Хабарҳо
Президенти мамлакат Эмомалӣ Раҳмон бо истифодаи мақсадноки замини наздиҳавлигӣ дар деҳоти Деҳмойи ноҳияи Ҷаббор Расулов шинос шуданд - 02.07.2020 11:06
Суханронии Пешвои миллат Эмомалӣ Раҳмон дар мулоқот бо роҳбарон ва фаъолони вилояти Суғд - 03.07.2020 11:59
Пешвои миллат Эмомалӣ Раҳмон бо роҳбарон ва фаъолони вилояти Суғд мулоқот намуданд - 03.07.2020 13:05
Пешвои миллат Эмомалӣ Раҳмон дар шаҳри Истаравшан ду хати нави технологияи истеҳсолиро дар ҶСП «Оби Зулол» мавриди истифода қарор доданд - 01.07.2020 10:16
Сарвари давлат Эмомалӣ Раҳмон дар ноҳияи Деваштич Беморхонаи ноҳиявии №5-ро ифтитоҳ намуданд - 01.07.2020 10:19
Президенти мамлакат аз майдони парвариши картошка дар хоҷагии деҳқонии «Шердил»-и ноҳияи Деваштич дидан карданд - 01.07.2020 10:22
Пешвои миллат Эмомалӣ Раҳмон дар шаҳри Хуҷанд бо фаъолияти ҶДММ «Сирдарё» шинос шуданд - 02.07.2020 07:56
Сарвари давлат Эмомалӣ Раҳмон дар шаҳри Хуҷанд Маркази савдою хизматрасониро ифтитоҳ ва ба ятимон туҳфаҳо тақдим карданд - 02.07.2020 07:57
Президенти мамлакат Эмомалӣ Раҳмон марҳилаи аввали «Хати обрасонӣ аз чашмаи Деҳмойи ноҳияи Ҷаббор Расулов ба шаҳри Хуҷанд»-ро ба истифода доданд - 02.07.2020 07:58
Пешвои миллат Эмомалӣ Раҳмон дар шаҳри Хуҷанд корхонаи дӯзандагии ҶДММ «Суғдиён»-ро ифтитоҳ намуданд - 02.07.2020 08:52

Ҳизбиёни шаҳри Хуҷанд дар шаҳри Роғун бо афсарону сарбозон мулоқот намуданд

( 0 Овоз )

Бо мақсади ошноӣ аз шароити хизмати афсарону аскарон, ташвиқу тарғиби ҷавонон барои хизмат дар сафи Қувваҳои мусаллаҳи Ҷумҳурии Тоҷикистон, баланд бардоштани ифтихор ва ҳуввияти миллӣ  як гурӯҳ аъзоёни фаъол, кормандони дастгоҳи кумиҷроияи шаҳрии ҲХДТ, ки ба он ҳамчунин рӯзноманигорону нависандагон, кормандони иттифоқи касабаи коркунони соҳаи нафт, кимиё ва саноати маҳалӣ дар вилояти Суғд шомил буданд, рӯзи 3 ноябр ба шаҳри Роғун рафтанд.

Шоми он рӯз дар қисми ҳарбии 051058-и Гвардияи миллии Ҷумҳурии Тоҷикистон, ки дар шаҳри Роғун қарор дорад, мулоқоти гарму самимии кормандон бо афсарону аскарон сурат гирифт.

Раиси кумитаи иҷроияи ҲХДТ дар  шаҳри Хуҷанд Маликисломӣ Наим Мунаввар афсарону аксаронро ба муносибати 25- солагии Рӯзи қабули Конститутсияи Ҷумҳурии Тоҷикистон ва 25 – солагии таъсисёбии Ҳизби Халқии Демократии Тоҷикистон табрику таҳният гуфта, баён дошт, ки бо талошу ҷонбозиҳои Асосгузори сулҳу ваҳдати миллӣ – Пешвои миллат, Президенти мамлакат муҳтарам Эмомалӣ Раҳмон шароити хизмат дар қисмҳои низомӣ куллан беҳтар шуда, имрӯз Артиши миллии мамлакат ба як ниҳоди тавоно ва пурқудрат мубаддал гаштаааст. Таъкид шуд, ки ҳифзи марзу буми кишвар вазифаи муқаддаси ҳар як ҷавонмард буда, маҳз ҳушёриву зиракии афсарону аскарони далеру шуҷои кишвар аст, ки сулҳу оромӣ дар кишвар ҳукмфармо аст.

Дар суханронии сардори қисми ҳарбӣ полковник Шамолзода Мирзосафар зикр  шуд, ки чунин таваҷҷуҳу ғамхорие,  ки  имрӯз кумитаи иҷроияи Ҳизби Халқии Демократии Тоҷикистон дар шаҳри Хуҷанд роҳандозӣ кардааст, барои афсарону аскарон рӯҳу илҳоми тоза бахшида, онҳоро ба хизмати софдилонаву содиқона ба Ватан раҳнамоӣ мекунад.

Аъзои иттифоқи нависандагони Тоҷикистон, адиб ва рӯзноманигор Юсуф Насрулло аскарону афсаронро ҷавонони хушбахти замон унвон карда, баён дошт, ки хизмат дар чунин шароит ва ҳимояи иншооти бузурги аср ҳам ифтихор ва ҳам шарафи ҳар як ҷавонмард аст.

Бо нишонаи ихлос ва таваҷҷуҳ ба китобхонаи қисми ҳарбӣ китобҳои ба тозагӣ нашршуда аз ҷониби раиси кумиҷроияи шаҳрӣ тақдим гардид.

Ҳизбиёни шаҳри Хуҷанд ҳамзамон аз иншооти бузурги аср - Нерӯгоҳи барқии обии “Роғун” боздид намуданд.

Хадамоти матбуоти
Раиси вилояти Суғд


Шарҳ додан


Защитный код
Нав кардан

ШУМО ДАР: Навиди Суғд Ҳизбиёни шаҳри Хуҷанд дар шаҳри Роғун бо афсарону сарбозон мулоқот намуданд