Хабарҳо
Шиносоии Раиси вилоят бо ҷараёни корҳои ободонӣ дар шаҳри Панҷакент - 19.11.2019 13:12
Ба истиқболи 5500-солагии шаҳраки Саразми бостонӣ дар Панҷакент наздик 30 иншоот бунёд мегардад - 19.11.2019 11:57
Дар шаҳрҳои саноатии Хуҷанд, Истиқлол, Бӯстон ва Гулистон ярмарка-фурӯши маҳсулоти кишоварзӣ доир шуд - 16.11.2019 15:59
Ғолибони мусобиқаи ҷумҳуриявӣ оид ба шиноварӣ муайян гардиданд - 16.11.2019 15:55
Дар Қасри таърихии Арбоб бахшида ба Рўзи Президенти Ҷумҳурии Тоҷикистон ҷамъомади тантанавӣ доир шуд - 16.11.2019 13:46
Муроҷиатномаи Шӯрои занони вилояти Суғд ба кулли мардуми шарифи Тоҷикистони соҳибистиқлол - 15.11.2019 17:11
Мулоқоти Раиси вилоят бо президенти ширкати итолиёвии “Carrera” Эмелео Такилла - 15.11.2019 17:06
Иштироки Раиси вилоят дар маросими кушодашавии мусобиқаи ҷумҳуриявӣ оид ба шиноварӣ ​ - 15.11.2019 15:48
Истаравшан. Раиси вилоят Раҷаббой Аҳмадзода собиқадорони меҳнатро аёдат намуд - 15.11.2019 15:41
Шиносоии Раиси вилоят бо фаъолияти ҶСП «Оби зулол» - 15.11.2019 15:39

Иштироки Қоҳир Расулзода дар таҷлили Рӯзи матбуоти тоҷик

( 0 Овоз )
Иштироки Қоҳир Расулзода дар таҷлили Рӯзи матбуоти тоҷик
Иштироки Қоҳир Расулзода дар таҷлили Рӯзи матбуоти тоҷик
Иштироки Қоҳир Расулзода дар таҷлили Рӯзи матбуоти тоҷик
  • Пешина
  • 1 of 3
  • Минбаъда

Видео ::Иштироки Қоҳир Расулзода дар таҷлили Рӯзи матбуоти тоҷик
Имрӯз Иди матбуоти тоҷик  бо иштироки Раиси вилоят Қоҳир Расулзода ва рӯзноманигорону хабарнигорони расонаҳои хабарии  вилоят дар КВД «Кохи матбуот»  таҷлил гардид.

Раиси  вилоят Қоҳир Расулзода рӯзноманигорон, аҳли эҷоду сухан ва ноширони матбааҳои вилоятиро ба муносибати иди касбӣ - Рӯзи матбуоти тоҷик табрик намуда, дар бораи нақши расонаҳои хабарӣ ва электронӣ дар рушду нумӯи ҷомеа изҳори

ақида намуд ва қайд кард,ки воситаҳои ахбори омма дар замони муосир ҳамчун як рукни муҳими сиёсӣ ва маънавии ҷомеа эътироф гардида, дар таҳкими асолати миллӣ, давлатдорӣ, ҷаҳонбинии мардум, пойдории адолату воқеоти рӯзгор нақши муассир доранд.

Ба андешаи ман, - таъкид дошт Раиси вилоят, матбуоти муосири кишварамон рисолати худро бобати расонидани иттилооти воқеӣ ва ташаккули афкори ҷомеа пурсамар таъмин менамояд ва маҳз дар даврони соҳибистиқлолии мамлакат ба пешравиҳо ва дастовардҳои зиёди касбӣ ноил гардидааст.

Раиси вилоят ҳамчунин қабули як қатор қонунҳои марбут ба соҳа, аз ҷумла ба тасвиб расидани Қонунҳои Ҷумҳурии Тоҷикистон «Дар бораи матбуот ва дигар воситаҳои ахбори омма», «Дар бораи телевизион ва радиошунавонӣ», «Дар бораи табъу нашр»,  Фармону Амри Президенти мамлакат «Дар бораи вокуниши шахсони мансабдор ба маводҳои танқидӣ ва таҳлилии васоити ахбори омма», «Оиди ташкил ва баргузор намудани нишастҳои матбуотӣ» ва иштироки бевоситаи Президенти мамлакат дар тантанаи 100 – солагии матбуоти тоҷикро баёнгари эътибори саривақтии роҳбарияти  мамлакат, Ҳукумати Ҷумҳурии Тоҷикистон ба соҳаи матбуот ва воситаҳои ахбори омма арзёбӣ намуд.

Ба таъкиди Раиси вилоят соли гузашта дар шаҳру ноҳияҳои вилоят барои пахши барномаҳои телевизиони «Шабакаи аввал» 13 адад, «Сафина» 6 адад ва «Баҳористон» 4 адад таҷҳизоти интиқоли мавҷи телевизионии ҳозиразамон насбу васл карда шуд ва ин боис гардид, ки дар ин давра фарогирии пахши барномаҳои телевизионӣ дар қаламрави вилоят беҳтар гардад.

Қоҳир Расулзода дар бораи расонаҳои электрониву чопии  имрӯза  сухан ронда, изҳор дошт, ки алҳол дар маркази вилоят 12 шабакаи телевизионӣ, 48 рӯзнома ва 6 маҷаллаи давлативу хусусӣ фаъолият мебаранд ва муштариён ба рӯзномаҳои даврӣ сол аз сол афзуда истодаанд.

Дар анҷом ба як қатор рӯзноманигорон ва фаъолони журналистикаи вилоят тӯҳфаҳои хотиравӣ супорида шуд. Аз ҷумла, ба ғолиби озмуни Созмони журналистони вилоят Карим Шариф ҷоизаи ба номи Ҳоҷӣ Содиқ эҳдо гардид.

Ҳамчунин шумо метавонед, навори ин мақоларо аз сомонаи www.youtube.com тамошо кунед.Видео ::Иштироки Қоҳир Расулзода дар таҷлили Рӯзи матбуоти тоҷик

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навид Иштироки Қоҳир Расулзода дар таҷлили Рӯзи матбуоти тоҷик