Хабарҳо
Президенти мамлакат Эмомалӣ Раҳмон бо истифодаи мақсадноки замини наздиҳавлигӣ дар деҳоти Деҳмойи ноҳияи Ҷаббор Расулов шинос шуданд - 02.07.2020 11:06
Суханронии Пешвои миллат Эмомалӣ Раҳмон дар мулоқот бо роҳбарон ва фаъолони вилояти Суғд - 03.07.2020 11:59
Пешвои миллат Эмомалӣ Раҳмон бо роҳбарон ва фаъолони вилояти Суғд мулоқот намуданд - 03.07.2020 13:05
Пешвои миллат Эмомалӣ Раҳмон дар шаҳри Истаравшан ду хати нави технологияи истеҳсолиро дар ҶСП «Оби Зулол» мавриди истифода қарор доданд - 01.07.2020 10:16
Сарвари давлат Эмомалӣ Раҳмон дар ноҳияи Деваштич Беморхонаи ноҳиявии №5-ро ифтитоҳ намуданд - 01.07.2020 10:19
Президенти мамлакат аз майдони парвариши картошка дар хоҷагии деҳқонии «Шердил»-и ноҳияи Деваштич дидан карданд - 01.07.2020 10:22
Пешвои миллат Эмомалӣ Раҳмон дар шаҳри Хуҷанд бо фаъолияти ҶДММ «Сирдарё» шинос шуданд - 02.07.2020 07:56
Сарвари давлат Эмомалӣ Раҳмон дар шаҳри Хуҷанд Маркази савдою хизматрасониро ифтитоҳ ва ба ятимон туҳфаҳо тақдим карданд - 02.07.2020 07:57
Президенти мамлакат Эмомалӣ Раҳмон марҳилаи аввали «Хати обрасонӣ аз чашмаи Деҳмойи ноҳияи Ҷаббор Расулов ба шаҳри Хуҷанд»-ро ба истифода доданд - 02.07.2020 07:58
Пешвои миллат Эмомалӣ Раҳмон дар шаҳри Хуҷанд корхонаи дӯзандагии ҶДММ «Суғдиён»-ро ифтитоҳ намуданд - 02.07.2020 08:52

Мулоқоти Раиси вилоят бо соҳибкорон

( 1 Овоз )

Видео :: Мулоқоти Раиси вилоят бо соҳибкорон

Дар толори «Чойхонаи миллӣ»-и Қасри фарҳанги Арбоб тибқи дастуру супоришҳои Президенти кишвар Ҷаноби Олӣ, мӯҳтарам Эмомалӣ Раҳмон бо мақсади боз ҳам минбаъд ташаккул додани муколамаи озод байни мақомоти давлатӣ ва бахши хусусӣ мулоқоти  Раиси вилоят Қоҳир Расулзода  бо соҳибкорони вилоят баргузор гардид.
Дар ибтидои чорабинӣ Қоҳир Расулзода оид ба самтҳои минбаъдаи рушди соҳибкорӣ дар вилоят суханронӣ намуда, изҳор дошт, ки ҳоло меҳвари рушди  устувори  иқтисодиёт соҳибкорӣ буда, он ба ҷараёни инноватсионӣ ва пешравии илмиву техникӣ суръат  бахшида истодааст.

Дар ин замина, дар самти беҳтар намудани имкониятҳои дастрасии қарзҳои хурд ба соҳибкорону тоҷирон, такмил додан ва содда гардонидани низоми воридоту содироти молу маҳсулот,  ҷорӣ кардани усули “равзанаи ягона”, содда

намудани муқаррароти  сертификатсиякунонӣ, ислоҳоти низоми андозбандӣ ва маъмурикунонии он, дигар масъалаҳои вобаста ба инкишофи соҳибкорӣ, аз ҷумла соҳибкории истеҳсолӣ як силсила корҳои судбахш анҷом дода шуданд.Бахусус дар поёни соли гузашта қабул шудани Қонуни Ҷумҳурии Тоҷикистон «Дар бораи шарикии давлат ва бахши хусусӣ» саривақтӣ буда, он ба татбиқи лоиҳаҳои шарикии давлат ва бахши хусусӣ дар соҳаи  инфрасохтор ва хизматрасонии иҷтимоӣ вусъати тоза мебахшад.

Танҳо дар соли 2012 ба соҳибкорон  аз ҷониби ташкилотҳои қарзии вилоят ба андозаи 1,1 млрд. сомонӣ захираҳои қарзӣ пешниҳод карда шуд,  ки он 70 фоизи қарзи умумиро ташкил дода, ин раванд ба беҳтар шудани дастрасии захираҳои молиявӣ ба соҳибкорон ва вусъат ёфтани фаъолияти онҳо боис гардид. Ҳамзамон маблағгузорӣ барои рушди соҳибкории истеҳсолӣ пайваста ташаккул ёфта,   соли равон ба ин соҳа зиёда аз 800 млн.сомонӣ қарзҳо пешниҳод гардиданд.
Раиси вилоят дар поёни баромади хеш таъкид намуд, ки пазируфта шудани кишвари мо ба Созмони Умумиҷаҳонии Савдо  барои пайдо кардани мавқеъ дар бозори ҷаҳонӣ ва ҷалби сармояи хориҷӣ ба ҳар як соҳибкор имконияти мусоид фароҳам меорад.  Соҳибкорони мо бояд  дар ҷустуҷӯи истеҳсолоти инновастсионӣ бо назардошти коркарди ниҳоии ашёи хоми маҳаллӣ корбарӣ намуда, истеҳсоли маҳсулоти сифатан нави ба талаботи  имрӯзаи бозори ҷаҳонӣ ҷавобгӯйро  бояд ба роҳ монанд.
Дар мулоқот, ки дар фазои озод ва ҳусни тафоҳум ҷараён гирифт, бо мақсади ҳавасмандгардонии соҳибкорон ҷиҳати саҳмгирӣ дар рушди минбаъдаи соҳаҳои иқтисодиёт ва иҷтимоиёти вилоят  мукофотҳои хотиравии мақомоти иҷроияи ҳокимияти давлатии вилоят ба беҳтаринҳо супорида  шуд.
Бобо Бобохонов, муовини сардори ҶДММ КМ «Зарафшон» - и шаҳри Панҷакент   унвони «Соҳибкори беҳтарини сол дар соҳаи истеҳсолоти саноатӣ», Абдусалом Саломов, сарвари хоҷагии деқонии «Понғоз»-и ноҳияи Ашт -  «Соҳибкори беҳтарин дар соҳаи истеҳсолоти агросаноатӣ», Салима Исмадова, сардори корхонаи дӯзандагии «Салима»-и шаҳри Исфара- «Соҳибкори беҳтарини сол дар соҳаи пешниҳоди хизматрасонӣ», Илҳом Сангин, роҳбари ҶДММ «Равзана Пластик»-и шаҳри Хуҷанд-«Соҳибкори беҳтарини сол дар соҳаи дар татбиқи технологияҳои инноватсионӣ», Аҳад Раҳимов, соҳибкори инфиродӣ аз ноҳияи Б.Ғафуров  -«Соҳибкори беҳтарини сол дар соҳаи содироти мол»,  Фаррух Шарифов, соҳибкори инфиродӣ, аз ноҳияи  Мастчоҳ  «Соҳибкори беҳтарини сол дар соҳаи эҳсонкорӣ» соҳиб гардиданд.

Соҳибкорон -  Абдумуталиб Абдуллоев, директори генералии ҶСК «Қолинҳои Қайроққум»- шаҳри Қайроққум, Эркин Раҷабов, сардори ҶДММ «Муҳандис-1»-и ноҳияи Спитамен, Аминҷон Сабуров, директори ҶСК «Файзи Истаравшан»- шаҳри Истаравшан, Абдуҷамол Ҳусейнов, сардори ҶДММ «Ҳаҷмис»-и ноҳияи Ғончӣ ки ба дастовардҳои баланди меҳнатӣ ноил гардиданд бо туҳфаҳои хотиравӣ ва сипосномаи мақомоти иҷроияи ҳокимияти давлатии вилоят мукофотонида шуданд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навид Мулоқоти Раиси вилоят бо соҳибкорон