Хабарҳо
Иштироки Пешвои миллат Эмомалӣ Раҳмон дар «Корвони шодиёнаи наврӯзӣ» дар шаҳри Душанбе - 21.03.2019 14:32
Таҷлили Иди байналмилалии Наврӯз дар вилояти Суғд - 21.03.2019 13:29
Ифтитоҳи бинои озмоишгоҳи Донишкадаи политехникии Донишгоҳи техникии Тоҷикистон ба номи академик М.Осимӣ ва қаҳвахонаи "Шоҳона" дар Хуҷанд - 20.03.2019 21:23
Ифтитоҳи Боғи фарҳангӣ-фароғатӣ дар шаҳри Гулистон - 20.03.2019 21:15
Иштироки Пешвои миллат Эмомалӣ Раҳмон дар барномаи фарҳангии «Корвони Наврӯзӣ»-и шаҳри Норак - 20.03.2019 18:03
Оғози татбиқи лоиҳаи «Барқарорсозии Неругоҳи барқи обии «Норак» - 20.03.2019 13:30
Дар ноҳияи Куҳистони Мастчоҳ сохтмони хатти оби полезии деҳаи Худгифи Соя оғоз ёфт - 20.03.2019 13:51
Ифтитоҳи муҷассамаи Исмоили Сомонӣ дар майдони марказии шаҳри Норак - 20.03.2019 13:48
Мулоқоти Пешвои миллат Эмомалӣ Раҳмон бо 250 нафар ятими кул дар шаҳри Норак - 20.03.2019 13:45
Гузоштани санги асос барои бунёди Майдони варзишӣ дар назди варзишгоҳи марказии шаҳри Норак - 20.03.2019 13:40

Шиносоии Раиси вилоят бо рафти сохтмони иншооти варзишиву фарҳангӣ дар ноҳияи Спитамен

( 0 Овоз )
  • Пешина
  • 1 of 4
  • Минбаъда

Дар доираи сафари корӣ ба ноҳияи Спитамен Раиси вилояти Суғд Раҷаббой Аҳмадзода бо рафти корҳои сохтмонии бинои сеошёнаи китобхонаи марказӣ ва осорхонаи миллӣ дар Ҷамоати шаҳраки Навкат шинос шуд.

Зимни шиносоӣ бо лоиҳаи бино Раиси вилоят ба мутахассисон ва масъулин дастур дод, ки лоиҳаи иншоот ба таври замонавӣ бознигарӣ ва омода карда шавад. Раҷаббой Аҳмадзода иброз дошт, ки дар китобхонаи марказӣ бояд барои гузаронидани маҳфилҳои гуногун низ шароитҳои зарурӣ фароҳам гардад.

Бояд гуфт, ки дар баробари бунёди китобхонаву осорхона соли равон варзишгоҳи марказии «Чашма»-и Ҷамоати шаҳраки Навкат низ ба навсозӣ фаро гирифта мешавад. Зимни муаррифии лоиҳаи нави варзишгоҳ ба Раиси вилоят иттилоъ доданд, ки шумораи нишастгоҳҳои варзишгоҳ дар оянда ба 8 ҳазор расонида шуда, аз ҳисоби заминҳои ҳудуди варзишгоҳ майдони он васеъ ва иншооти ёрирасон бунёд мегардад.

Раиси вилоят пас аз шиносоӣ бо лоиҳа таъкид кард, ки навсозии иншооти варзишӣ бояд тибқи талабот сурат гирад ва дар ин раванд аз ҷониби мақомоти иҷроияи ҳокимияти давлатии вилоят кӯмакҳои зарурӣ расонида мешавад.

Дар идомаи боздид Раиси вилоят Раҷаббой Аҳмадзода бо корҳои сохтмонии таъмиру навсозии Қасри фарҳанги Ҷамоати деҳоти Куруши ноҳия ошно гардид. Қасри фарҳанги Ҷамоати деҳоти Куруш солҳои 70-уми асри гузашта бунёд гардида, бо гузашти солҳо хеле куҳна гардидааст. Ҳамакнун дар доираи корҳои ободониву созандагӣ ба истиқболи 30-солагии Истиқлолияти давлатӣ бо дастгирии мақомоти иҷроия ҳокимияти давлатии вилоят бинои фарҳангӣ аз таъмир бароварда мешавад.

Раҷаббой Аҳмадзода дар аснои шиносоӣ ба масъулин ҷиҳати ороиши иншооти фарҳангӣ, таъсиси марказҳои ҳунаромӯзӣ ва коргоҳи дӯзандагӣ дар ҳудуди бинои мазкур дастуру супоришҳо дод.

Хадамоти матбуоти
Раиси вилояти Суғд





Шарҳ додан


Защитный код
Нав кардан

ШУМО ДАР: Навид Шиносоии Раиси вилоят бо рафти сохтмони иншооти варзишиву фарҳангӣ дар ноҳияи Спитамен