Хабарҳо
Боздиди ҳайати вилояти Могилёв аз шаҳри Истаравшан - 06.12.2021 09:11
Миёни ширкатҳои истеҳсолии Суғд ва Могилёв 15 созишномаи ҳамкорӣ имзо шуд - 06.12.2021 09:09
Дар Мастҷоҳ боз як зеристгоҳи барқӣ бунёд мегардад - 06.12.2021 09:05
Бахшида ба Рӯзи таъсисёбии Дастаи таъиноти махсуси милитсия чорабинии тантанавӣ доир гардид - 04.12.2021 19:41
Боздиди Раиси вилоят аз ярмарка-фурӯши маҳсулоти кишоварзӣ - 04.12.2021 19:36
Мулоқоти доираҳои тиҷоратии вилоятҳои Суғд ва Могилёв - 03.12.2021 17:52
Мулоқоти гуруҳи корӣ бо фаъолони шаҳру ноҳияҳо оид ба фарогирии аҳолӣ ба ваксинатсия - 03.12.2021 15:48
Соҳибкорони Могилёв аз корхонаҳои саноатӣ боздид намуданд - 03.12.2021 10:56
Машварати кории Раиси вилояти Суғд Раҷаббой Аҳмадзода - 03.12.2021 08:49
Мулоқоти Раиси вилоят бо соҳибкорони Ҷумҳурии Беларус - 02.12.2021 10:55

Ифтитоҳи толори варзишӣ дар деҳаи Лакати шаҳри Истаравшан

( 0 Овоз )

Дар муассисаи таълимии №8- и ба номи Талъат Мирусмонови деҳаи Лакат бахшида ба ҷашни бузурги миллӣ 30-солагии Истиқлоли давлатии Ҷумҳурии Тоҷикистон толори барҳавои варзишӣ бунёд ва мавриди истифода қарор гирифт.

Зимни ифтитоҳи толори варзишӣ раиси шаҳри Истаравшан Адҳам Маъмурзода суханронӣ карда, ба истифода дода шудани толори варзиширо баҳри пешрафт ва ташаккули тарзи ҳаёти солими хонандагон басо зарурӣ арзёбӣ намуд.

Толори варзишӣ бо дастгирии Ассотсиатсияи падарону модарони хонандагони муассисаи мазкур ва соҳибкорони маҳаллӣ бо харҷи 500 ҳазор сомонӣ бунёд гардида, масоҳати он 288 метри мураббаъро ташкил медиҳад. Дар муассисаи таълимии №8 ба номи Талъат Мирусмонов 1500 нафар хонандагон дар ду баст ба таҳсил фаро гирифта шудаанд, ки бо бунёд гардидани толори барҳавои варзишӣ имкон пайдо намуданд, фориғ аз дарсу таҳсилот ба варзиш ва тарбияи ҷисмонӣ машғул шаванд.

Дар маросими ифтитоҳ аз ҷониби роҳбарият як гурӯҳ омӯзгорон барои тарбияи дурусти насли ҷавон ва фаъолон  баҳри ҳиссагузорӣ дар шукуфоӣ ва пешрафти ватан бо сипоснома ва тӯҳфаҳои хотиравии мақомоти иҷроияи ҳокимияти давлатии шаҳр қадрдонӣ карда шуданд.

Ҳамзамон роҳбарият ва меҳмонон аз намоиши ҳунарҳои мардумӣ, дастовардҳои меҳнатӣ ва маҳсули дастранҷи хонандагон, ки ба маърази тамошо гузошта шуда буд, дидан карда, ба ҳунару эъҷози онҳо баҳои баланд доданд ва барои ташкили чунин намоиш изҳори миннатдорӣ баён намуданд.

Хадамоти матбуоти
Раиси вилояти Суғд

ШУМО ДАР: Навиди Суғд Ифтитоҳи толори варзишӣ дар деҳаи Лакати шаҳри Истаравшан