Хабарҳо
Президенти мамлакат Эмомалӣ Раҳмон бо истифодаи мақсадноки замини наздиҳавлигӣ дар деҳоти Деҳмойи ноҳияи Ҷаббор Расулов шинос шуданд - 02.07.2020 11:06
Суханронии Пешвои миллат Эмомалӣ Раҳмон дар мулоқот бо роҳбарон ва фаъолони вилояти Суғд - 03.07.2020 11:59
Пешвои миллат Эмомалӣ Раҳмон бо роҳбарон ва фаъолони вилояти Суғд мулоқот намуданд - 03.07.2020 13:05
Пешвои миллат Эмомалӣ Раҳмон дар шаҳри Истаравшан ду хати нави технологияи истеҳсолиро дар ҶСП «Оби Зулол» мавриди истифода қарор доданд - 01.07.2020 10:16
Сарвари давлат Эмомалӣ Раҳмон дар ноҳияи Деваштич Беморхонаи ноҳиявии №5-ро ифтитоҳ намуданд - 01.07.2020 10:19
Президенти мамлакат аз майдони парвариши картошка дар хоҷагии деҳқонии «Шердил»-и ноҳияи Деваштич дидан карданд - 01.07.2020 10:22
Пешвои миллат Эмомалӣ Раҳмон дар шаҳри Хуҷанд бо фаъолияти ҶДММ «Сирдарё» шинос шуданд - 02.07.2020 07:56
Сарвари давлат Эмомалӣ Раҳмон дар шаҳри Хуҷанд Маркази савдою хизматрасониро ифтитоҳ ва ба ятимон туҳфаҳо тақдим карданд - 02.07.2020 07:57
Президенти мамлакат Эмомалӣ Раҳмон марҳилаи аввали «Хати обрасонӣ аз чашмаи Деҳмойи ноҳияи Ҷаббор Расулов ба шаҳри Хуҷанд»-ро ба истифода доданд - 02.07.2020 07:58
Пешвои миллат Эмомалӣ Раҳмон дар шаҳри Хуҷанд корхонаи дӯзандагии ҶДММ «Суғдиён»-ро ифтитоҳ намуданд - 02.07.2020 08:52

Мулоқоти Раиси вилоят бо намояндаи Бонки авруосиёии рушд

( 0 Овоз )

Мулоқоти Раиси вилоят бо намояндаи Бонки Авруосиёии рушд

Видео :: Мулоқоти Раиси вилоят бо намояндаи Бонки авруосиёии рушд
Субҳи имрӯз Раиси вилояти Суғд Қоҳир Расулзода муовини раиси раёсати Бонки авруосиёии рушд Канат Досмухамедовро ба ҳузур пазируфт.

Дар ин мулоқот сатҳи ҳамкориҳои дуҷонибаи кунунӣ, аз ҷумла татбиқи лоиҳаҳо дар Ҷумҳурии Тоҷикистон, хоса вилояти Суғд, ки  аз ҷониби Бонки авруосиёии рушд маблағгузорӣ мешаванд, мавриди баррасӣ қарор гирифтанд.

Раиси вилоят ба ҷараёни ҳамкориҳои тарафайн баҳои мусбат дода, онро самарабахш арзёбӣ намуд. Қайд гардид, ки ба фаъолият шурӯъ намудани яке аз корхонаи бузурги саноатии вилоят Ҷамъияти саҳомии пӯшидаи «Олимтекстайл» маҳз бо дастгирии молиявии бонки Авруосиёи рушд амалӣ гардидааст.

Лозим ба ёдоварист, ки тирамоҳи соли  2009, ҳамагӣ баъд чанд моҳи шомил шудани Ҷумҳурии Тоҷикистон ба ҳайати иштирокдорони бонки Авруосиёи рушд, бонки мазкур дар кишвар ташкил кардани корхонаи истеҳсоли нахи пахтаи аълосифатро бо иқтидори 5 ҳазор тонна дар як сол маблағгузорӣ кард. Лоиҳаи сохтмони фабрикая нахбарории муосирро Ҷамъияти саҳомиии пӯшидаи «Олимтекстайл» дар ноҳияи Мастчоҳ амалӣ намуд.

Ҳаҷми умумии маблағгузории ин лоиҳа қариб ба 30 миллион доллари амрикоӣ баробар аст, ки саҳми иштироки Бонки авруосиёии рушд дар ин лоиҳа наздик 23 миллион долларро ташкил медиҳад.

Канат Досмухамедов ҳамзамон бо ин таъкид намуд, ки имкону захираҳои истифоданашуда барои густариши ҳамкориҳои барои  ҳарду ҷониб судманду самарабахш ҳанӯз зиёд аст. Ӯ ба рушди бонизоми соҳаҳои иқтисодиву иҷтимоии вилоят баҳои баланд дода, омодагии бонкро бобати баррасии  лоиҳаҳое, ки ба ташкили истеҳсолоти орд, макарон ва семент дар қаламрави вилояти Суғд бахшида шудаанд, таъкид намуд.

Дар мулоқот зикр гардид, ки ҳамкориҳои минбаъдаи дуҷониба тақвит бахшида шаванд.Мулоқоти Раиси вилоят бо намояндаи Бонки Авруосиёии рушд

Хотиррасон мекунем, ки кишварҳое ба мисли  Арманистон, Белорус, Қазоқистон, Қирғизистон, Русия ва Тоҷикистон муассисон ва иштирокдорони Бонки авруосиёии рушд мебошанд. Моҳи декабри соли гузашта дар ҷаласаи Шӯрои Бонки авруосиёии рушд Канат Досмухамедови 40 сола ба вазифаи муовини Раиси раёсати ин бонк таъин гардид ва ин нахустин сафари ӯ ба Тоҷикистон аст.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навид Мулоқоти Раиси вилоят бо намояндаи Бонки авруосиёии рушд