Хабарҳо
Шиносоии Раиси вилоят бо ҷараёни корҳои ободонӣ дар шаҳри Панҷакент - 19.11.2019 13:12
Ба истиқболи 5500-солагии шаҳраки Саразми бостонӣ дар Панҷакент наздик 30 иншоот бунёд мегардад - 19.11.2019 11:57
Дар шаҳрҳои саноатии Хуҷанд, Истиқлол, Бӯстон ва Гулистон ярмарка-фурӯши маҳсулоти кишоварзӣ доир шуд - 16.11.2019 15:59
Ғолибони мусобиқаи ҷумҳуриявӣ оид ба шиноварӣ муайян гардиданд - 16.11.2019 15:55
Дар Қасри таърихии Арбоб бахшида ба Рўзи Президенти Ҷумҳурии Тоҷикистон ҷамъомади тантанавӣ доир шуд - 16.11.2019 13:46
Муроҷиатномаи Шӯрои занони вилояти Суғд ба кулли мардуми шарифи Тоҷикистони соҳибистиқлол - 15.11.2019 17:11
Мулоқоти Раиси вилоят бо президенти ширкати итолиёвии “Carrera” Эмелео Такилла - 15.11.2019 17:06
Иштироки Раиси вилоят дар маросими кушодашавии мусобиқаи ҷумҳуриявӣ оид ба шиноварӣ ​ - 15.11.2019 15:48
Истаравшан. Раиси вилоят Раҷаббой Аҳмадзода собиқадорони меҳнатро аёдат намуд - 15.11.2019 15:41
Шиносоии Раиси вилоят бо фаъолияти ҶСП «Оби зулол» - 15.11.2019 15:39

Таҷлили «Рӯзи Модар» дар қасри «Арбоб»

( 1 Овоз )
       Таҷлили «Рӯзи Модар» дар қасри «Арбоб»
       Таҷлили «Рӯзи Модар» дар қасри «Арбоб»
  • Пешина
  • 1 of 2
  • Минбаъда

Видео ::Таҷлили «Рӯзи Модар» дар қасри «Арбоб»

Рӯзи сешанбе, 5-уми март Раиси вилояти Суғд Қоҳир Расулзода бо мақсади таҷлил аз «Рӯзи Модар» ба Қасри Арбоб ташриф овард.

Нахуст Раиси вилоят ба муносибати фаро расидани рӯзи мубораки модар ва омадани зеботарин фасли табиат - баҳори нозанин ҳозиринро таҳният гуфта, зикр дошт, ки соли чаҳорум аст, ки дар қаламрави Тоҷикистон ин рӯзи зебои оғози айёми шукуфоиҳои ҳаёт ҳамчун Рӯзи мубораки мансуб ба номи модар дар сатҳи баланд таҷлил мегардад.

Ҳамчунин Раиси вилоят Қоҳир Расулзода аз бузургдошти занон миёни миллати тоҷик ёдовар шуда, таъкид намуд «дар ҳақиқат

вақте мо ба сарчашмаҳои таърихӣ назар меафканем, равшан ҳувайдо мегардад, ки ниёгони шарафманди мо рӯзеро дар тақвими худ ҳазорсолаҳо қабл ба номи зан ва модар унвон додаанд. Ҷолиб он аст, ки ин рӯз ба санаи 5 исфандмоҳ дар солшумории ниёгони мо иттифоқ афтодааст ва агар онро ба тақвими муосир татбиқ намоем, ба охирҳои моҳи феврал ва аввали моҳи март иртибот мегирад, ки ба ҳамин санаи имрӯз низ наздикӣ дорад».

 

Ба таъкиди Раиси вилоят, ин ҷашн рисолати ҷомеаро дар муносибат ба эҳтироми модарону хоҳарон баланд бардошта, гувоҳи эътибору манзалати волои бонувон дар ҷомеи соҳибистиқлоли Тоҷикистон мегардад.

Раиси вилоят Қоҳир Расулзода аз фазои орому осудаи кишвар ёдовар шуда, зикр кард, ки дар Ҷумҳурии Тоҷикистони соҳибистиқлол бо назардошти воқеияти имрӯзаи сиёсӣ, иқтисодӣ ва хусусиятҳои фарҳангиву анъанавӣ барномаи беҳгардонии шароити кор ва зиндагии занон амалӣ  мегардад. Тибқи ин барномаҳо ба занону духтарон аз оилаҳои камбизоат ва модарони яккаву танҳо ҳунарҳои дӯзандагӣ, гулдӯзӣ, зардӯзӣ, машшотагӣ, рӯзгордорӣ ройгон омӯзонида мешаванд.

Раиси вилоят Қоҳир Расулзода дар суханронии хеш инчунин аз баъзе ҳодисаҳои зиндагии занон изҳори нигаронӣ кард. Хусусан афзоши шумораи занони муҳоҷир ва ҷудошавии зиёди оилаҳоро ёдовар шуда, Раиси вилоят таъкид дошт, ки  шумораи занони муҳоҷир дар як соли охир дар вилоят ба миқдори бештар аз 14 ҳазор нафар зиёд гардидааст. Ё худ соли гузашта 3165 ҳодисаи ҷудошавӣ (талоқ) ба вуқӯъ пайвастааст, ки нисбати соли 2011 дар вилоят 189 ҳодиса зиёд мебошад. Ин омил - зикр намуд Раиси вилоят, боиси нигаронӣ буда, аз ҳар яки мову шумо масъулият ва корбарии амиқ тақозо менамояд.

Дар анҷоми вохурӣ ба фаъолзанони вилоят тӯҳфаҳои мақомоти иҷроияи ҳокимияти давлатии вилояти Суғд эҳдо гардид.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навид Таҷлили «Рӯзи Модар» дар қасри «Арбоб»