Хабарҳо
Президенти мамлакат Эмомалӣ Раҳмон бо истифодаи мақсадноки замини наздиҳавлигӣ дар деҳоти Деҳмойи ноҳияи Ҷаббор Расулов шинос шуданд - 02.07.2020 11:06
Суханронии Пешвои миллат Эмомалӣ Раҳмон дар мулоқот бо роҳбарон ва фаъолони вилояти Суғд - 03.07.2020 11:59
Пешвои миллат Эмомалӣ Раҳмон бо роҳбарон ва фаъолони вилояти Суғд мулоқот намуданд - 03.07.2020 13:05
Пешвои миллат Эмомалӣ Раҳмон дар шаҳри Истаравшан ду хати нави технологияи истеҳсолиро дар ҶСП «Оби Зулол» мавриди истифода қарор доданд - 01.07.2020 10:16
Сарвари давлат Эмомалӣ Раҳмон дар ноҳияи Деваштич Беморхонаи ноҳиявии №5-ро ифтитоҳ намуданд - 01.07.2020 10:19
Президенти мамлакат аз майдони парвариши картошка дар хоҷагии деҳқонии «Шердил»-и ноҳияи Деваштич дидан карданд - 01.07.2020 10:22
Пешвои миллат Эмомалӣ Раҳмон дар шаҳри Хуҷанд бо фаъолияти ҶДММ «Сирдарё» шинос шуданд - 02.07.2020 07:56
Сарвари давлат Эмомалӣ Раҳмон дар шаҳри Хуҷанд Маркази савдою хизматрасониро ифтитоҳ ва ба ятимон туҳфаҳо тақдим карданд - 02.07.2020 07:57
Президенти мамлакат Эмомалӣ Раҳмон марҳилаи аввали «Хати обрасонӣ аз чашмаи Деҳмойи ноҳияи Ҷаббор Расулов ба шаҳри Хуҷанд»-ро ба истифода доданд - 02.07.2020 07:58
Пешвои миллат Эмомалӣ Раҳмон дар шаҳри Хуҷанд корхонаи дӯзандагии ҶДММ «Суғдиён»-ро ифтитоҳ намуданд - 02.07.2020 08:52

Мулоқоти Раиси вилоят бо роҳбарияти Ширкати куҳӣ-саноатии Тоҷикистону Хитой

( 0 Овоз )

29 августи соли 2019 Раиси вилояти Суғд Раҷаббой Аҳмадзода роҳбарияти Ширкати куҳӣ-саноатии Тоҷикистону Хитойро ба ҳузур пазируфт.

Зимни мулоқот ҷонибҳо аз робитаҳои судманди ду кишвар - Тоҷикистону Чин изҳори қаноатмандӣ карда, оид ба тақвияти ҳамкориҳо дар самти истеҳсолот, афзун намудани ҳаҷми истеҳсоли маҳсулот дар корхонаи муштараки “Зарнисор” ва ташкили корхонаҳои нави истеҳсолӣ мубодилаи афкор намуданд.

Тавре иттилоъ дода шуд, айни замон ҳаҷми истеҳсоли маҳсулот дар корхонаи муштараки “Зарнисор” 4 млн. тонна хокаи сурбу руҳ мебошад ва тибқи нақша ин нишондиҳанда дар соли оянда ба 6 млн. тонна расонида хоҳад шуд. Дар ин корхонаи азими саноатӣ 2700 нафар бо ҷойи кори доимӣ ва маоши хуб таъмин мебошанд.

Раҷаббой Аҳмадзода таъкид дошт, ки бо ташаббуси Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон саноатикунонии кишвар ҳадафи чоруми миллӣ эълон гардидааст ва аз ин лиҳоз дар вилояти Суғд ба бунёду ба кор андохтани корхонаҳои нави саноатӣ таваҷҷуҳи хоса зоҳир мегардад. Зикр карда шуд, ки комбинати металлургии “Зарнисор” метавонад барои бунёд ва ба кор даровардани якчанд корхонаи дигари саноатӣ саҳми муассир гузорад.

Бояд гуфт, ки қаблан роҳбарияти корхонаи металлургии “Зарнисор” зикр дошта буд, ки бо ҷалби беш аз 100 миллион сомонӣ корхонаи истеҳсоли металли мис бунёд хоҳад шуд. Дар аснои суҳбат роҳбарияти Ширкати куҳӣ-саноатии Тоҷикистону Хитой мужда расонид, ки тасмим ниҳоӣ шуд ва дар муддати 3 сол корхонаи дигари кимёвӣ оид ба истеҳсоли сулфати руҳ ва мис бунёд карда мешавад, ки дар натиҷа 500 нафар бо ҷойи кори доимӣ таъмин мегарданд.

Ёдовар бояд шуд, ки дар ҳамкорӣ бо Ширкати кӯҳиву саноатии Тоҷикистону Хитой дар ду шаҳри саноатии вилоят — Истиқлол ва Гулистон дар ояндаи наздик силсилаи корхонаҳои саноатӣ бунёд карда мешаванд, ки дар онҳо беш аз чоруним ҳазор нафар мутахассисону коргарони маҳаллӣ бо ҷойи корӣ таъмин хоҳанд шуд. Ин тадбир метавонад барои расидан ба яке аз ҳадафҳои олӣ -саноатикунонии мамлакат заминаи воқеӣ гузорад.

Хадамоти матбуоти

Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Мулоқоти Раиси вилоят бо роҳбарияти Ширкати куҳӣ-саноатии Тоҷикистону Хитой