Хабарҳо
Баргузории маҳфили адабӣ бахшида ба 40 солагии фаъолияти профессор Матлубаи Мирзоюнус - 14.12.2018 16:16
Иҷрокунандаи вазифаи раиси шаҳри Гулистон Фирдавс Шарифзода бо донишҷӯён мулоқот орост - 14.12.2018 14:11
Аз Паём то Паём. Дар вилояти Суғд 48 иншооти соҳаи маориф ба истифода дода шуд - 14.12.2018 13:38
Шуруъ аз 15 декабр барномаҳои солинавӣ пешниҳоди омма гардонида мешавад - 14.12.2018 13:35
Комроншоҳи Устопириён дар мусобиқаи «Guangzou Judo Masters 2018» Тоҷикистонро намояндагӣ мекунад - 14.12.2018 13:02
ПАЁМИ ТАБРИКИИ Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон ба иштирокдорони конфронсҳои илмии байналмилалӣ ба муносибати 400-солагии Сайидои Насафӣ ва 550-солагии Наҷмиддини Кавкабӣ - 14.12.2018 13:00
Мулоқоти Раиси вилоят Раҷаббой Аҳмадзода бо Хуан Сзян Чун - 14.12.2018 12:56
Муаррифии иҷрокунандаи вазифаи раиси шаҳри Конибодом - 13.12.2018 14:26
Н О Г У Ф Т А Ҳ О ё дар интизори аломати нуқта - 13.12.2018 23:27
Шикасти Берлин: оё роҳбарони ТЭТ ҲНИ ва хоҷагони онҳо аз гирдиҳамоии нокоми худ дар Берлин сабақҳои зарурӣ мегиранд? - 13.12.2018 23:26

Машварати кории Раиси вилоят бо намояндагони соҳаи маориф

( 1 Овоз )
  • Пешина
  • 1 of 2
  • Минбаъда

Видео :Машварати кории Раиси вилоят бо намояндагони соҳаи маориф Имрӯз дар маҷлисгоҳи Мақомоти иҷроияи ҳокимияти давлатии вилояти Суғд машварати кории Раиси вилоят Абдураҳмон Қодирӣ бо намояндагони соҳаи маориф доир гардид ва дар он масъалаҳои ҷории соҳа мавриди баррасӣ қарор гирифт.

Дар машварат роҳбарони воҳидҳои сохтории мақомоти иҷроияи ҳокимияти давлатии вилоят, муовинони соҳавии раисони шаҳру навоҳӣ, мудирони шуъбаҳои маориф, роҳбарони мактабҳои олӣ ва муассисаҳои таълимии намунавӣ иштирок намуданд.

Тибқи иттилои сардори Раёсати маориф ва илм айни замон дар вилоят 923 муассисаи таълимӣ амал карда, дар онҳо беш аз 500 ҳазор нафар ба таълиму тарбия фаро гирифта шудаанд. Маорифчиёни вилоят соли равон дар озмунҳои ҷумҳуриявии “Омӯзгори сол” ва “Мураббияи сол” сазовори ҷойҳои аввал гардида, ҳамзамон 59 нафар дар олимпиадаҳои ҷумҳуриявию байналмилалӣ ҷойҳои ифтихорӣ, аз ҷумла 16 медали тилло ба даст овардаанд. Тули се соли охир аз рӯи шумораи дохилшавии хонандагон ба мактабҳои олӣ вилояти Суғд дар миқёси ҷумҳурӣ нишондоди баланд дорад. Масалан, соли ҷорӣ аз 34 ҳазор хатмкунандагони мактабҳои вилоят беш аз 15 ҳазор, ё худ 45 дарсад тавассути Маркази миллии тестӣ донишҷӯ шудаанд.

Муаммои ҳанӯз ҷойдоштаи соҳа бошад, ин ташкили омӯзишгоҳҳои фаннӣ мебошад, ки дар мактабҳои шаҳру навоҳӣ эҳтиёҷ ба он ҳис карда мешавад.

Зимни таҳлили вазъи саводнокии толибилмон, Раиси вилоят дар қатори дастовардҳо аз камбудиҳо низ ёдовар шуд. Тибқи маълумот, дар миёни талабаҳои синфҳои 8-11- и вилоят 40 ҳазор хонандагони болаёкат ба қайд гирифта шудаанд, аммо нишондоди иштироки мактабиён дар олимпиадаҳо аз муассисаҳои миёнаи умумӣ ҳанӯз хеле нокифоя аст. Дар ҳоле, ки танҳо аз як литсейи хонандагони болаёқати шаҳри Хуҷанд 16 нафар соҳиби медал дар олимпиадаҳои байналмилалӣ гардидаанд. Яке аз омилҳои таъсиркунанда ба ин раванд, ин омӯзиши забонҳои хориҷӣ мебошад, ки бояд аз ҷониби омӯзгорон ба таври зарурӣ роҳандозӣ шавад.

-Имрӯз, ки Ҷумҳурии Тоҷикистон ба марҳилаи нави таълим ворид шудааст, ҳар омӯзгор ва мутасаддии мактаб бояд ба сатҳи дониши хонандааш ҷавобгар бошад, - таъкид намуд Абдураҳмон Қодирӣ. Дар ин замина, зиёд намудани сафи хонандагони болаёқат талаби замон аст, ки мутаассифона ин нишондод дар баъзе шаҳру навоҳӣ кам аст ва ин ҳолат метавонад ба раванди дохилшавӣ ба мактабҳои олӣ таъсири манфӣ расонад. Масалан фоизи дохилшавӣ дар мавсими имсола агар мувофиқи шаҳри Хуҷанд 60, Зафарбод ва Ҷаббор Расулов 45 дарсадиро ташкил диҳад, пас ин нишондод дар шаҳри Исфара ҳамагӣ 30 ва дар Истаравшану Деваштич 32 дарсадиро фаро мегирад.

Бояд гуфт, ки маблағгузорӣ ба соҳаи маориф ба хотири пешрафти соҳа сол то сол зиёд шуда, имсол то ба 700 миллион сомонӣ расонида шудааст, ки аз таваҷҷуҳи роҳбарияти вилоят ба соҳаи маориф дарак медиҳад. Дастгирии дигар, ин ба таври ройгон ба истироҳату табобат фаро гирифтани 200 омӯзгори беҳтарин дар осоишгоҳҳо ва ҳавасмандкунии молии ғолибони олимпиадаҳои хориҷаи дур ва ИДМ ба ҳисоб меравад, ки маблағаш аз 6 ҳазор то 55 ҳазор сомониро ташкил медиҳад. Ҷавобан ба ин, маорифчиён бояд бо истифода аз имкониятҳои мусоид дар баланд бардоштани сатҳи саводи хонандагон ҳиссагузор бошанд.

Дар машварат фаъолияти мактабҳои олӣ низ мавриди назар қарор гирифт. Тибқи иттилоъ, панҷ донишгоҳи асосии вилоят нисбат ба нақша қабули донишҷӯёнро кам кардаанд. Дастур дода шуд, ки вазъи саводнокии донишҷӯён дар мактабҳои олӣ низ таҳлил карда шуда, ба сифати таълим аҳмияти аввалиндараҷа зоҳир гардад. Моҳи равон тибқи нақша, се навъи вохӯриҳо бо хонандагону донишҷӯён ташкил карда мешаванд. Аз ҷумла, толибилмону омӯзгорони литсейи хонандагони болаёқати шаҳри Хуҷанд бо мактабиёни шаҳру навоҳӣ ҷиҳати мубодилаи таҷриба вохӯриҳо гузаронида, аз роҳу усулҳои таълим ва иштирок дар озмунҳои байналмилалӣ ҳамсолони хешро огоҳ хоҳанд сохт. Ҳамчунин роҳбарони мактабҳои олии вилоят низ дар ин давра дар шаҳру навоҳӣ бо хатмкунандагон мулоқот ороста, шарту шароити муассисаҳои хешро ҷиҳати илмомӯзӣ тарғиб мекунанд. Дар идомаи ин тадбир раисони шаҳру навоҳӣ ҳам дар маркази вилоят бо донишҷӯёни минтақаи худ мулоқот доир намуда, аз вазъи таҳсилу зиндагии онҳо бохабар ва ба доираи толибилмони камбизоат кӯмак хоҳанд расонид.

Раиси вилоят дар поёни машварат ҳамчунин доир ба масъалаҳои дигар, аз ҷумла, ташкили чорабиниҳои солинавӣ дар асоси талаботи меъёрҳои қонунгузорӣ, назорати тартибу интизоми ба дарс омадани донишҷӯён бидуни мошини шахсӣ, масъалаи гармидиҳӣ дар мактабу хобгоҳҳо, ташкили маҳфилҳои хушдилон ва ҳозирҷавобон дар байни донишгоҳҳо, вусъати ҳамкориҳои дуҷониба бо муассисаҳои олии хориҷӣ, фаъолияти муназзами китобхонаҳо дар мавсими таътили зимистона, таваҷҷуҳи бештар зоҳир намудан ба ҳунаромузии толибилмон дар мактабҳо ва ташкили чорабиниҳои фарҳангӣ, аз қабили кастингу озмунҳо барои дарёфти истеъдодҳои нав назди мутасаддиёни соҳа вазифаҳои мушаххас гузошт.

Хадамоти матбуоти
Раиси вилояти Суғд



Шарҳ додан


Защитный код
Нав кардан

ШУМО ДАР: Навид Машварати кории Раиси вилоят бо намояндагони соҳаи маориф