Хабарҳо
Бинои нави шуъбаи нурафкании Маркази саратоншиносии вилояти Суғд ба истифода дода шуд - 19.08.2019 13:46
Пешвои миллат Эмомалӣ Раҳмон бо Президенти Бонки Осиёгии Сармоягузориҳои Инфрасохторӣ Ҷин Личун мулоқот намуданд - 19.08.2019 13:14
Амри Президенти Ҷумҳурии Тоҷикистон дар бораи эълон намудани Иди ангур ва Иди себ ба тасвиб расид - 19.08.2019 09:59
Таҷлили Рӯзи кормандони соҳаи тиб. Дар вилояти Суғд 5143 духтур ва 17393 корманди миёнаи тиб ба аҳолӣ хизмат мерасонанд - 19.08.2019 09:53
Таджикистан. Крах оппозиции. Оппозиция не находит доводов - 16.08.2019 22:35
Защита общих рубежей ШОС требует долевого участия - 16.08.2019 22:25
Ҷавонон дар оғӯши «Шоҳин» маърифати ҳуқуқии худро баланд бардоштанд - 16.08.2019 16:25
Хуҷанд. Машварати августии роҳбарони иттиҳодияи методии муассисаҳои таълимӣ доир шуд - 16.08.2019 16:25
Ашт. Беш аз 200 нафар табибони дорои маълумоти олӣ дар хизмати халқ қарор доранд - 16.08.2019 16:20
Мулоқоти Раиси вилоят бо намояндагони ширкати “Neusoft Medical Corporation”-и Ҷумҳурии мардумии Чин - 16.08.2019 16:06

Боздиди кории Раиси вилоят аз шаҳри Хуҷанд

( 0 Овоз )
  • Пешина
  • 1 of 5
  • Минбаъда

​Дар доираи 1300 рӯзи меҳнати зарбдор ба истиқболи 30-солагии Истиқлолияти давлатии Ҷумҳурии Тоҷикистон дар шаҳри Хуҷанд корҳои ободониву бунёдкорӣ бо маром идома доранд.

Рӯзи 8 август Раиси вилояти Суғд Раҷаббой Аҳмадзода зимни боздиди корӣ ҷараёни корҳои созандагӣ дар шаҳри Хуҷандро мавриди таваҷҷуҳ қарор дод. Раиси вилоят аз ҷумла бо рафти навсозии меҳмонхонаи “Ленинобод” шинос гардида, барои бо сифати баланд ва тибқи меъёрҳои муқарраршуда ба истифода додани иншоот ба масъулин супоришҳо дод. Тавре ҳангоми боздид аён гардид, навсозии меҳмонхона тибқи нақша ҷараён дошта, сохтмончиён барои омодасозии ҳуҷраҳои истироҳатӣ, қаҳвахона, мағозаҳои фирмавӣ, ҳавзи шиноварӣ, толори машқу тамрин, истгоҳи нақлиётӣ ва дигар иншооти ёрирасон машғуланд.

Сипас, Раиси вилоят бо ҷараёни насби таҷҳизот дар зеристгоҳи барқии ”Темурмалик” ошно шуд. Чуноне иттилоъ дода шуд, то имрӯз дар зеристгоҳ ду адад трасформатори 25 000 кВА насб карда шуд ва айни ҳол насби дигар таҷҳизоти зарурӣ барои қабул ва интиқоли нерӯи барқ идома дорад. Корҳои сохтмонии зеристгоҳ аз тарафи мутахассисони корхонаи “Тоҷикгидроэлектромантаж” ба анҷом расонида мешавад.

Ёдовар бояд шуд, ки сохтмони зеристгоҳи нави барқии «Темурмалик» моҳи июли соли гузашта бо маблағгузории Бонки Аврупоии таҷдид ва рушд дар ҳаҷми 4 миллион доллар оғоз ёфта буд. Бо фаъол гардидани ин зеристгоҳ зеристгоҳҳои дигари шаҳр камбор гардида, талафоти нерӯи барқ низ кам хоҳад шуд.

Дар идомаи боздид Раиси вилоят дар маҳаллаи 30-юми шаҳри Хуҷанд раванди насби таҷҳизот дар коргоҳи равғанбарории ширкати «Зирвеко»-ро мавриди таваҷҷуҳ қарор дод.

Ба иттилои мутахассисон дар коргоҳи равғанбарорӣ бо истифода аз технологияи истеҳсоли давлатҳои Чин ва Италия равғани баландсифати ҷавобгӯ ба талаботи меъёрҳои стандартӣ омода карда мешавад.

Ҳангоми истеҳсоли равған он ба воситаи дастгоҳҳо дар чанд марҳила полоиш меёбад ва дар натиҷа равғани баландсифат омода карда мешавад. Иқтидори истеҳсоли коргоҳи мазкур дар як шабонарӯз 30 тонна буда, он асосан равғани хоми пахта, рапс, зағир ва дигар зироатҳои равғандеҳи истеҳсоли хориҷиро бо сифати баланд коркард намуда, ба харидорон пешниҳод менамояд.

Хадамоти матбуоти

Раиси вилояти Суғд


Шарҳ додан


Защитный код
Нав кардан

ШУМО ДАР: Навид Боздиди кории Раиси вилоят аз шаҳри Хуҷанд