Хабарҳо
Ғолибони озмунҳои "Беҳтарин китобхонаи наздимактабӣ" ва "Китобдори беҳтарин" муайян гардиданд - 25.01.2022 10:35
Дар ноҳияи Мастчоҳ коргоҳи истеҳсоли кислород месозанд - 25.01.2022 10:32
Таҷлили Иди Сада дар шаҳри Истаравшан - 25.01.2022 10:30
Меҳмонон аз вилоятҳои Фарғона ва Намангон аз Ашт боздид намуданд - 25.01.2022 10:14
Машварати кории Раиси вилояти Суғд Раҷаббой Аҳмадзода - 24.01.2022 12:43
Дар ноҳияи Ҷаббор Расулов бунёди боғҳои нав оғоз ёфт - 23.01.2022 14:36
Боздиди кории Раиси вилоят Раҷаббой Аҳмадзода аз шаҳри Гулистон - 23.01.2022 14:13
Шиносоии Раиси вилоят бо сохтмони корхонаҳои саноатӣ дар шаҳри Бӯстон - 22.01.2022 14:17
Қадршиносии ғолибони озмуни "Беҳтарин муассисаи таҳсилоти иловагии вилояти Суғд дар соли 2021" - 21.01.2022 11:45
Маҷлиси васеи Ҳукумати Ҷумҳурии Тоҷикистон баргузор гардид - 20.01.2022 21:21

Сафари кории Раиси вилоят Раҷаббой Аҳмадзода ба ноҳияи Зафаробод

( 0 Овоз )

14 январ Раиси вилояти Суғд Раҷаббой Аҳмадзода ба ноҳияи Зафаробод сафари корӣ анҷом дод.

Зимни сафар роҳбари вилоят аз пойгоҳҳои обкашии "Мирзочӯл-1" ва "Мирзочӯл-2" боздид намуда, рафти корҳои таъмиру омодасозии пойгоҳҳои обкаширо мавриди таваҷҷуҳ қарор дод. Заминҳои ноҳияи Зафаробод пурра тавассути пойгоҳҳои обкашӣ обёрӣ гардида, кори деҳқонон аз фаъолияти бенуқсони пойгоҳҳо вобастагӣ дорад.

Раиси вилоят барои пурра омода кардани пойгоҳҳои обкашӣ ба мавсими нав ба масъулин супоришҳо дод.

Дар идомаи сафар роҳбари вилоят аз корхонаи коркарди пахта ва истеҳсоли равған, ки  дар Ҷамоати деҳоти Ҷомии ноҳияи Зафаробод воқеъ аст, дидан кард.  Корхонаи мазкур бо масоҳати 2,9 га аз тарафи соҳибкори ноҳия Нормаматов Абдусамат ба маблағи зиёда аз 1 миллион сомонӣ ва 30 ҷойи корӣ сохта шудааст. Иқтидори коркарди корхона дар як сол 10 ҳазор тонна пахтаи хом буда, дар заминаи корхона истеҳсоли равған низ ба роҳ монда мешавад.

Раиси вилоят ҳамзамон дар Ҷамоати деҳоти Ҷомии ноҳия дар маъракаи ниҳолшинонӣ иштирок намуда, ба бунёди боғҳои нав оғоз бахшид.

Хадамоти матбуоти
Раиси вилояти Суғд

ШУМО ДАР: Навид Сафари кории Раиси вилоят Раҷаббой Аҳмадзода ба ноҳияи Зафаробод