Хабарҳо
ҲИСОБОТ оид ба иҷрои буҷети вилояти Суғд дар семоҳаи якуми соли 2020 - 28.05.2020 18:48
Хуҷанд: Ташхисгоҳи нави вирусологӣ ба фаъолияти хеш оғоз бахшид - 29.05.2020 11:00
Боздиди Раиси вилоят аз корхонаи «Сано» - 28.05.2020 20:40
Шиносоӣ бо ҷараёни корҳои кашидани хатти оби нӯшокӣ дар маҳаллаҳои навбунёди шаҳри Хуҷанд - 28.05.2020 20:43
Пешвои миллат Эмомалӣ Раҳмон дар шаҳри Бохтар Кохи фарҳанг ва маркази иттилоотиро ба истифода доданд - 29.05.2020 09:32
Раҷаббой Аҳмадзода наврасони маъюбро аёдат намуд - 29.05.2020 09:29
Зафаробод. Аёдати ҷавонони маюб аз ҷониби Раиси вилоят - 28.05.2020 15:15
Раҷаббой Аҳмадзода аз ҳавлии Рустам Қӯзибоев дар ноҳияи Зафаробод дидан намуд - 28.05.2020 15:21
Боздиди Раиси вилоят аз ғаллазори хоҷагии “Хоҷимурод-2018” дар Ҷамоати шаҳраки ба номи Ҳамид Алиев - 28.05.2020 15:50
Шиносои аз фаъолияти маркази саломатии ҷамоати деҳоти Равшан - 28.05.2020 16:09

Ҷашнвораи гул ва гиёҳҳои ороишии эронӣ дар Хуҷанд

( 1 Овоз )

Ҷашнвораи гул ва гиёҳҳои ороишии эронӣ дар Хуҷанд

Видео ::Ҷашнвораи гул ва гиёҳҳои ороишии эронӣ дар Хуҷанд
Дар Маркази фарҳангию фароғатии "Суғд"-и шаҳри Хуҷанд бо ташаббуси Палатаи савдо ва саноати вилояти Суғд фестивали гулу гиёҳҳои ороишӣ ва ниҳолҳои пайвандии мевадиҳандаи Ҷумҳурии Исломии Эрон баргузор гардид, ки дар он Раиси вилояти Суғд Қоҳир Расулзода ширкат намуд.

Сараввал Қоҳир Расулзода аз ошёнаи якум ва дуюми бино, ки гулҳои гуногуни эронӣ ба маърази тамошо гузошта шуда буданд, дидан кард.

Роҳбалад, намояндаи ширкати "Гулкадаи ситораи беназир" Ризо Атоӣ ба Раиси вилояти Суғд оид ба навъи гулҳо ва роҳҳои нашъунамои он, хусусиятҳои гулҳои эронӣ, роҳҳои сабзондани онҳо маълумот дод.

Раиси вилояти Суғд Қоҳир Расулзода баргузории фестивали гул ва гиёҳҳои ороишӣ, тухмӣ ва ниҳолҳои пайвандии мевадиҳандаи эронӣ аз ширкати "Гулкадаи ситораи беназир"-ро амали нек арзёбӣ намуда, изҳор кард, ки мо барои ободии диёри хеш ҳатман аз ин гулҳои ороишӣ истифода хоҳем бурд.

Раиси вилоят Қоҳир Расулзода пас аз огоҳӣ ёфтан аз хосияти дарахтони мевадиҳандаи себи сурх, хурмо, бодом, чой, зардолу, себи сабзи голо, гелос, анор, анҷир, шафтолу, ангури ёқутӣ изҳор намуд, ки дар вилоят барои таҷриба қитъаи замин ҷудо гардида, мутахассисони эрониву  тоҷик якҷоя фаъолият намоянд ва таҷрибаи пешқадами парвариши ниҳолҳои мевадиҳандаи серҳосилро омӯзанд. Ҳамчунин Раиси вилоят  дар ҳудуди Боғи миллӣ шинонидани навъҳои гуногуни чунин дарахтҳоро супориш дод.

Фестивали гул ва гиёҳҳои ороишии эронӣ дар ХуҷандЗикр бояд кард, ки ширкати  "Гулкадаи ситораи беназир"  аз соли 1995 инҷониб дар бахшҳои кишоварзӣ, гулпарварӣ, боғдорӣ ва зироат фаъолият дорад ва бо кишварҳои пешрафтаи Аврупо, аз ҷумла Олмон, Фаронса ва Ҳолландия ҳамкорӣ дорад.

Фестивали гул ва гиёҳҳои ороишии эронӣ дар ХуҷандШиркати мазкур дар қатори дигар давлатҳо дар шаҳри Хуҷанди вилояти Суғд низ намояндагии худро ифтитоҳ кард.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навид Ҷашнвораи гул ва гиёҳҳои ороишии эронӣ дар Хуҷанд