Хабарҳо
Давлат Сафар Изҳорот қ 1 - 27.05.2020 01:27
Дар доираи сафари корӣ ба ноҳияи Деваштич Раиси вилоят аз рафти кишти картошка боздид намуда бо кишоварзон мулоқот кард - 26.05.2020 19:43
Шиносоии Раиси вилоят бо ҷараёни корҳои сохтмонӣ дар ноҳияи Деваштич - 26.05.2020 18:45
Раиси вилоят ҷавонони маъюбро аёдат намуд - 26.05.2020 18:38
Раиси вилоят Раҷаббой Аҳмадзода аз рафти корҳои саҳрои ва аз худ кардани заминҳои нав дар ноҳияи Деваштич шинос шуд - 26.05.2020 18:26
Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати иди Фитр - 23.05.2020 20:28
Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати Рӯзи ҷавонон - 22.05.2020 09:25
Паёми табрикии Раиси вилоят ба муносибати Иди саиди Фитр - 22.05.2020 09:57
Боздиди Раиси вилоят аз фаъолияти фермаи чорводории хоҷагии ба номи Абдураҳим Ҷумаев ва рафти корҳои саҳрои дар ноҳияи Бобоҷон Ғафуров - 23.05.2020 18:03
Раиси вилоят оилаҳои аз бемории сироятӣ фавтидаро аёдат намуда изҳори ҳамдардӣ кард - 23.05.2020 17:40

Президенти мамлакат Эмомалӣ Раҳмон маркази ташхисӣ-табобатии «Дармонгоҳи Хуҷанд»-ро дар маҳаллаи Навбаҳори шаҳри Хуҷанд ифтитоҳ намуданд

( 0 Овоз )

Имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маҳаллаи Навбаҳори шаҳри Хуҷанд маркази ташхисӣ-табобатии «Дармонгоҳи Хуҷанд»-ро расман ифтитоҳ намуданд.

Маркази ташхисӣ-табобатӣ бо саҳми соҳибкори маҳаллӣ Хайрӣ Ваҳҳобова дар асоси лоиҳаи меъёрии соҳаи тандурустӣ, дар масоҳати наздики 250 метри мураббаъ, иборат аз 4 ошёна бо таҳхона бунёд гардидааст. Дар марказ шароити замонавии ташхису табобат ва хизматрасонии тиббӣ фароҳам оварда шудааст.

Дар маркази ташхисӣ-табобатии«Дармонгоҳи Хуҷанд» намудҳои зиёди ташхис, муолиҷа ва хизматрасониҳои тиббӣ-санитарӣ пешбинӣ гардидаанд. Дар муассиса ташхису табобати касалиҳои дарунӣ, урологӣ, системаи асаб, гӯшу гулӯю бинӣ, чашм, амрози занона бо истифода аз дастгоҳу таҷҳизоти муосири тиббӣ ба роҳ монда шудааст.

Сарвари давлат муҳтарам Эмомалӣ Раҳмон ба муассиси Марказ ва табибону кормандон дастур доданд, ки ба сифати хизматрасонии тиббӣ, муошират бо беморон диққати ҷиддӣ диҳанд ва ҳамзамон ба ҳамаи қоидаю талаботи санитарӣ, тозагӣ комилан риоя намоянд. Зеро ташхису табобат ва дараҷаи солимӣ, пеш аз ҳама аз иҷрои ин талаботу нишондиҳандаҳо вобастагии калон дорад.

Дар муассиса ҳамаи шароити меъёрии талаботи тиббӣ-санитарии безараргардонӣ, таъмизгардонии дастгоҳу таҷҳизот ва лавозимоти тиббӣ фароҳам буда, дастгоҳҳои автоклав, ҷевонҳои хушкнигоҳдорӣ, катҳои функсионалии махсуси барқӣ ва дигар лавозимоти соҳа дар ҳуҷраи безаргардонӣ ва таъмизгардони пурра таъминанд.

Дар марказ бо таъсиси блоки ҷарроҳӣ бо ҳуҷраҳои пеш аз ҷарроҳӣ, баъди ҷарроҳӣ ва малҳамбандӣ бо муҷаҳҳаз гардонидани дастгоҳу таҷҳизот ва лавозимоти тиббии мувофиқ ба талаботи тиббӣ-санитарӣ имконияти гузаронидани ҳамаи намуди ҷарроҳиҳои хурд мавҷуданд.

Аз ҷумла, дар инҷо ҷарроҳиҳои узвҳои дарунӣ, ҷарроҳиҳои урологӣ, узвҳои занона, гӯшу гулӯю бинӣ ва ҳамчунин ҷарроҳиҳои лазерии рагҳои хунгарди пой гузаронида мешаванд.

Дар ин муассисаи тиббӣ ҳуҷраҳои стоматологияи калонсолон ва кӯдакона дар алоҳидагӣ таъсис дода шудаанд.

Ҳуҷраи гинекологӣ бо дастгоҳи муосири тиббӣ-колпаскопӣ муҷаҳҳаз карда шудааст, ки тавассути он якчанд намуди амрози занона, хусусан, бемории гарданаки бачадон бо усули пешрафта, бо истифода аз таҷҳизоти муосири рақамӣ ташхис ва табобат карда мешаванд.

Муассисаи маркази ташхисӣ-табобатии «Дармонгоҳи Хуҷанд» бо дастгоҳу таҷҳизоти муосири тиббӣ, аз ҷумла сабти барқии дил, дастгоҳи ултрасадои сохти «Ҷенерол-электрик»-и ИМА, дастгоҳи ҷарроҳии лазерӣ, мизҳои муосири чарроҳӣ, дастгоҳҳои офиятбахшӣ ва дигар лавозимоти тиббӣ муҷаҳҳаз мебошад.

Дар муассиса се озмоишгоҳ – клиникӣ, биохимиявӣ ва иммуноферментӣ барои таҳлилҳои умумӣ, таҳлили кори узвҳои дарунӣ ва таҳлили ҳамаи намуди нишондиҳандаҳои хун таъсис ёфтаанд. Дар инҷо барои бистарикунии беморон дар ду ошёна барои 20 кати беморӣ ҳуҷраҳои замонавӣ бо ҳамаи шароитҳои меъёрӣ ташкил гардидаанд. Ҳар як ҳуҷраи бистаринамоӣ бо мебелу таҷҳизоти истеҳсоли корхонаҳои ватанӣ таъмин карда шуда, дорои утоқҳои санитарӣ-гигиении алоҳида мебошанд.

Дар муассиса барои табобати офиятбахшӣ ҳуҷраҳои алоҳида таъсис ёфта, гӯшаи гиёҳдармонӣ бо мақсади васеъ истифода бурдани табобату дармонҳо аз гиёҳу растаниҳо ва меваҷоти табиии Тоҷикистони биҳиштосо бо ҳамаи шароитҳо ташкил карда шудааст. Ошхона, толорҳои барҳаво ва долонҳои зебо барои истироҳату фароғати беморон пешбинӣ гардидаанд.

Дар маркази тиббии хусусӣ 25 нафар табибон-мутахассисони дорои донишу таҷриба ва кормандони миёнаи тиб ба кор ҷалб шудаанд. Муассиси марказ ва табибон ба Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои дастгириҳои ҳамешагии соҳаи тандурустӣ, имкониятҳои васеъ барои ташкили чунин муассисаҳои тиббӣ-хусусӣ баҳри солимии аҳолӣ изҳори сипосу миннатдорӣ намуданд.

Шарҳ додан


Защитный код
Нав кардан

ШУМО ДАР: Навид Президенти мамлакат Эмомалӣ Раҳмон маркази ташхисӣ-табобатии «Дармонгоҳи Хуҷанд»-ро дар маҳаллаи Навбаҳори шаҳри Хуҷанд ифтитоҳ намуданд