Хабарҳо
Шиносоии Раиси вилоят бо ҷараёни корҳои ободонӣ дар шаҳри Панҷакент - 19.11.2019 13:12
Ба истиқболи 5500-солагии шаҳраки Саразми бостонӣ дар Панҷакент наздик 30 иншоот бунёд мегардад - 19.11.2019 11:57
Дар шаҳрҳои саноатии Хуҷанд, Истиқлол, Бӯстон ва Гулистон ярмарка-фурӯши маҳсулоти кишоварзӣ доир шуд - 16.11.2019 15:59
Ғолибони мусобиқаи ҷумҳуриявӣ оид ба шиноварӣ муайян гардиданд - 16.11.2019 15:55
Дар Қасри таърихии Арбоб бахшида ба Рўзи Президенти Ҷумҳурии Тоҷикистон ҷамъомади тантанавӣ доир шуд - 16.11.2019 13:46
Муроҷиатномаи Шӯрои занони вилояти Суғд ба кулли мардуми шарифи Тоҷикистони соҳибистиқлол - 15.11.2019 17:11
Мулоқоти Раиси вилоят бо президенти ширкати итолиёвии “Carrera” Эмелео Такилла - 15.11.2019 17:06
Иштироки Раиси вилоят дар маросими кушодашавии мусобиқаи ҷумҳуриявӣ оид ба шиноварӣ ​ - 15.11.2019 15:48
Истаравшан. Раиси вилоят Раҷаббой Аҳмадзода собиқадорони меҳнатро аёдат намуд - 15.11.2019 15:41
Шиносоии Раиси вилоят бо фаъолияти ҶСП «Оби зулол» - 15.11.2019 15:39

Ифтитоҳи дубораи чойхона дар канори дарёи Сир

( 1 Овоз )
 Ифтитоҳи чойхона дар канори дарёи Сир

Видео ::Ифтитоҳи дубораи  чойхона дар канори дарёи Сир
Дар шаҳри Хуҷанд чойхонаи машҳури «Сирдарё» фаъолияташро аз нав эҳё намуд.  Ба ифтихори 20-умин солгарди таъсисёбии қувваҳои Мусаллаҳи Ҷумҳурии Тоҷикистон имрӯз бо иштироки Раиси вилоят Қоҳир Расулзода чойхона мавриди истифодаи умум қарор дода  шуд. Ба ин муносибат дар макони ободу музайяни «Сирдарё» маҳфили идона баргузор гардид. Раиси вилоят дар назди ҳозирин, ки бештарашон пирони рӯзгордида ва хирадмандони Хуҷандшаҳр буданд, зикр намуд, ки то ба имрӯз чойхонаи «Сирдарё» қариб аз фаъолият боз монда буд. Вале ҳангоми баргузории рӯзҳои қабули Раиси вилоят дар шаҳри Хуҷанд дар поёни соли 2012 аз ҷониби шаҳрвандон бобати мавҷуд набудани чойхонаи вижаи мӯйсафедон дар шаҳри Хуҷанд муроҷиат шуда буд.

«Воқеан ҳам ҳоло дар шаҳр аксари чойхонаҳо ба тарабхона табдил ёфтаанд ва муттассифона, анъанаю суннатҳои чойхонадориро  кам – кам фаромӯш карда истодаем. Бахусус, пирони солдидаву рӯзгордида, ки чойхона барояшон як маркази муҳими таҷаммӯъ ва ҷойгоҳи сӯҳбатҳои ҷолиб буд, аз ин гуна раванд дар канор монданд. Бинобар ин чойхонаи «Сирдарё»-ро аз  мувозинаи шӯъбаи фарҳанги Мақомоти иҷроияи ҳокимияти давлатии вилояти Суғд гирифта ба ихтиёри шаҳри Хуҷанд вогузор кардем, то он дари худро ба тамоми шаҳрвандон ва меҳмонони Хуҷанд, қабл аз ҳама ба мӯйсафедону пиронсолон боз намояд»,- гуфт Раиси вилоят.

Раиси вилоят Қоҳир Расулзода дар сӯҳбат бо ҳозирин инчунин оиди  нақши чойхона ва  пирони рӯзгордида дар тарбияи насли наврас сухан кард.

- Саҳми падарони арҷманд,- илова кард Раиси вилоят Қоҳир Расулзода- дар тарбияи маънавии сокинони диёр назаррас аст ва эшон пайваста бар он мекӯшанд, то дар рушди ҷомеа бо маслиҳату ҳидояти ояндасози хеш ҳиссагузор бошанд.

Раиси вилоят даъват ба амал овард, то ки сатҳи хизматрасонӣ дар чойхона ҳамеша баланд бошад ва боиси хушнудии мизоҷон гардад.

Дар қисми фарҳангии нишаст сарояндагони хушсалиқа ҳунарманди мардумии Тоҷикистон Даврон Алиматов, ҳофизи хушсадо Абдумавлон Дадобоев ва дигарон бо суруду таронаҳои рӯҳнавозу дилнишин табъи ҷамъомадагонро болида доштанд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навид Ифтитоҳи дубораи чойхона дар канори дарёи Сир