Кишоварзони ноҳияи Зафаробод соли ҷорӣ тасмим доранд, ки дар майдони 14 ҳазору 730 гектар пахта кишт намоянд.
6 апрел Раиси вилояти Суғд Раҷаб Аҳмадзода дар хоҷагии деҳқонии «Беҳрӯз» дар маъракаи кишти пахта дар зери плёнка иштирок намуда, ба роҳбарияти ноҳия, раисони ҷамоатҳо, кишоварзон ва масъулини хоҷагиҳои деҳқонӣ ҷиҳати сари вақт ва босифат анҷом додани кишти пунбадона ва гирифтани ҳосили баланд дастуру супоришҳои мушаххас дод.

3 апрел дар Амфитеатри Қасри Арбоб маросими ботантанаи гусели даъватшавандагон ба сафи Қувваҳои Мусаллаҳи Ҷумҳурии Тоҷикистон баргузор гардид.

6 апрел зимни сафари корӣ ба ноҳияи Зафаробод Раиси вилояти Суғд Раҷаб Аҳмадзода бо вазъи кунунии пойгоҳҳои обкашӣ, аз ҷумла пойгоҳи обкашии «Мирзочӯл-1» аз наздик шинос шуда, ба фаъолияти пойгоҳ дар мавсими имсолаи обрасонӣ оғози расмӣ бахшид.

Дар доираи корҳои ободониву сабзкорӣ дар минтақаҳои гуногуни шаҳри Хуҷанд шинонидани дарахтони ороишиву сояафкан идома дорад.
Аз ҷумла, бо иштироки Раиси вилояти Суғд Раҷаб Аҳмадзода дар майдони назди Театри давлатии мазҳакаи мусиқии ба номи Камоли Хуҷандӣ якчанд ниҳолҳои ороишӣ шинонда шуд.