Хабарҳо
Президенти мамлакат Эмомалӣ Раҳмон Муассисаи таҳсилоти томактабии «Хуршеди Тоҷикистон» барои 600 ҷойро дар ноҳияи Шоҳмансури шаҳри Душанбе мавриди истифода қарор доданд - 29.09.2020 16:12
Пешвои миллат Эмомалӣ Раҳмон дар ноҳияи Шоҳмансури шаҳри Душанбе бинои баландошёнаи истиқоматӣ ифтитоҳ намуданд - 29.09.2020 16:08
Шиносоии Раиси вилоят бо рафти ҷамъоварии пахта дар ноҳияи Ҷаббор Расулов - 29.09.2020 11:01
Паёми табрикии Раиси вилоят ба муносибати Рӯзи Мавлоно Ҷалолуддини Балхӣ - 29.09.2020 10:53
Мақомоти иҷроияи ҳокимияти давлатии вилоят як қатор озмунҳои вилоятӣ эълон менамояд - 29.09.2020 08:51
«Зан ва интихобот: «Ояндаро бо ҳам месозем» - баргузории мулоқоти судманд бо ҳузури бонувони фаъол - 29.09.2020 08:33
Маҷлиси Ҳукумати Ҷумҳурии Тоҷикистон баргузор гардид - 29.09.2020 08:28
Ифтитоҳи бинои муассисаи таҳсилоти миёнаи умумии рақами 33 дар ноҳияи Спитамен - 28.09.2020 14:22
Ташрифи намояндагони аҳли илму адаб ва фарҳанги Ҷумҳурии Ӯзбекистон - 28.09.2020 12:22
Евгений Козяк – намояндаи комиссияи интихоботии ИДМ: Дар Суғд омодагӣ ба интихобот дар сатҳи зарурӣ ба роҳ монда шудааст - 28.09.2020 12:17

Навиди Суғд


Мақомоти иҷроияи ҳокимияти давлатии вилоят як қатор озмунҳои вилоятӣ эълон менамояд

( 0 Овоз )

Мақомоти иҷроияи ҳокимияти давлатии вилояти Суғд бахшида ба Солҳои рушди деҳот, сайёҳӣ ва ҳунарҳои мардумӣ дар соҳаи сайёҳӣ миёни ҳунармандон, муассисаҳои таҳсилоти миёна ва олии касбии вилоят силсилаи озмунҳои вилоятӣ эълон менамояд.

Мақсади озмунҳо ҷалби таваҷҷўҳи ҷомеа ба соҳаи сайёҳӣ, фароҳам овардани шароити мусоид барои рушди сайёҳӣ ва намудҳои гуногуни он  дар вилоят,  муаррифии миллату давлати тоҷикон ба ҷаҳониён ва татбиқи босамари «Барномаи рушди сайёҳӣ дар Ҷумҳурии Тоҷикистон барои солҳои 2018-2020» дар вилояти Суғд мебошад.

Озмунҳои вилоятӣ аз озмун дар байни ҳунармандони вилоят оид ба истеҳсоли маҳсулоти сайёҳӣ ва савғотии беҳтарин ба сайёҳон бо мақсади эҳёи ҳунарҳои мардумӣ ва мақолаи беҳтарин таҳти унвони «Тоҷикистон — минтақаи ҷолиби сайёҳӣ» иборат мебошанд.

Муҳлати қабули мавод  то 23 –юми октябри соли равон мебошад.

Хадамоти матбуоти

Раиси вилояти Суғд

«Зан ва интихобот: «Ояндаро бо ҳам месозем» - баргузории мулоқоти судманд бо ҳузури бонувони фаъол

( 0 Овоз )

Дар Муассисаи давлатии «Кохи фарҳанги Суғдиён»-и шаҳри Хуҷанд дар мавзӯи «Зан ва интихобот: «Ояндаро бо ҳам месозем» мулоқоти судманд доир шуд.

Дар мулоқот мудирони шуъбаю бахшҳои кор бо занон ва оилаи шаҳру ноҳияҳо, фаъолон, олимон, устодони муассисаҳои таҳсилоти олӣ ва миёнаи касбӣ, раисони Шӯрои занону духтарони донишгоҳҳо, шаҳру ноҳияҳо ва намояндагони воситаҳои ахбори омма иштирок намуданд.

Сараввал сардори Раёсати кор бо занон ва оилаи вилоят Хуршеда Хоҷазода оид ба дастовардҳои даврони Истиқлолият дар мавзӯи “Занон ва интихобот: вазъи муосир ва дурнамои рушд” суханронӣ намуд.

Ҳамчунин, узви Маҷлиси миллии Маҷлиси Олии Ҷумҳурии Тоҷикистон, аъзои Шӯрои занони вилоят Мадина Набизода дар мавзӯи «Интихобот раванди демократикунонии ҷомеа», мудири шуъбаи кор бо занон ва оилаи КИ ҲХДТ дар вилоят Мадина Салимзода дар мавзӯи «Хусусиятҳо ва бартариҳои барномаи пешазинтихоботии номзад ба мансаби Президенти Ҷумҳурии Тоҷикистон аз ҲХДТ», омӯзгори Донишгоҳи давлатии Хуҷанд ба номи академик Бобоҷон Ғафуров, номзади илмҳои филологӣ, дотсенти кафедраи адабиёти муосири тоҷик Дилбар Ғафурзода дар мавзӯи «Саҳми бонувон, сиёсатмадорон дар рушди ҷомеаи тоҷик» ва донишҷӯйи бахши якуми факултаи таърих ва ҳуқуқи Донишгоҳи давлатии Хуҷанд ба номи академик Бобоҷон Ғафуров, аъзои Шӯрои духтарони вилоят ва донишгоҳ Нафиса Бобоҷонова дар мавзӯи «Интихобот рукни ҷомеаи демократӣ аст!» баромад намуданд.

Ба иштирокчиён аз ҷониби кормандони Раёсати кор бо занон ва оила 100 адад маводи иттилоотӣ таҳти унвони «Зан ва интихобот» ва «Ҳама ба интихобот» дастрас карда шуд.

Мулоқот бо маслиҳатҳои муфид барои ҷавонон хотима ёфта, ҷиҳати дар сатҳи баланди ташкилӣ баргузор намудани маъракаи муҳими сиёсӣ-интихоботи Президенти Ҷумҳурии Тоҷикистон даъват ба амал оварда шуд.

Хадамоти матбуоти

Раиси вилояти Суғд

Ифтитоҳи бинои муассисаи таҳсилоти миёнаи умумии рақами 33 дар ноҳияи Спитамен

( 0 Овоз )

27 сентябри соли 2020 дар ноҳияи Спитамен бинои муассисаи таҳсилоти миёнаи умумии рақами 33 мавриди истифода қарор гирифт.

Дар маросими ифтитоҳи бинои таълимӣ, ки дар асоси созишномаи миёни Ҷумҳурии Тоҷикистон ва Ҷумҳурии Ӯзбекистон бо саҳми кишвари дӯст бунёд шудааст, вазири маорифи Ҷумҳурии Тоҷикистон Муҳаммадюсуф Имомзода, вазири маорифи Ҷумҳурии Ӯзбекистон Шерзод Шерматов, муовини Раиси вилояти Суғд Анвар Яъқубӣ ва фаъолони ноҳия иштирок доштанд.

Зимни ифтитоҳи бинои таълимӣ вазирони маорифи Тоҷикистону Ӯзбекистон бо ёдоварӣ аз сиёсати пешгирифтаи сарони давлатҳо – Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон муҳтарам Шавкат Мирзиёев таъкид доштанд, ки муносибатҳои дӯстонаи давлатҳо реша дар умқи таърих дорад. Маҳз бо кӯшиши сарони давлатҳо ҳамкориҳои ду давлат ба марҳилаи нав ворид гардида, боиси хушҳолии мардумони ду кишвар гардид.​

Бинои нави таълимӣ дар деҳаи​ Андарсойи Ҷамоати деҳоти Турсун Ӯлҷабоев ҷойгир буда, сохтмони он моҳи августи соли 2018 оғоз гардида буд. Сохтмон аз тарафи ташкилоти «Ӯзбекистон темир йӯллари» ба ба маблағи зиёда аз 18 миллион сомонӣ ба иҷро расонида шудааст.

Муассисаи мазкур барои 630 ​ нафар хонанда пешбинӣ гардида, аз 3 ошёна, 28 синфхонаи таълимӣ, хуҷраҳои маъмурӣ, китобхона, ошхона бо 224 ҷойи нишаст, маҷлисгоҳ бо 280 ​ ҷойи нишаст, китобхона, толори варзишӣ ва майдончаи варзишӣ иборат аст.

Хадамоти матбуоти

Раиси вилояти Суғд

Ташрифи намояндагони аҳли илму адаб ва фарҳанги Ҷумҳурии Ӯзбекистон

( 0 Овоз )

26 сентябр гуруҳи намояндагони аҳли илму адаб ва фарҳанги Ҷумҳурии Ӯзбекистон тавассути гузаргоҳи сарҳадии «Фотеҳобод» ба вилояти Суғди Ҷумҳурии Тоҷикистон ташриф оварданд.

Ҳайати меҳмононро муовини Раиси вилояти Суғд Анвар Яъқубӣ ва намояндагони Вазорати фарҳанги Ҷумҳурии Тоҷикистон гарму самимӣ истиқбол гирифтанд.

Ҳадаф аз ташрифи меҳмонон таҳкими муносибатҳои дӯстона миёни миллатҳои тоҷику ӯзбек, тақвияти ҳамкориҳои адабӣ, илмиву фарҳангӣ миёни ду давлати дӯст арзёбӣ мешавад.

Меҳмонон давоми рӯз аз Маҷмааи фарҳангию «Қалъаи Хуҷанд», Осорхонаи вилоятӣ, Хона — музейи Камоли Хуҷандӣ боздид намуда, бо таъриху фарҳанги миллати тоҷик шинос гардиданд.

Сипас, меҳмонон тибқи барномаи сафар ба пойтахти мамлакат — шаҳри Душанбе равон шуданд. 

Хадамоти матбуоти

Раиси вилояти Суғд

Евгений Козяк – намояндаи комиссияи интихоботии ИДМ: Дар Суғд омодагӣ ба интихобот дар сатҳи зарурӣ ба роҳ монда шудааст

( 0 Овоз )

Намояндаи комиссияи интихоботии Иттиҳоди Давлатҳои Муштаракулманофеъ (ИДМ) Евгений Козяк ва узви Комиссияи марказии интихобот ва раъйпурсии Ҷумҳурии Тоҷикистон Ёқубҷон Мадумаров ба вилояти Суғд ташриф оварда, ба вазъи омодагии ҳавзаҳо ва участкаҳои интихоботӣ аз наздик  ошноӣ пайдо намуданд. Аз ҷумла, меҳмонон аз ҳавзаи интихоботии №26, участкаҳои интихоботии рақамҳои 22 ва 53 – и шаҳри Хуҷанд боздид намуда, бо ҷараёни омодагӣ ба интихоботи Президенти Ҷумҳурии Тоҷикистон шинос гардида, бо масъулин сӯҳбати судманд намуданд.

Евгений Козяк дар суҳбат бо рӯзномаи вилоятии «Ҳақиқати Суғд» изҳор дошт, ки аз корҳои омодагӣ ба интихобот дар шаҳру ноҳияҳои вилоят қаноатманд аст. Ба иттиллои мавсуф дар участка ва ҳавзаҳои интихоботӣ барои интихобкунандагон шароитҳои зарурӣ муҳайё гардида, корҳои омодагӣ ба интихобот, аз ҷумла ташвиқоту тарғибот, пешниҳоди маълумот дар бораи номзадҳо ва барномаи онҳо, таъсиси гӯшаҳои иттилоотӣ хуб ба роҳ монда шудааст.

- Мо, як гуруҳ мушоҳидони байналмилалӣ дар арафаи интихобот ба Тоҷикистон омадем, то ҷараёни баргузории ин маъракаи муҳими сиёсиро назорат намоем. Ман ҳамчун намояндаи комиссияи интихоботии ИДМ аз соли 2005 инҷониб дар якчанд интихоботҳои Президенти Ҷумҳурии Тоҷикистон ва Маҷлиси намояндагони Маҷлиси Олии Ҷумҳурии Тоҷикистон иштирок кардаам ва дар ин самт таҷрибаи ғанӣ дорам. Аз ҷараёни омодагӣ ба интихобот дар ҳавзаҳо ва участкаҳои интихоботии вилояти Суғд қаноатмандӣ изҳор намуда, боварӣ дорам, ки мардуми Тоҷикистон дар интихобот фаъолона ширкат варзида, ба номзади арзанда раъй хоҳанд дод, - зикр дошт Евгений Козяк. 

Хадамоти матбуоти

Раиси вилояти Суғд

ШУМО ДАР: Навиди Суғд