Хабарҳо
Боздид Раҷаббой Аҳмадзода аз рафти кишти картошка ва мулоқот бо кишоварзон - 26.05.2020 19:43
Шиносоии Раиси вилоят бо ҷараёни корҳои сохтмонӣ дар ноҳияи Деваштич - 26.05.2020 18:45
Раиси вилоят ҷавонони маъюбро аёдат намуд - 26.05.2020 18:38
Сафари кории Раиси вилоят ба ноҳияи Деваштич - 26.05.2020 18:26
Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати иди Фитр - 23.05.2020 20:28
Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати Рӯзи ҷавонон - 22.05.2020 09:25
Паёми табрикии Раиси вилоят ба муносибати Иди саиди Фитр - 22.05.2020 09:57
Боздиди Раиси вилоят аз фаъолияти фермаи чорводории хоҷагии ба номи Абдураҳим Ҷумаев ва рафти корҳои саҳрои дар ноҳияи Бобоҷон Ғафуров - 23.05.2020 18:03
Раиси вилоят оилаҳои аз бемории сироятӣ фавтидаро аёдат намуда изҳори ҳамдардӣ кард - 23.05.2020 17:40
Раҷаббой Аҳмадзода ба аёдати ҷавонони имконияташон маҳдуд рафт - 23.05.2020 17:34

Иштироки Раиси вилоят дар тантанаҳои наврӯзии сокинони Ҷамоати деҳоти Мастчоҳ

( 0 Овоз )

Дар шаҳру ноҳияҳои вилояти Суғд Иди байналмилалии Наврӯзро бо шукуҳу шаҳомати хоса таҷлил намуданд. Сокинон бо шукргузорӣ аз фазои орому осудаи Ватани маҳбуб ва риояи суннату анъанаҳои наврӯзӣ ҷашни бостониро барои ҳамдигар табрик гуфта, сари суфраҳои наврӯзӣ барои пойдории сулҳу субот дасти дуо бардоштанд.

Дар ҷамоатҳои деҳоти ноҳияи Мастчоҳ низ ин ҷашни куҳанро дар сатҳи баланд ва бо омодагии ҳаматарафа таҷлил намуданд ва Наврӯз ба мардуми ноҳия руҳияи тоза ато намуд.

Раиси вилояти Суғд Раҷаббой Аҳмадзода дар тантанаҳои идонаи сокинони Ҷамоати деҳоти Мастчоҳи ноҳияи Мастчоҳ иштирок намуда, аз хаймаву растаҳои наврӯзӣ боздид кард ва ба ҳунари бонувони ноҳия ва пазандагони моҳир баҳои баланд дод.

Раиси вилоят инчунин бо пирони рӯзгор ва кӯдаконе, ки бо амри тақдир аз падару модар маҳрум мондаанд, суҳбат орост. Таъкид карда шуд, ки давлату Ҳукумат ба қишри ниёзманд, махсусан кӯдакони ятиму бепарастор таваҷҷуҳи хоса зоҳир намуда, баҳри тарбияи онҳо аз тамоми имкониятҳо истифода менамояд. Сипас, аз ҷониби Раиси вилоят ба 10 нафар кӯдакони ятим туҳфаҳои наврӯзӣ супорида шуд. Раҷаббой Аҳмадзода изҳори боварӣ намуд, ки кӯдакону наврасон бо баҳои хубу аъло таҳсил намуда, барои пешрафти Тоҷикистони соҳибистиқлол хизмат менамоянд.

Раиси вилоят зимни суханронии худ сокинони ноҳияро аз номи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон табрик гуфта, изҳори боварӣ намуд, ки мардуми ноҳияи Мастчоҳ корҳои ободониву бунёдкориро вусъат бахшида ҷашнҳои дарпешистода, аз ҷумла иди Ваҳдати миллӣ ва 30-солагии Истиқлолиятро бо дастовардҳои назаррас истиқбол мегиранд.

Барномаи ҷолиби консертии аҳли фарҳанги ноҳия ба чорабиниҳои наврӯзӣ шукуҳи дигар зам намуд.

Баъди иштирок дар тантанаҳои наврӯзӣ Раиси вилоят ба хоҷагии деҳқонии “Сӯфизода”-и ноҳия ташриф оварда, ба кишти пахта оғоз бахшид. Иттилоъ дода шуд, ки хоҷагии мазкур дорои 8 гектар замин буда, дар беш аз 4 гектари он пахта кишту парвариш мешавад.

Дар Ҷамоати деҳоти Мастчоҳ бошад имсол дар 3400 гектар кишти пахта ба нақша гирифта шудааст.

Хадамоти матбуоти

Раиси вилояти Суғд

 



Шарҳ додан


Защитный код
Нав кардан

ШУМО ДАР: Навиди Суғд Иштироки Раиси вилоят дар тантанаҳои наврӯзии сокинони Ҷамоати деҳоти Мастчоҳ