбат ба соли қаблӣ мутаносибан 2,2 млн. доллари ИМА ва 109 тонна ба ҳисоб гирифта шудааст. Илова бар ин, ба маблағи 6,0 млн. доллари ИМА 2460 тонна калобаи пахтагин содирот шудааст, ки нисбат ба ҳамин давраи соли қаблӣ 994 тонна ва ба маблағи 3,1 млн. доллар зиёд аст.

Дар 9 моҳи соли 2021 ба маблағи 15,5 млн. доллари ИМА 117 ҳазору 611 тонна маҳсулоти кишоварзӣ содирот карда шудааст, ки нисбати ҳамин давраи соли қаблӣ 26950 тонна ва ба маблағи 2,7 млн. доллар зиёд мебошад. Ҳиссаи  хушкмева ва пиёз дар сохтори содироти маҳсулоти кишоварзӣ мутаносибан 55,5 ва 28,4 фоизро дар бар гирифта, дар ин давра 25 ҳазору 830 тонна хушкмева ба маблағи 8,6 млн. доллар ва  81 ҳазору 764 тонна пиёз ба маблағи 4,4 млн. доллар содирот шудааст. Ҳаҷми содироти пиёз, ки яке аз маҳсулоти асосии содиротӣ маҳсуб меёбад, нисбат ба ҳамин давраи соли қаблӣ 12 ҳазору 676 тонна зиёд шудааст. Афзоиши содироти хушкмева 10 ҳазору 189 тоннаро ба маблағи 2,85 млн. доллар ташкил намудааст.

Содироти консерваҳои меваю сабзавот нисбат ба 9 моҳи соли 2020 ба миқдори 733 тонна зиёд шуда, дар ин давра ҳамагӣ 1 ҳазору 150 тонна консерваҳои гуногун ба маблағи 450,8 ҳазор доллари ИМА содирот шудааст.

Хадамоти матбуоти
Раиси вилояти Суғд

Суғд: Ба маблағи 8 млрд. 698,6 млн. сомонӣ маҳсулоти кишоварзӣ истеҳсол карда шуд

( 0 Овоз )

Соҳаи кишоварзӣ яке аз самтҳои асосӣ ва афзалиятноки пешбурди иқтисодиёти вилоят маҳсуб ёфта, дар 9 моҳи соли ҷорӣ дар ҳамаи шаклҳои хоҷагидории вилоят ба маблағи 8 млрд. 698,6 млн. сомонӣ маҳсулот истеҳсол гардид, ки ба 106,7 фоизи нишондиҳандаи ҳамин  давраи соли 2020 баробар мебошад.

Дар соҳаҳои растанипарварӣ ба маблағи 6 млрд. 618 млн. сомонӣ, чорводорӣ ба маблағи 2 млрд. 80,5 млн. сомонӣ ва моҳипарварӣ ба маблағи 8,4 млн. сомонӣ маҳсулот истеҳсол шуда, суръати афзоиш мутаносибан 105,3 фоиз, 111,7 ва 114 фоиз таъмин гардидааст.

Дар ин давра дар ҳамаи шаклҳои хоҷагидорӣ 376 ҳазору 623,2 тонна картошка, 447 ҳазору150,6 тонна сабзавот, аз ҷумла 151 ҳазору 622,3 тонна пиёз, 68 ҳазору 80 тонна мевагӣ, аз ҷумла 37 ҳазору 506 тонна зардолу, 137 ҳазору 728,8 тонна полезӣ истеҳсол карда шудааст. Нисбат ба ҳамин давраи соли 2020 истеҳсоли картошка 33 ҳазору 338,2 тонна, истеҳсоли  сабзавот 16 ҳазору 207,5 тонна, аз ҷумла пиёз 380 тонна ва полезиҳо 66 тонна афзудааст.

Дар давраи ҳисоботӣ дар вилоят истеҳсоли гўшти чорвою паранда бо вазни зинда 41 ҳазору 620,4 тонна, гӯшти моҳӣ 405,1 тонна, шир 193 ҳазору 836,1 тонна, тухм 456,4 млн. дона, пашм 1 ҳазору 478,5 тонна, пилла 163 тонна ва асал 1 ҳазору 407,2 тоннаро ташкил намуда, нисбат ба ҳамин давраи соли 2020 суръати афзоиши истеҳсоли гӯшти чорвою паранда 122,1 фоиз, гӯшти моҳӣ 114,4 фоиз, шир 101 фоиз, тухм 102,1 фоиз, пашм 102,3 фоиз, пилла 114,1 фоиз ва асал 101,8 фоиз таъмин гардидааст.

Хадамоти матбуоти
Раиси вилояти Суғд


ШУМО ДАР: Навиди Суғд