Хабарҳо
ҲИСОБОТ оид ба иҷрои буҷети вилояти Суғд дар семоҳаи якуми соли 2020 - 28.05.2020 18:48
Хуҷанд: Ташхисгоҳи нави вирусологӣ ба фаъолияти хеш оғоз бахшид - 29.05.2020 11:00
Боздиди Раиси вилоят аз корхонаи «Сано» - 28.05.2020 20:40
Шиносоӣ бо ҷараёни корҳои кашидани хатти оби нӯшокӣ дар маҳаллаҳои навбунёди шаҳри Хуҷанд - 28.05.2020 20:43
Пешвои миллат Эмомалӣ Раҳмон дар шаҳри Бохтар Кохи фарҳанг ва маркази иттилоотиро ба истифода доданд - 29.05.2020 09:32
Раҷаббой Аҳмадзода наврасони маъюбро аёдат намуд - 29.05.2020 09:29
Зафаробод. Аёдати ҷавонони маюб аз ҷониби Раиси вилоят - 28.05.2020 15:15
Раҷаббой Аҳмадзода аз ҳавлии Рустам Қӯзибоев дар ноҳияи Зафаробод дидан намуд - 28.05.2020 15:21
Боздиди Раиси вилоят аз ғаллазори хоҷагии “Хоҷимурод-2018” дар Ҷамоати шаҳраки ба номи Ҳамид Алиев - 28.05.2020 15:50
Шиносои аз фаъолияти маркази саломатии ҷамоати деҳоти Равшан - 28.05.2020 16:09

Маркази равонпизишкӣ дубора ба фаъолият оғоз кард

( 2 Овоз )

Маркази равонпизишкӣ дубора ба фаъолият оғоз кард

Видео ::Маркази равонпизишкӣ дубора ба фаъолият оғоз кард
Бо иштироки Раиси вилояти Суғд Қоҳир Расулзода, кормандони соҳаи нигаҳдории тандурустии вилоят, донишҷӯёни Коллеҷи тиббӣ ва дигар ашхоси масъул маркази равонпизишкии вилоят пас аз таъмир, дубора  мавриди истифода қарор гирифт.

Раиси вилоят Қоҳир Расулзода аз утоқҳои барҳавои кориву табобатии Маркази равонпизишкии вилоят дидан карда, бо кормандону табобатгирандагони он сӯҳбат орост. Онҳо бунёди бинои нав ва шароити мавҷударо барои табобат хуб арзёбӣ карда, изҳор доштанд, ки вазъи кунунӣ барои беҳтар шудани ҳолати беморон мусоидат хоҳад кард.

Сипас Раиси вилоят Қоҳир Расулзода сухан карда, бонувонро пеш аз ҳама бо омадани баҳори файзбор ва Рӯзи Модар табрик намуда, изҳор дошт, ки беҳтарин шароити кориву табобатӣ барои бошандагону кормандон муҳайё карда шудааст.

Ёдовар мешавем, ки моҳи январи соли 2012 Раиси вилоят Қоҳир Расулзода аз вазъи онвақтаи марказ дидан намуда, аз шароити нохуби бошандагони он изҳори нигаронӣ намуд ва ба масъулин супориши қатъӣ дод, то дар муддати кӯтоҳ бино аз нав сохта шавад.

Маркази равонпизишкӣ дубора ба фаъолият оғоз кард Дар паи иҷрои супориши Раиси вилоят масъулину сохтмончиёни ҶДММ "Хуҷандсохтмон-1" бунёди Марказро ба зимма гирифта, онро дар мӯҳлати муайян, бо сифати баланд ба анҷом расонданд. Қайд кардан бамаврид аст, ки маблағгузорӣ аз ҷониби буҷаи вилоят сурат гирифта, барои азнавсозии он зиёда аз 4 миллион сомонӣ масраф гардидааст. Масоҳати умумии бино 1100 метр мураббаъ буда, он аз ду ошёна, 10 утоқи замонавии барҳаво дорои 100 кат, ҳамчунин ошхона, утоқҳои табибон, дармонгоҳ ва майдони сайругашти беморон иборат буда, ҳуҷраҳои бино бо таҷҳизот ва кондитсионерҳои замонавӣ муҷаҳҳаз гардидааст. Бояд зикр намуд, ки бинои пештараи беморхонаи руҳиву асабии вилоят соли 1956 ба сохта шуда, дар ҳолати ногувор қарор дошт.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навид Маркази равонпизишкӣ дубора ба фаъолият оғоз кард