Хабарҳо
Дар Панҷакент бинои нави Хадамоти шиносномавию бақайдгирӣ ба истифода дода шуд - 21.02.2020 13:19
11 март Рӯзи матбуоти тоҷик ҷашн гирифта мешавад - 21.02.2020 13:18
Дар деҳоти Исфара ба ҳалли масъалаҳои иҷтимоии аҳолӣ таваҷҷуҳи зарурӣ зоҳир мегардад - 21.02.2020 11:28
Ба ифтихори Рӯзи Артиши миллӣ дар ДДҲБСТ ҷамъомади идона баргузор гардид - 21.02.2020 11:19
Ғолибони даври вилоятии озмуни ҳарбӣ - варзишии «Ватанпарвар» муайян гардиданд - 21.02.2020 10:48
Бо мақсади дарёфти истеъдодҳо озмуни ихтироъкорон ва навоварони ҷавони вилояти Суғд гузаронида мешавад - 20.02.2020 13:26
Ба барандаи Шоҳҷоизаи Фестивали вилоятии “Атласу адрас” 5 000 сомонӣ мукофотпулӣ дода хоҳад шуд - 20.02.2020 13:25
24 апрел - Рӯзи ёдбуди бартарафкунандагони садамаи Неругоҳи барқи атомии Чернобил - 20.02.2020 13:23
8 март дар вилояти Суғд Рӯзи Модар ҷашн гирифта мешавад - 20.02.2020 13:19
Соли равон озмуни вилоятии “Донишҷӯи сол - 2020” доир мегардад - 19.02.2020 14:01

Шиносоии Раиси вилоят бо рафти ҷамъоварии пахта дар ноҳияи Ҷаббор Расулов

( 1 Овоз )

8 октябр Раиси вилояти Суғд Раҷаббой Аҳмадзода ҷиҳати шиносоӣ бо рафти ҷамъоварии пахта ба ноҳияи Ҷаббор Расулов сафар кард.

Дар асони боздид Раҷаббой Аҳмадзода рафти корҳои саҳроиро дар пахтазори хоҷагии деҳқонии «Азизбек»-и Ҷамоати деҳоти Ғӯлакандоз ва хоҷагии деҳқонии «Норбой»-и Ҷамоати деҳоти Гулхона мавриди таваҷҷуҳ қарор дод.

Ба Раиси вилоят иттилоъ дода шуд, ки соли равон дар ноҳияи Ҷаббор Расулов дар 5702 гектар пахта кишт гардида, ҷамъоварии ҳосил муташаккилона идома дорад. Ҳамарӯза то 6000 нафар саҳмдорону ҳашарчиён барои ҷамъоварии пахта дучанд меҳнат намуда истодаанд ва заркорони ноҳия то имрӯз 6045 тонна “тиллои сафед”-ро ба хирман супоридаанд. ​ ​ ​

Зимни суҳбат бо хоҷагидорону чинакчиён Раиси вилоят иброз дошт, ки роҳбарияти ноҳия ва хоҷагиҳои кишоварзиро зарур аст бо истифода аз рӯзҳои офтобӣ ва ташкили дурусти кору сафарбаркунии саривақтии чинакчиён ҳосилро пурраву беталаф ҷамъоварӣ намоянд.

Сипас, Раиси вилоят аз корхонаҳои пахтатозакунии ҶДММ «Тиллои сафед», воқеъ дар Ҷамоати деҳоти Гулхона ва ҶСП «Суғдстандарткоттон», воқеъ дар Ҷамоати шаҳраки Меҳробод боздид намуд. Ба иттилои масъулин ҶДММ «Тиллои сафед» аз моҳи марти соли 2016 инҷониб фаъолият дошта, дар корхона 10 нафар кормандони доимӣ ва 42 нафар кормандони мавсимӣ фаъолият мебаранд. Дар ҶСП «Суғдстандарткоттон» бошад 38 нафар ба таври доимӣ ва 60 нафар кормандони мавсимӣ фаъолият доранд.

Раиси вилоят ҳангоми боздид ва шиносоӣ бо фаъолияти корхонаҳо ба масъулин бобати сари вақт қабул намудани пахта ва ба роҳ мондани коркарди ашёи хом, инчунин зиёд намудани ҳаҷми истеҳсоли маҳсулот тавсияҳо дод.

Бояд таъкид кард, ки зимни шиносоиву боздидҳо аз тарафи Раиси вилоят ба як қатор механизаторону кормандони пешқадами корхонаҳо ва чинакчиёни беҳтарин туҳфаҳои хотиравӣ тақдим карда шуд.

Хадамоти матбуоти

Раиси вилояти Суғд




Шарҳ додан


ШУМО ДАР: Навид Шиносоии Раиси вилоят бо рафти ҷамъоварии пахта дар ноҳияи Ҷаббор Расулов