Хабарҳо
Муаррифии имкониятҳои вилояти Суғд дар самти истеҳсол ва содироти маҳсулоти кишоварзӣ​​ - 16.10.2019 17:55
Пешвои миллат Эмомалӣ Раҳмон лоиҳаи Қонуни Ҷумҳурии Тоҷикистон «Дар бораи авф»-ро ба Маҷлиси намояндагони Маҷлиси Олии Ҷумҳурии Тоҷикистон пешниҳод намуданд - 16.10.2019 10:10
Шаҳри Гулистон ва ноҳияи Куҳистони Мастчоҳ нақшаи даъватро иҷро намуданд - 16.10.2019 09:58
Бо ташаббуси соҳибкори бурунмарзӣ дар Хуҷанд корхонаи нави саноатӣ бунёд карда мешавад - 15.10.2019 19:31
АВРУПО: Хонаи озоди ё паноҳгоҳи ҷинояткорон?!! - 15.10.2019 11:37
«Паймони миллии Тоҷикистон» иттиҳоди террористӣ-экстремистӣ эътироф шуд - 15.10.2019 08:54
Дар нуҳ моҳи соли равон ҳаҷми истеҳсоли маҳсулоти кишоварзӣ 5 миллиарду 456,9 млн. сомониро ташкил дод - 15.10.2019 09:51
Конибодом. Ба истиқболи 30-солагии Истиқлолияти давлатии Ҷумҳурии Тоҷикистон 159 иншоот ба истифода дода шуд - 15.10.2019 09:49
Баргузории тренинги муштарак ҷиҳати баланд бардоштани маърифати экологӣ - 15.10.2019 09:46
Таҷлили Иди Меҳргон дар вилояти Суғд - 14.10.2019 17:53

Шиносоии Раиси вилоят бо рафти ҷамъоварӣ ва коркарди​ пахта дар ноҳияи Бобоҷон Ғафуров

( 0 Овоз )
  • Пешина
  • 1 of 7
  • Минбаъда

7 октябр Раиси вилояти Суғд Раҷаббой Аҳмадзода аз ноҳияи Бобоҷон Ғафуров боздид намуда, бо рафти ҷамъоварии пахта ва қабули он аз ҷониби корхонаҳои коркарди пахта шинос гардид.

Раиси вилоят зимни боздид аз пахтазори ҶСК ба номи Абдураҳим Ҷумъаев ва хоҷагии деҳқонии ба номи Шарифбой Юлдошев бо саҳмдорону чинакчиён суҳбат намуда, таъкид кард, ки саҳмдорон ва аъзои хоҷагиҳои деҳқонӣ бо истифода аз имконияту шароити муносиб бояд дар ҷамъоварии саривақтии ҳосили фаровони пахта кўшиши ҳамаҷониба ба харҷ диҳанд ва нагузоранд, ки маҳсули заҳматашон талаф ёбад.

Чуноне иттилоъ дода шуд, дар ноҳияи Бобоҷон Ғафуров 8400 гектар пахта кишт карда шудааст ва тибқи нақша бояд 18​ 200 тонна “тиллои сафед” истеҳсол карда шавад. Имрӯзҳо саҳмдорон дар якҷоягӣ бо ҳашарчиён ба ҷамъоварии ҳосил машғул буда, мувофиқи маълумоти фаврӣ 7326 тонна пахтаро ба хирман супоридаанд. Дар ноҳия ҳамарӯза бо шумули саҳмдорони хоҷагиҳо то 10 ҳазор нафар ба ҷамъоварии пахта сафарбар гардида истодаанд.

Раиси вилоят пас аз шиносоӣ бо ҷараёни ҷамъоварии пахта ба як қатор чинакчиёни беҳтарин туҳфаҳои хотиравӣ тақдим карда, изҳори боварӣ намуд, ки меҳтанкашони ноҳия нақшаи истеҳсолро барзиёд иҷро менамоянд.

Сипас, Раиси вилоят бо фаъолияти корхонаҳои коркарди пахтаи ҶДММ “Юсуф - саркор” ва ҶДММ “Зафариён”ошно гардида, ҷараёни қабули пахтаро мавриди таваҷҷуҳ қарор дод. Ба иттилои масъулин дар ноҳия панҷ корхонаи коркарди пахта фаъолият дошта, корхонаҳо сари вақт пахтаро қабул намуда истодаанд.

Раҷаббой Аҳмадзода ба роҳбарияти корхонаҳо ҷиҳати қабули пурраи ашёи хом ва коркарди он тавсияҳо дода, таъкид кард, ки бояд ҳар килограми пахта бо нархи 5,5 сомонӣ харидорӣ карда шавад.

Хадамоти матбуоти

Раиси вилояти Суғд

Шарҳ додан


Защитный код
Нав кардан

ШУМО ДАР: Навид Шиносоии Раиси вилоят бо рафти ҷамъоварӣ ва коркарди​ пахта дар ноҳияи Бобоҷон Ғафуров