Хабарҳо
Таджикистан за межгосударственные отношения и против поддержки терроризма - 18.10.2018 15:34
Дар Панҷакент таҳти унвони “Рушди минтақаҳо ва таҳкими дӯстии халқҳои Тоҷикистону Ӯзбекистон” конфронс доир хоҳад шуд - 18.10.2018 13:27
Намоишгоҳи ҷумҳуриявии дастовардҳои соҳаи меъморӣ, шаҳрсозӣ ва ҳунарҳои мардумӣ доир мешавад - 18.10.2018 09:54
СУҒД: 736 гектар боғ ва 58 гектар токзори нав бунёд карда шуд - 18.10.2018 09:52
Дар нуҳ моҳи соли равон барои таъмири роҳҳо аз буҷети вилоятӣ беш аз 40 миллион сомонӣ ҷудо шудааст - 18.10.2018 09:51
Баргузории ҷаласаи ҷамъбастӣ оид ба натиҷаҳои рушди иқтисодиву иҷтимоии вилоят дар 9 моҳи соли 2018 - 17.10.2018 16:27
Дирӯз дар маҷлиси фаъолони ВМКБ фаъолияти якмоҳаи Ситоди байниидоравии мақомоти таъминоти амният натиҷагирӣ карда шуд - 17.10.2018 09:33
Дар ноҳияи Ашт беш аз 35 километр роҳҳои маҳаллӣ таъмир карда шуд - 17.10.2018 09:20
Спитамен. Дар доираи омодагиҳо ба ҷашни 30-солагии Истиқлолияти давлатӣ як қатор иншоот мавриди истифода қарор гирифт - 17.10.2018 09:02
Конибодом. Нақшаи даромади буҷети давлатӣ 109 фоиз таъмин шуд - 17.10.2018 08:51

Супоридани хонаи истиқоматӣ барои кормандони мақомоти прокуратураи Ҷумҳурии Тоҷикистон

( 0 Овоз )

Субҳи имрӯз бо иштироки Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар маҳаллаи Зарафшон, кӯчаи Бобо Ҳамдами шаҳри Душанбе бинои 9 ошёна барои кормандони мақомоти прокуратураи Ҷумҳурии Тоҷикистон ба истифода дода шуд.

Мавриди баҳрабардорӣ қарор гирифтани бинои мазкур дар рӯзи таҷлили солгарди навбатии қабули Конститутсияи Ҷумҳурии Тоҷикистон рамзӣ буда, шаҳодати ғамхориҳои пайвастаи роҳбарияти олии сиёсии Тоҷикистон нисбат ба кормандони ин сохтори муҳими давлатӣ мебошад.

Хабар дода шуд, ки корҳои сохтмонӣ дар бинои истиқоматии бунёдшуда дар масоҳати 0,18 га. қитъаи замини ҷудогардида оғоз ёфта, масоҳати умумии зери сохтмони он 646,1 метри мураббаъро ташкил медиҳад.

Тарҳи сохтмони иншооти мазкур аз ҷониби ҶСК “Пажӯҳишгоҳи илмӣ ва лоиҳакашиву ҷустуҷӯии САНИИОСП” омода шуда, арзиши лоиҳавии сохтмон қариб 17 миллион сомонӣ аз ҳисоби маблағҳои буҷети ҷумҳуриявӣ мебошад. Тазаккур дода шуд, ки бунёди иншоот бо сарфаи 3 миллион сомонӣ бо сифати хуб ва ҷавобгӯ ба шароитҳои замонавӣ ба анҷом расонида шуд.

Тавре иттилоъ дода шуд, корҳои сохтмону васлкуниро ҶДММ “Иморатсоз” ба итмом расонд. Бинои мазкур дорои таваққуфгоҳ бо масоҳати умумии 590 метри мураббаъ ва ба хотири таъмини фароғати фарзандони бошандагон майдонча барои бозии бачаҳо бо масоҳати умумии 255 метри мураббаъ мебошад.

Бинои истиқоматии мазкур дорои 54 хона, аз ҷумла 18 хонаи сеҳуҷрагӣ, 18 дуҳуҷрагӣ ва 18 якҳуҷрагӣ буда, манзилҳои зист аз 57 то 83 метри мураббаъ масоҳат доранд.

Пешвои миллат муҳтарам Эмомалӣ Раҳмон аснои шиносӣ бо шароити бино ва сифати корҳои анҷомшуда баҳои сазовор доданд ва аз сокинони хуштолеъ-кормандони мақомоти прокуратура даъват ба амал оварданд, ки хизматро ба нафъи халқу Ватан аз пештара дида хубтар ба роҳ монанд.

Дар навбати худ нафарони соҳиби манзилҳои истиқоматӣ гардида, ба роҳбари давлат барои дастгириҳои пайваста арзи сипосу миннатдорӣ намуда, изҳор доштанд, ки ин гуна қадршиносӣ онҳоро дар иҷрои масъулияту вазифаҳои бардушдоштаашон дучанд ҳавасманду масъулиятшинос хоҳад кард.

Дар ин бора аз Хадамоти матбуоти Президенти Ҷумҳурии Тоҷикистон хабар доданд.

Хадамоти матбуоти
Раиси вилояти Суғд


Шарҳ додан


Защитный код
Нав кардан

ШУМО ДАР: Навид Супоридани хонаи истиқоматӣ барои кормандони мақомоти прокуратураи Ҷумҳурии Тоҷикистон