Хабарҳо
МАҚОМИ АРЗАНДАИ МАОРИФЧИЁН - 14.08.2020 20:40
Паёми табрикии Раиси вилоят ба муносибати Иди касбии кормандони тиб - 14.08.2020 15:10
Паёми табрикии Раиси вилоят Раҷаббой Аҳмадзода бахшида ба Рӯзи дониш - 14.08.2020 12:59
Ҳамдардии Президенти Ҷумҳурии Тоҷикистон, муҳтарам Эмомалӣ Раҳмон бо сабаби даргузашти Гулназар Келдӣ - 13.08.2020 20:35
Президенти Ҷумҳурии Тоҷикистон Эмомалӣ Раҳмон бо Муовини Раиси Ҳукумати Федератсияи Россия Алексей Оверчук мулоқот намуданд - 13.08.2020 16:53
Пешвои миллат Эмомалӣ Раҳмон дар як қатор мақомоти давлатӣ тағйироти кадрӣ ба амал бароварданд - 13.08.2020 15:59
Маркази илмии Камоли Хуҷандӣ​ китоби​ "Камол дар оинаи пажӯҳиш"​ —​ ро ба нашр расонид - 13.08.2020 15:57
Дар шаҳри Бӯстон Рӯзи кормандони соҳаи тибро ҷашн гирифтанд - 13.08.2020 13:08
Гулистон. Ба 70 нафар кӯдакони ятим ва аз оилаҳои ниёзманд либосҳои мактабӣ дастрас карда шуд - 13.08.2020 08:45
Дар Хуҷанд ба фарзандони оилаҳои ниёзманд либосҳои мактабӣ эҳдо шуд - 13.08.2020 08:42

Навиди Суғд


МАҚОМИ АРЗАНДАИ МАОРИФЧИЁН

( 0 Овоз )

Машварати августии кормандони соҳаи маориф бо иштироки муовини Вазири маориф ва илми Ҷумҳурии Тоҷикистон Қодирзода Диловар Баҳриддин, муовини Раиси вилоят Зайнура Азимӣ, муовинони раисони шаҳру ноҳияҳо сарпарасти соҳаи маориф, ректорони донишгоҳу донишкадаҳо, директорони коллеҷҳо, мудирони шуъбаҳои маориф, собиқадорони соҳа, директорон ва омӯзгорони муассисаҳои таълимии вилоят дар Театри мазҳака - мусиқии ба номи Камоли Хуҷандии маркази вилоят баргузор гардид.

Дар машварат вазъи иҷрои дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар самти беҳдошти соҳаи маориф дар вилоят, сатҳи таълиму тарбия, ҳамчунин масъалаҳои мубрами соҳа мавриди баррасӣ қарор гирифтанд.

Сараввал муовини Раиси вилоят Зайнура Азимӣ Паёми табрикии Раиси вилоят муовини аввали Раиси Маҷлиси Олии Маҷлиси миллии Ҷумҳурии Тоҷикистон Раҷаббой Аҳмадзодаро ба муносибати Рӯзи дониш ба самъи ҳозирин расонда, иброз дошт, ки соҳаи маориф ҳамчун таъминкунандаи рушди устувори давлат ва шарти асосии пешрафти ҷомеа маҳсуб ёфта, мактаб макони муқаддасе мебошад, ки фарзандони мо дар он соҳиби саводу маърифат ва илму дониш мегарданд. Мероси гаронбаҳои таърихи халқамонро азхуд мекунанду сабақи ватандӯстиву оини ватандорӣ мегирад ва байни кишвар ва ҷомеа мақоми арзанда пайдо менамоянд.

Дар машварат сардори Раёсати маорифи вилоят Осим Каримзода дар бораи фаъолияти маорифчиёни вилоят дар амалӣ шудани сиёсати пешгирифтаи Сарвари давлат, ба натиҷаҳои умедбахш ноил гардидани маорифчиён дар баланд бардоштани сатҳу сифати таълиму тарбияи фарзандон сухан кард.

- Маҳз дар натиҷаи аҳли маориф муносибати ҷиддиву эҷодкоронаи онҳо, ба робитаи хуб бо падару модарон хонандагони муассисаҳои таҳсилоти миёнаи умумии вилоят дар олимпиадаҳои ноҳиявию вилоятӣ, ҷумҳуриявӣ ва байналмилалӣ фаъолона ширкат карда, соҳиби мақом ва ҷоизаҳои ифтихорӣ гардиданд, - гуфт Осим Каримзода.

Дар машварат ҳамчунин намояндагони соҳаи маориф – ғолибони озмуни ҷумҳуриявии «Муаллими сол - 2019» Дилафрӯз Умарзода ва «Мураббияи сол – 2019» Розия Нурматова сухан гуфта, миннатдории худро ҷиҳати дастгирии ҷавонон иброз доштанд.

Муовини Вазири маориф ва илми Ҷумҳурии Тоҷикистон Қодирзода Диловар Баҳриддин аз номи Вазири маориф ва илми Ҷумҳурии Тоҷикистон Имомзода Муҳаммадюсуф Сайдалӣ маорифчиёнро бо фарорасии Рӯзи дониш шодбош гуфт.

Намояндагони соҳаи маорифи вилоят дар фарҷом барои дастовардҳои арзанда дар соҳаи илм, тарбияи насли наврас, тарбияи худшиносӣ ва ватанпарварии онҳо, иштироки фаъолона дар ҳаёти ҷамъиятӣ бо унвони Аълочии маориф ва илми Ҷумҳурии Тоҷикистон, Сипосномаи Мақомоти иҷроияи ҳокимияти давлатии вилоят ва мукофоти пулию туҳфаҳои хотиравӣ қадр гардиданд.

 

Маркази илмии Камоли Хуҷандӣ​ китоби​ "Камол дар оинаи пажӯҳиш"​ —​ ро ба нашр расонид

( 0 Овоз )

Маркази илмии Камоли Хуҷандӣ​ ҷилди дувуми "Силсилаи китобҳои камолшиносӣ" -ро таҳти унвони​ "Камол дар оинаи пажӯҳиш" ба нашр расонид.

Китоби "Камол дар оинаи пажӯҳиш" аз​ 566 саҳифа иборат буда, дар он​ зубдаи асарҳои камолшиносӣ аз соли 1845 то 1960 гирдоварӣ шудааст.​ Китоби мазкур, ки аз тарафи адабиётшинос Субҳони Аъзамзод таҳия гардидааст, тавассути​ нашриёти "Хуросон" бо сифати баланд ва ҷолиби таваҷҷӯҳ ба табъ расид.

-Аз Мақомоти иҷроияи ҳокимияти давлатии вилояти Суғд, шахсан Раиси вилояти Суғд, муовини аввали Раиси Маҷлиси миллии Маҷлиси Олии Ҷумҳурии Тоҷикистон Раҷаббой Аҳмадзода хушнудам, ки китоб бо дастгирии эшон ба табъ расид, —​ менависад адабиётшинос дар саҳифаи фейсбуки худ.

Ёдовар бояд шуд, ки​ ҷилди аввали «Силсилаи китобҳои камолшиносӣ»​ бо номи "Камол дар оинаи тазкираҳо" ба наздикӣ аз нашр баромада буд. Нашри ин​ китобҳо беҳтарин дастовард​ ба ифтихори 700-умин солгарди Камоли Хуҷандӣ маҳсуб меёбад.

Хадамоти матбуоти

Раиси вилояти Суғд

Дар шаҳри Бӯстон Рӯзи кормандони соҳаи тибро ҷашн гирифтанд

( 0 Овоз )

13 август дар толори Мақомоти иҷроияи ҳокимияти давлатии шаҳри Бӯстон​ ҷамъомади тантанавӣ ба ифтихори Рӯзи кормандони соҳаи тиб, ки ҳамасола 18​ август —​ дар рӯзи милоди файласуф ва табиби ҳозик Абӯалӣ ибни Сино таҷлил мегардад, доир гардид.

Ҷамъомади тантанавӣ бо сухани ифтитоҳии сартабиби беморхонаи шаҳрӣ Зулола Ибрагимова оғоз гардид.

Раиси шаҳри Бӯстон Раъно Ҳошимзода​ номаи табрикии хешро ба самъи кормандони соҳаи тиби шаҳр​ расонида, аз хизматҳои шоиста ва заҳматҳои пайвастаи табибону ҳамшираҳои тиб дар амри сиҳатбахшии аҳолӣ ва бахусус дар мубориза бо вабои аср – бемории сироятии коронавирус ёдовар шуд.

Номбурда оид ба дастгирии давлатии соҳаи тандурустӣ аз ҷониби Асосгузори сулҳу ваҳдати миллӣ​ —​ Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ёдовар шуда, иброз дошт, ки дар замони соҳибистиқлолии Ватани азизамон сохта мавриди истифода қарор додани иншоотҳои таъиноти гуногуни соҳаи тандурустӣ, ҷиҳозонидани онҳо бо таҷҳизоти муосири муоинавӣ, муолиҷавӣ ва ёрирасон, дар давлатҳои хориҷ ба такмили ихтисос ва бозомӯзӣ фаро гирифтани мутахассисони ҷавон, муқаррар намудани имтиёзҳо ба табибон ва кормандони соҳа ва дигар тадбирҳои муҳим ҷиҳати рушди соҳа ба кор гирифта шуда истодааст, ки шоистаи зикр мебошад.

Пасон,​ ба як қатор табибону ҳамшираҳои тиб, ки дар мубориза бо бемории сироятии коронавирус саҳми шоиста гузошта истодаанд, сипоснома ва туҳфаҳои хотиравии мақомоти иҷроияи ҳокимияти давлатии шаҳр тақдим карда шуд.

Хадамоти матбуоти

Раиси вилояти Суғд

Гулистон. Ба 70 нафар кӯдакони ятим ва аз оилаҳои ниёзманд либосҳои мактабӣ дастрас карда шуд

( 0 Овоз )

Дар шаҳри Гулистон ба 70 нафар​ ятимони кул, кӯдакони бепарастор ва мактаббачагон аз оилаҳои камбизоат либосҳои мактабӣ тақдим карда шуд.

Маросими супоридани туҳфаҳо дар толори калони мақомоти иҷроияи ҳокимияти давлатии шаҳри Гулистон ҷараён гирифт ва масъулони мақомоти иҷроияи ҳокимияти давлатии шаҳр​ дар якҷоягӣ бо соҳибкорон туҳфаҳоро ба хонандагон супориданд.

Таъкид шуд, ки дастгирии оилаҳои ниёзманд дар меҳвари таваҷҷуҳи роҳбарияти олии кишвар қарор дошта, Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба насли​ ояндасози ҷомеа пайваста ғамхорӣ менамоянд.

Хадамоти матбуоти

Раиси вилояти Суғд

Дар Хуҷанд ба фарзандони оилаҳои ниёзманд либосҳои мактабӣ эҳдо шуд

( 0 Овоз )

Дар партави ҳидоятҳои Пешвои муаззами миллат муҳтарам Эмомалӣ Раҳмон бо таваҷҷуҳ ба оилаҳои камбизоат ва дастгирии онҳо дар шаҳри Хуҷанд аз ҷониби соҳибкорони маҳаллӣ тадбирҳои ибратбахш амалӣ карда мешаванд.

Тибқи иттилои дафтари матбуотии шаҳрдорӣ дирўз бо мусоидати Мақомоти иҷроияи ҳокимияти давлатии шаҳри Хуҷанд ва соҳибкорону шахсони саховатманд дар ҳамкорӣ бо Ташкилоти ҷамъиятии "Дунёи меҳр" ба фарзандони​ 30 оилаи ниёзманди шаҳри Хуҷанд либосҳои мактабӣ ва лавозимоти хониш такдим карда шуд.

Таъкид шуд, ки хайрхоҳиву дастгирии ниёзмандон​ беҳтарин кори хайр аст, ки Сарвари​ давлат муҳтарам Эмомалӣ Раҳмон пайваста дар ҳар як баромадҳояшон ба ин нукта ишора мекунанд.

Дар ин росто зикр градид, ки волидайн ҷиҳати иҷрои талаботи Қонуни Ҷумҳурии​ Тоҷикистон "Дар бораи масъулияти падару модар дар таълиму тарбияи фарзанд" бештар масъулияти эхсос намуда, фарзандони худро дар рўҳияи ватандустию хештаншиносӣ тарбия намоянд, то онхо дар оянда ба модар, халқу Ватани хеш содиқона хизмат кунанд.

Боиси хурсандӣ ва сарфарозист, ки маҳз ба шарофати Истиқлолияти давлатӣ, фазои озод, сулҳу субот, ваҳдат дӯстиву муҳаббат ва кӯмаку дастгирии байниҳамдигарӣ дар байни тамоми афроди ҷомеа густариш ёфта истодааст.

Хадамоти матбуоти

Раиси вилояти Суғд

ШУМО ДАР: Навиди Суғд